1 Kurintiya 16:3 - Bible Zulgo

³ Yàa daha ka, i wetse a wakita, i vile a ahər a gà na kà palum tar aà megemir ŋa ya, dite ka, i slir a dər tar a Yeruzalem.

1 Kurintiya 16:3 ပူးပေါင်းရင်းမြစ်များ

1 Kurintiya 11:34

Na wura a riŋ may a wir a ahər a ka, say ma zəmara aba ɗaf ŋgar i ma ya dzekwiŋ, na dite mayahaba gər kurum ana ki yehwimebe a ya ka, Mbulum a ta gis a dər kurum a seriye ŋgar asa tsiye ya. Ama gà asiŋ gà bazlam ŋgiɗ ana kà wizwim a, i ti ɗif a kurum a dər ka, say i təv ana Yàa ndzeha a təv kurum a dzekwiŋ.

1 Kurintiya 16:4

Na bəla Yàa samata, a ge a ba ka, mìi de akaba a nda gà tar tserdze a təv ilik ŋa.

2 Kurintiya 3:1

Aka biy kurum ana, mìi zlibe a aba nda ahər mər ŋa kamala ana kù gwaɗum a asa ya? Tsəna, mì wetsera gà wakita i təv mburma ya, dite mì da dərraha a təv kurum, mì pat a kurum dər, na dite ki sirwim a dər ka, mər gà ɓəzla meslire Mbulum gà ndzer ŋana ya ya? Awaŋ, ku mege a təv kurum tekeɗe, maa wiz medzibe wakita ata, dite mìi de a dər a təv gà mìsle ŋgiɗ aà məpàtà a tar dər ka, maa wiz ɓav tsa. Gà mìsle ŋgiɗ ka, ta gewa dər kamala taŋa ya seyiŋ. Ama mər ka, mì gewa dər kataya tə tsa.

2 Kurintiya 8:4

Ta ge a mər kamkam hinne, ta gwaɗa a mər: «Vəlum a mər vatwa aà metìkè aɗəm ahər mər te,« na tì zlèk a dər gà mburma Mbulum ana ika ahəɗ Yuda ya.

2 Kurintiya 8:6

I təv kurum ka, Titus aka lah medeha, aka dza ba aà mayaha gər a siŋgwe i təv kurum a akahər ata. Aɗaba taŋa na mì wiz ŋgat asa ka, mə̀ mbəɗaha gər a təv kurum, dite mà ndəv à megemir dukw taf kurum ata kà vəlum a, ika magər kurum a ya.