1 Kurintiya 13:4 - Bible Zulgo4 Aɗaba taŋa, wur ana a waya mburma ya ka, ədəts à gis a gəzləŋ, a ge a dukw ana ŋgwal ŋa ya, a mìsle ŋgiɗ. A ge a are aka dukw mburma tsa, a ge a zlapa tsa. Ŋgakŋgakəkka à sìŋgìr a à ba ŋgar ɓav tsa asa mbaŋa. အခန်းကိုကြည့်ပါ။ |
1 Kurintiya 13:4
53 ပူးပေါင်းရင်းမြစ်များ
Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,
Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.
Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.
Gà damər gà, i tsik gà bazlam ata aka gər mər nda Apalus ka, aɗaba kurum, dite na i waya ka, ka sinkwim ba à duwa ilik te ya. A sèsiŋ ka, ka walum ikaba mburma ya tsa. Ki gwim a ka, kamala ana a riŋ mewetse ŋa i wakita Mbulum a, tsəka, ka tə səkahum dər aaka tsa. Kamala megweɗe ya, wura ilik ma ge zlapa nda wele ana a ɗifer a à duwa ya, dite ka, à fir a aà mìsle ŋgiɗ kamala za ya tsa asa mbaŋa.
Kà wizwim aà iye, aɗaba slu dukw ana ta kəɗ, tə tàwàl dər fəla ya. Kurum kù gwaɗum, kwa tserdze ka, kà sərakwara iɗəm dukw ndzer ŋana ya. Haya kaɗəŋ, pàrsa iɗəm tsa. Ama masəra dukw ata kamala taŋa ya ka, a vile a masə̀ŋgə̀rà aba a gà mìsle ŋgiɗ. Dukw ana à zlèk a mburma ivaɗ a ka, say masəra ba ana ki sirekwe a ba ika magər kwa ilik ilik tserdze ya.
Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.
I huɗ mendze mər ana mìi ndze a ya, a sər ba ka, mər gà ɓəzla megemir Mbulum. Mər mì pat ka, à tsəɗaŋŋa. Mìi ge a ka, dukw ana ndzer a. Mì bàsawa gəzləŋ, mì gewa gər a mburma lele. Mezite Mesife Mbulum a vəlawa a mər ndzəɗa aà megemir. Mì wayawa gà asiŋ gà mburma ŋgiɗ tserdze nda gəzləŋ ilik.
Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.
Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.
taŋa ŋgat ka, kamala mala hala gawla ana i liwiŋ mburma, à sìŋgìr a à ba ŋgar ka, tsaatsa, ŋgat ŋa a sər duwa tsidze ya. A sər i ŋgar ka, are mimbètsè ahəm, nda mayaha ahəm pìrèh pìrèh aà gà mburma ɗekɗek. Aɗaba wele ata aka ge gà dukw ata kataya ka, na ika magər tar nda gà mburma ka, say mene ba are, nda mege maàga kəla pat nda mandàvàyà ba, nda gà madzala gà gər gà dukw ana ŋgwal ŋa tsa masakəŋa taf nda təv mìsle ŋgiɗ a.
Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,
Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.
Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.
Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.
ကြော်ငြာတွေ