1 Kurintiya 2:1 - Bible Zulgo

¹ Gà damər gà, akahər ata i təv ana i dara a təv kurum a, aà meɗìfè a kurum à dukw Mbulum ana makàhà ŋa, dite a pàt a kwa dər ndərzayya ya ka, Yàa tsik a kurum bazlam ana a geye a kurum a gà ndə̀kə̀zlə̀zlə̀mma, kà tsarakum tsiye tsa, dite Yàa zle à duwa nda metsehe mburma ɓav tsa asa mbaŋa.

1 Kurintiya 2:1 ပူးပေါင်းရင်းမြစ်များ

Gà Ɓəzla Meslire 20:21

I tsikewa a gà Yahuda nda gà mburma ana tar gà Yahuda tsiye, dite ta mbəɗ à gəzləŋ tar, a təv Mbulum, dite ka, ta gəs Yesuw Kiristi BATSAH kwa ŋa nda gəzləŋ tar.

Gà Ɓəzla Meslire 22:18

I ŋgat a Yesuw, a gweɗiŋ:

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

1 Kurintiya 1:17

Ama Kiristi a slər iye ka, aà metsìlwìɓè à mburma a yam ɓav tsa. A slər iye ka, aà metsìkè bazlam ŋgwal ŋana a mburma seyiŋ ivaɗ. I təv ana i tsikewa a tar a ka, nda metsehe mburma tsa. Tsəka, ana ka, məməta ŋgar ana a mət aà dizl magə̀làwà ŋa ya ka, a ne a dukw taf masakəŋa.

1 Kurintiya 1:6

Kamala taŋa ya, aɗaba akahər ana mì ɗif a kurum à bazlam Yesuw Kiristi ya ka, kàa gəsum nda gəzləŋ kurum ədəts lele.

1 Kurintiya 2:13

I təv ana mì fàfəlawa aka gà dukw ata Mbulum a ɗif dər a mburma ya ka, mì tsikewa gà bazlam ana gà mburma ti ɗif a mər dər nda metsehe tar a tsa. Ama mì tsikewa ka, dukw ana Mezite Mesife Mbulum a ɗif a mər dər a. Kamala taŋa ya, mìi ɗif a ka, à dukw ana ndzer, a dara i təv Mbulum a ya, a gà na tàa ŋgat Mezìtè Mesife Mbulum ata a gəzləŋ tar a.

1 Kurintiya 2:4

I màwa a kurum à bazlam Mbulum, i ɗifewa a kurum dər. Dukw ana i tsikewa a kurum a ka, a dara i metsehe mburma ya tsa. Yàa bana kurum nda bazlam ilik tsidze. Ama Mezite Mesife Mbulum na a ɗif a kurum à bazlam gà ata nda ndzəɗa ŋgar ndzer kaɗəŋ a.

1 Kurintiya 2:7

Seyiŋ tsa, aɗaba metsehe ana i zla a kurumara ya ka, biy Mbulum ivaɗ. Ama taŋa ka, dukw ana makàhà ŋa, Mbulum aka ɗif dər a mburma akahər ata tsiye. I təv ana aka dza ba aà mege gər ahəɗ zukw tsiye ka, a səraba pat ana a ti ɗif a kwe a à dukw ata ya, na dite ka, ki ti ndzekwe a nda gà ŋgat i təv ndzəɗa ŋgar ana tì zlibe a dər a ya.

2 Kurintiya 10:10

Aɗaba gà asiŋ gà mìsle ŋgiɗ ika magər kurum ta gweɗe a, Pul a wetse a mər wakita ŋgar ata, dukw ana a wetse aɗəm a ka, mawura ba ŋa hinne, nda ndzəɗa na a tsik aɗəm a. Ama akahər ana ŋgat mandza ŋa ɗa ika magər kwa ya ka, mbile ŋa, dite bazlam ŋgar ana a tsikewa ya tekeɗe ibam, biy taf masakəŋa ana, meme?

2 Kurintiya 11:6

Bəla iye ka, i sər mifefile ana, dite ka, mà tsahən aà mburma dzekwiŋ a tsa. Ama nda təv masəra bazlam Mbulum ka, i sər lele dukw ŋgar. Taŋa ka, i pàtawa a kurum dər ka, parakkà lele, ku mege ndeɗime, ku mege meme tekeɗe ya.

2 TESALUNIKE 1:10

Gà dukw ata ti ta ge a ba kamala taŋa ya ka, a pat ana à mère a ya. A mère a ka, gà mburma ŋgar tì zlibe a à ŋgat. Gà na ta gəs ŋgat nda gəzləŋ a tserdze, a ge a ter a hayaffà i gəzləŋ, tì zèmbeɗe a à ŋgat. Ta gweɗe a, ŋgat ka, Batsah ŋa kaɗəŋ. Dite kurum tekeɗe, ika magər gà mburma ata mbaŋa, aɗaba ana kə̀ gəsum bazlam ŋgar ana mì ɗif a kurum dər a ya.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

1 Yuhana 4:14

Mər ka, maa ŋgatar, na Mbulum Tsir kwa a slər a kwara Kəla ŋgar aka gər ahəɗ a ya, na dite a mbele a à mburma ya. Mì tsikewa a kurum ka, bazlam ata a ge ba ndzer kaɗəŋ.

Sunwa Yuhana 1:2

Ama Yuhana ata a mà ka, à dukw ana a ŋgatar nda are ŋgar a tserdze, kamala megweɗe ya, a mà ka, à bazlam Mbulum nda gà dukw ana Yesuw Kiristi a ɗifer dər à ndzer ŋa ya tserdze.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 19:10

I tsaraka kataya ka, i dza gurmits a bəɗ aka miɗ ŋgar, i waya mazàmbàɗà à ŋgat. Ama a gweɗiŋ: «Ki ge kamala taŋa ya tsa. Aɗaba iye tekeɗe ka, mala mege megemir Mbulum taf masakəŋa, kamala kurum ana nda gà damər yak kà zazamum ndzer Yesuw ana a ɗif dər a ya. Seyiŋ tsa, zàmbaɗa ka, à Mbulum ivaɗ.» Ndzer Yesuw ata a ɗif dər a, na a vile a ndzəɗa a gà ɓəzla məma à guma ŋgar a.