1 Kurintiya 13:5 - Bible Zulgo

⁵ Mala mawàyà mburma ka, a ge a dukw ana a ndeɗe a dər akaba hwarwa nda təv gà mìsle ŋgiɗ a tsa. Dite a ge a dukw ana a ge a ŋgulum ka, a ba ŋgar ɗekɗek a ɓav tsa asa. Duwa à tsìɓer a nda təv mburma tsa. Na bəla wura aka ge aà ŋgat bakal a ka, a tike a matsəɓatsəɓ ŋa a gəzləŋ ŋgar tsa asa.

1 Kurintiya 13:5 ပူးပေါင်းရင်းမြစ်များ

Mata 5:22

Ama iye ihər i gweɗe a kurum a nda ndzer: Na wura aka ge arəv aà damər ŋgar ka, ta ger a seriye asa mbaŋa. Dite asa ka, wur ana a gweɗe a a damər ŋgar, kər ka, ndzə̀fakkà, metsehe yak a riŋ tsiye ka, ti ta ge a seriye ŋgar ka, biy ana à mère a a dəba ya asa tsiye. Ama ku weke na a ndeveye a a damər ŋgar pìslìɗìɗe, a gweɗere a, kər ka, ndìrɓek kàa dzeye ika miɗ Mbulum a ka, bazlam ŋgar ata a tsiker a ka, biy maya ahər ŋgat a akwa ana a mbete a tsa aà biybiy a ide.

Mata 9:4

Ama Yesuw a sər a taraha aka dukw ana tə dzala i gər tar a tsara. A gwaɗa a tar: «Aàmala na kà dzalum madzala gà gər ata ŋgwala tsa i gəzləŋ kurum a?

Markus 3:5

Yesuw a fə̀r aà gà mburma ata tserdze ya, nda Mahərdəsa yemere. Ama ka, tə ndzar aɗəm are tsehe asa, aɗaba gəzləŋ tar manəsa ŋa, tə sər dukw ana ta ge a ya tsa. I dəba ŋa ya, Yesuw a gwaɗa a wele ata makula ahər ŋa ya: «Sirikara à ahər yak a təv ga ya.» Wele ata a sìrìk dərraha tsara ka, ahər ŋgar ata a làmbaɗa ba lele.

Luka 7:39

Farisa ana a zal a Yesuw a, a ŋgat a məkəs ata a leme ahər a ya tsara ka, a gwa i gər ŋgar ka: «Na wele aaha ka, mala məma à guma Mbulum ndzer ka, a sir a məkəs aaha a ləm ahər a ka, mala bakal, a delewe a aba ŋgat a.»

1 Kurintiya 10:24

Ka tə dzalum ka, aka dukw ana a ge a ŋgulum a ba kurum a ɗekɗek tsa. Dzalum ka, aka dukw ana à zlèk a gà mìsle ŋgiɗ a mbaŋa.

1 Kurintiya 10:33

Gwim ka, kamala ana iye i gewa ya mbaŋa. Dukw ana i ge a ya fit ka, a sèsiŋ na i tsahən dər aà gà mburma ya tserdze. I dzele a ka, dukw ana a giŋ a ŋgulum a iye ya ɗekɗek tsa. I dzele a aka dukw ana a ge a ŋgulum a gà asiŋ gà mburma ŋgiɗ a mbaŋa, na dite Mbulum a mbele à ter a ya.

1 Kurintiya 11:18

Aɗaba i tsaraka malahalah ŋa ka, ta gweɗiŋ: I təv ana kà yahawum ba gər aà mazàmbàɗà à Mbulum a ka, ki ndzekwim a ba iba ya təv pampam, na ika magər kurum gà mburma Mbulum a. Ama i dzala, i gwa, bazlam ata a ge a ka, ndzer kaɗəŋ, pàrsa iɗəm tsa.

1 Kurintiya 12:25

Aɗaba a ge dər kataya ka, a waya tsa na ba kwa a ndze a tsàkàlàk təv pampam a. Ama a sasar ka, gà dzerisl ba ata ti zlèkeye a ba ilik ilik tserdze.

1 Kurintiya 7:36

I fèfil a kinehe agəra gawla ana makasl ŋgar a riŋ a mbaŋa. Na bəla wele ata a dzele a, a gweɗe a: I miyek a à ŋgat. Tsaatsa, a tsik kataya ka, arəv tar ikaba, a waya mandàɗà hwarwa aka dəm aaha à gər ŋgar tsa, dite meèweke ba tar tekeɗe, ar ikaba ka, ŋgulum ma zla ŋgat kaɗəŋ, kamala ana a waya ŋgat ndeɗiŋa ya, bakal iɗəm tsa.

2 Kurintiya 5:19

Ndzer ŋana Mbulum a slərra Kiristi ya ka, aà mà sər ba à tar tserdze nda gà ŋgat. A ɗeme a bakal tar asa tsa. I fataya ka, a slər mər aà metsìkè bazlam masəra ba ŋgar ata a sər ba à mburma nda ŋgat a, a gà mburma.

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

FILIPIYA 2:21

Gà asiŋ gà mburma tserdze tə dzalawa ka, ba tar ɗekɗek, tsəka, tə dzalawa aka megemir Yesuw Kiristi tsa.

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

2 TESALUNIKE 3:7

Aɗaba kurum nda gər kurum ka, kà sərum mendze mər ana mì ndza i təv kurum akahər ata ya. Ama ka, lele na ki gwim a kamala mər ata ya. Aɗaba mər ka, gà màsar ŋa tsa.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

2 TIMUTE 4:16

A pat ana ta gəs iye aka miɗ mala seriye malahalah ŋa, dite i fàfəl ikaba ya ka, mala mezleke iye a riŋ ilik tsidze. Tàa miyak à iye tserdze. Ku mege ta ge kataya tekeɗe, Mbulum ma ti tike bakal ŋa aka gər tar ɓav tsa.

YAKUBA 1:19

A kurum gà damər gà ana i waya kurum hinne ya. Tsarakum dukw ana i tsik a kurum a ya, dukw ilik ma ta məts a kurum gər tsa: Ku weke mà dza zləm a dukw ana ti tsiker a ya dzekwiŋ. Ama ma dzala dukw ana a tsiker a ika arah ŋgar a lele, dite ma tsik kuɗa. Mà gəs gəzləŋ i təv matsəɓatsəɓ ana a dere a i gəzləŋ ŋgar a mbaŋa.