1 Kurintiya 2:10 - Bible Zulgo

¹⁰ Ama kwa kinehe ka, Mbulum aka ɗif a kwa à dukw ata a yaha aɗaba kwa ya, nda ndzəɗa Mezite Mesife ŋgar. Aɗaba Mezite Mesife ata ka, a sər duwa tserdze. Ku mege dukw ana Mbulum a dzala i gəzləŋ ŋgar a tekeɗe, a sər mbaŋa.

1 Kurintiya 2:10 ပူးပေါင်းရင်းမြစ်များ

Mata 13:11

A gwaɗa a tar aaka: «Aɗaba kurum ka, Mbulum aka ɗif a kurum à dukw ana makàhà ŋa i mekwere ŋgar a, kàa mbər mesirwim. Ama gà mìsle ŋgiɗ ka, tə sər tsa.

Mata 16:17

Yesuw a gwaɗar: «Kər ka, maŋgayaba i təv yak, Simun kəla Yunas, aɗaba kà sər taŋa ka, mburma na a tsikik a tsa. Ama Tsir gà Mbulum ana i gər ŋa ya na a ɗifek dər a.

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Luka 2:26

Mezite Mesife Mbulum ata na a gwaɗar: «Say ki ta mìt a ka, kàa ŋgat a mala məmbàlà à mburma ana Mbulum a gwa, i slir a kurumaha a ya ndzer a dzekwiŋ.»

Yuhana 14:26

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Yuhana 16:13

Na Mezite Mesife Mbulum ata a ɗif a à ndzer a mburma ya, aka dara ka, a ɗif a kurum a à ndzer ŋgar ata aka gər duwa tserdze kuɗa. A ta fèfil a ka, nda ndzəɗa ŋgar tsa. Ama a ti tsik a kurum a ka, dukw ana a tsarakara i təv Tsir gà ya, dite à ta me a kurum a à gà dukw ana ti ta ge a ba ika miɗ mba ya mbaŋa.

1 Kurintiya 14:30

Na wura a riŋ à me à bazlam Mbulum a mburma, i dəba ŋa ya ka, Mbulum aka ɗif à duwa a mìsle ŋgiɗ ika magər kurum a ka, a ger həɗəmma, a waya meɗìfè dər a mburma i təv ana wele malahalah ŋa aaha à fèfil a mba ya ka, ŋgat ata à fèfil a ya, ma ndza tìytìy, mə vəl vatwa a wele ŋgiɗ aaha, mə̀ fàfəl.

1 Kurintiya 2:11

Weke na a sər dukw mìsle ŋgiɗ ana a dzele a i gər ŋgar a? Awaŋ, wura a sər tsa. Say i huɗ madzala gà gər ŋgar ilik na a səraba ya. I təv Mbulum tekeɗe, kamala taŋa ya mbaŋa. Say Mezite Mesife ŋgar ŋa ilik na a sər dukw ana ŋgat a dzele a ya, tsəka, mìsle ŋgiɗ a sir a tsa.

GALATIYA 1:12

I tsaraka ka, i təv mburma ya tsa asa, dite kwets wura a sinikiŋ dər tsa asa mbaŋa. Ama Yesuw Kiristi à gər ŋgar na a ɗifiŋ dər a.

EFESIYA 3:3

Mbulum aka ɗifiŋ à dukw ana piŋŋe makàhà ŋa akahər ata ya, kərga na i lah mewetse a kurumaha zaakwa ya mbaŋa.

EFESIYA 3:5

Aɗaba akahər ata ka, gà mburma tə sər dukw ata ka, makàhà ŋa tsa. Ama kinehe ka, Mbulum aka slərra Mezite Mesife ŋgar a, aà meɗìfè dər parakkà a gà ɓəzla meslire ŋgar a, nda gà ɓəzla məma à guma ŋgar ana a ndzək tar a.

1 TIMUTE 4:1

A pat ana gər ahəɗ aka à mendìve ya ka, gà asiŋ gà mburma ŋgiɗ ta miyek a à megìse tar ana ta gəs Yesuw nda gəzləŋ ilik a. Aɗaba tì dze a zləm ka, a gà mburma ana ti ɗif a ter a à duwa nda pàrsa ya. I dəba ŋa ya, ti zezem a ka, bazlam ana sitene a tsik a ter a ya ɗekɗek pəra. Na a ɗif a à gà dukw ata parakkà lele ka, Mezite Mesife Mbulum.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.

1 Yuhana 2:20

Ama kurum tserdze ka, kà sərum gà dukw ana gà ndzer ŋa ya, aɗaba Kiristi na a vəl a kurum Mezite Mesife ŋgar a.

1 Yuhana 2:27

Ama kurum ka, Kiristi aka vəl a kurum Mezite Mesife Mbulum ana a ndze a i gəzləŋ kurum a. Aɗaba taŋa, mala medzeŋge a kurum ŋgiɗ pam ka, a riŋ asa tsa. Mezite Mesife ŋgar ata na a riŋ a dzeŋge a kurum a gà dukw tserdze kinehe kuɗa ya. Dukw ana a dzeŋge a kurum a ya ka, ndzer kaɗəŋ, pàrsa iɗəm tsa. Aɗaba taŋa na i tsik a kurum a: Gwim kamala ana a dzeŋge a kurum a ya, kamala megweɗe ya, ndzum i təv ilik ŋa nda Yesuw Kiristi kəla pat.

Sunwa Yuhana 1:1

Wakita aaha a fàfəl ka, aka gər dukw ana Yesuw Kiristi a ɗif dər a gà na ta ge a megemir a Mbulum a. Aɗaba Mbulum na a gwaɗar, ɗif a tar dər a, dite ka, tə sər aà dukw ana a ta ge a ba bise ya. Aɗaba taŋa na Yesuw Kiristi a slərra gawla ŋgar a təv Yuhana ana mala meslire ŋgar a, dite na a ɗifer à gà dukw ata ya.

Sunwa Yuhana 2:24

Ama kurum gà asiŋ ana i Tiyatira ya, kurum ka, kàa zazamum guma məkəs ata tə tsa. Kurum ka, kà sinikwim à dukw ata ta gwa ahər, makàhà ŋa i huɗ ŋa ka, biy Əbay sitene ya tsa. Aɗaba taŋa, duwa ŋgiɗ a riŋ na aà metsike a kurum, dite ki gwim a ya ka, a riŋ asa tsa, say dukw ata pəra.