1 Kurintiya 15:57 - Bible Zulgo

⁵⁷ Ama ka, gekwa kəkaaha a Mbulum, aɗaba ana a vile a kwe a ndzəɗa aà məmbà dər aà gà bakal nda məməta fit, nda ahər Yesuw Kiristi BATSAH kwa ŋa ya.

1 Kurintiya 15:57 ပူးပေါင်းရင်းမြစ်များ

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Gà Ɓəzla Meslire 27:35

Pul a tsik aba bazlam ata ya ka, a zla ɗaf ata, a hitse dər aka miɗ tar ata tserdze ya, a ge dərraha kəkaaha a Mbulum. I dəba ŋa ya, a sàs iba ya, a dza ba aà mazəma ŋa.

RUMA 8:37

Ama ku mege kataya tekeɗe, ki sewlekwe a aà mesewere are ata kweleŋ fètìte, na nda ndzəɗa Yesuw Kiristi ana a waya dər kwa ya ya.

1 Kurintiya 15:51

Tsarakum kwaŋ, i ɗif a kurum a à dukw ana makàhà ŋa ya: Ba kwa tserdze ka, a ta mete a fit tsa, ama ba kwa ata tserdze ya ka, sùwùɗ ki ta mbìɗekwe a ba ŋgiɗ.

2 Kurintiya 1:11

Meheme kurum ana kurum ihər ki hemwim a a Mbulum aɗaba mər a tekeɗe, a riŋ à zlèk a mər mbaŋa. Kaɗəŋ, gà mburma hinne na tar riŋ ihər ta heme a a Mbulum aɗaba mər a. I dəba ŋa ya, na Mbulum tekeɗe, aka gəs meheme tar ata ta hemer a ya ka, gà mburma hinne ti ta ger a kəkaaha mbaŋa, agəra ŋgwal ŋgar ana a ge a mər a.

2 Kurintiya 2:14

Gekwa kəkaaha a Mbulum, aɗaba ana a dza mər a ahər a Yesuw Kiristi, dite ŋgat a ne Batsah mər ŋa, a de à mər a aka miɗ kəla pat. Kamala taŋa ya, a sàs a Mbulum ka, a ɗif a dər a mburma tserdze, dite ka, ku weke ma sər dər, Kiristi na a mba aà duwa tserdze ya. A slər mər, aà metsìkè bazlam ata aka gər Kiristi ya, dite ka, aà gà mburma tə sər ŋgat. Bazlam ata mìi tsik a ya ka, ar kamala wirdè ana a ze hwaŋŋà ya. A zehe a ka, aà gà mburma tserdze, ku mege a ŋga.

2 Kurintiya 9:15

Gekwa kəkaaha a Mbulum aɗaba dukw ana a vəl a kwa ya. Taŋa ka, a za duwa tserdze, biy megèr wusa ŋa ka, nda bazlam asa tsa.

EFESIYA 5:20

Gwim kəkaaha a Mbulum Tsir kwa, agəra gà dukw ana tserdze ya ka, nda zləm Yesuw Kiristi BATSAH kwa ŋa ya. Gwimer kəkaaha kəla pat.

IBƏRANIKWA 2:14

Gà ɓəza ŋgar ata a tsik ahər a ka, gà mburma. Tar riŋ nda gà slu ba lele, məmbəz iɗəm. Aɗaba taŋa, Yesuw tekeɗe, aka ne à ba ŋgar kamala tar a mbaŋa, dite na a waya məməta, a mət, a dzeye dər à Əbay sitene ana ŋgat mala ndzəɗa aà medzeye à mesife mburma ya.

Sunwa Yuhana 12:11

Ama gà damər kwa ata ka, tàa mba aà ŋgat. Ta mba ahər ka, aɗaba Kəla Təmaŋ ana a mburuɗ tar nda məmbəz ŋgar a. Ta mba ahər asa ka, aɗaba ana ti tsikewa bazlam Mbulum a mburma ya. Kamala taŋa ya, ta vəl gà mesife tar a ahər ka, a Mbulum. Ku mege ta mete a tekeɗe ka, ti dzele a tsa.

Sunwa Yuhana 21:4

A ta bere a aà tar tuwa à are tar a tserdze. Ti ta mete a asa tsa, dite gà dukw ana à tsìɓ a ter a ya ka, a riŋ asa tsa mbaŋa. Ti tiwe a asa tsa, dite duwa ilik a ta wir aà ter a asa tsidze. Gà dukw ana gà miviye ŋa ya tserdze ka, ti ta ge a riŋ asa tsa.»