1 Kurintiya 13:8 - Bible Zulgo

⁸ Mawàyà mburma ka, à ndìv a tsa, a ndze a aà biybiy. Ama gà bazlam Mbulum ana ta màwa dər a mburma ya ka, tì ndìv a mba. Dite ku mege tàa ŋgat ndzəɗa aà metsìkè gà ahəm ana tar tə sər tsiye tekeɗe, a ti ndìv a mba asa. Masəra gà dukw ana mburma tə səraya nda təv Mbulum a tekeɗe ibam, à ti ndìv a mbaŋa asa.

1 Kurintiya 13:8 ပူးပေါင်းရင်းမြစ်များ

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Gà Ɓəzla Meslire 13:1

Akahər ata ka, gà ɓəzla məma à guma Mbulum riŋ nda gà ɓəzla mesìnìkè à bazlam Mbulum a mburma i liwiŋ gà mburma ana ta gəs Mbulum i kwite Antakiya ya. Tə zal a gà mburma ata ka, Barnabas nda Simeyun ana tə zalar lìviŋ lìviŋ mburma ya, dite nda Lukiyus gà Kirene, nda gà Manayan ana ta gəl akaba tar nda Əbay *Hiridus məma ya, dite nda ga Sawul asa ya.

Gà Ɓəzla Meslire 19:6

Dite Pul a daha, a dza aka tar ahər. Mezite Mesife Mbulum ibam, a tarra aka gər tar a kuɗa. I dəba ŋa ya, tə dza ba aà mifefile ndaka gà ahəm ŋgiɗ pampam. Dite tə daha, tə dza ba aà məma à gà guma ana Mbulum a tsik a tar a.

Gà Ɓəzla Meslire 2:4

Gà mburma ata tserdze ya, Mezite Mesife Mbulum a rah a tar a gəzləŋ. Tə dza ba aà mifefile, ku weke ndaka ahəm ŋgiɗ pampam, kərga na Mezite Mesife Mbulum ata a gwaɗa a tar, tsikwim a.

1 Kurintiya 12:10

A vəl a mìsle ŋgiɗ ka, ndzəɗa ana biy megeye dər gà dukw mene aà mburma ya. A biy ŋgiɗ ka, a vəlar ndzəɗa aà məma à guma ana Mbulum a tsikar a, a mburma tèrihhwè lele. Gà biy ŋgiɗ ibam, ta ŋgat ndzəɗa i tar ka, aà masəra ikaba à dukw ana a dara i təv Mezite Mesife Mbulum a, nda biy Əbay sitene ya. Gà mìsle ŋgiɗ asa ka, ta ŋgat ndzəɗa i tar ka, aà metsìkè gà ahəm ana tar tekeɗe, tə sər tsiye. Gà biy ŋgiɗ asa ibam, ta ŋgat ndzəɗa i tar ka, aà məma à gà ahəm ata a mburma parakkà lele.

1 Kurintiya 13:10

Ama i təv ana Mbulum a ti ɗifekwe a à gà dukw ana ndzer ŋa ya ka, gà dukw ana ta ge a ŋgulum kinehe tə̀ma ya ka, tì ndìv a kuɗa.

1 Kurintiya 13:13

Aɗaba taŋa, kinehe ka, gà duwa a riŋ makər na tì ndìv a tsiye. Kamala megweɗe ya: magəsa Mbulum ana kə̀ gə̀sakwa nda gəzləŋ kwa ya, nda metìkè madzala gà gər kwa ana ki tikikwe a nda təv ŋgar a, na dite dukw tserdze a de a lele ya, nda mawàyà mburma. Ama kəla ka, mawàyà mburma na a za gà dukw ata tserdze ya.

1 Kurintiya 14:39

Aɗaba taŋa, gà damər gà, yahum ndzəɗa ana ki mwim a dər à guma Mbulum a mburma ya, nda gəzləŋ ilik, dite ka ta palum ahəm a gà na ta fèfil a ndaka ahəm ana tar tə sər tsiye tsa mbaŋa.

1 Kurintiya 8:2

Na wura ŋgakŋgakəkka à sìŋgìr a à ba ŋgar, a gweɗe a, waytsà i sər duwa hinne, taŋa ka, ma sər dər, ŋgat ka, aka sər duwa kamala ana a da ndaka biy Mbulum a zukw tsa.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

IBƏRANIKWA 8:13

Kamala taŋa ya na Mbulum a fàfəl aka gər masəra ba ana à gis a ba awiya ŋa ya. A tsik kataya ka, kamala megweɗe ya: Malahalah masəra ba ata ta gəs ba ya ka, ndzəɗa ihər asa tsa, aka ne dər miviye ŋa. Ama kà sərakwa, dukw ana miviye ŋa ya ka, a ge a ŋgulum asa tsa, kwiɗèy aka à mendìve.