1 Kurintiya 13:1 - Bible Zulgo

¹ Taŋa na bəla wura aka ŋgat ndzəɗa aà mifefile ndaka ahəm gà kwite ŋgiɗ tserdze, ku mege ndaka ahəm gà gawla Mbulum ana i gər ŋa ya tekeɗe, ama na a waya mburma tsəka, taŋa ka, aka ne kamala mèdìyè ana ti leke a ka, ɗùh ɗùh ɗùh a ge a zləm a mburma taf masakəŋa ya, kige tsa kamala ndzemde ana ŋgwaz ŋgwaz ta gìzl a ka, a tsahən tsiye.

1 Kurintiya 13:1 ပူးပေါင်းရင်းမြစ်များ

Mata 25:45

I dəba ŋa ya asa, iye i gweɗe a ter a: «

Markus 16:17

Gà na tàa gəs iye ya ka, i vile a ter a ndzəɗa, aà mege dukw mene aà mburma, nda madalawa gà sitene aà mburma ya nda zləm gà. Ta fèfil a gà bazlam gà kwite ŋgiɗ pampam.*fa*

RUMA 14:15

Kamala taŋa ya, na bəla kər kàa zəm ka, kà wiser ka, à gər. Dukw ata kì ger ka, kamala ana kà waya ŋgat asa tsiye. Tsaatsa Yesuw Kiristi a mət ka, aɗaba ŋgat mbaŋa. Agəra taŋa, dukw ana ki zim a ya ka, mà dəɗ à ŋgat a bakal tsa.

1 Kurintiya 12:10

A vəl a mìsle ŋgiɗ ka, ndzəɗa ana biy megeye dər gà dukw mene aà mburma ya. A biy ŋgiɗ ka, a vəlar ndzəɗa aà məma à guma ana Mbulum a tsikar a, a mburma tèrihhwè lele. Gà biy ŋgiɗ ibam, ta ŋgat ndzəɗa i tar ka, aà masəra ikaba à dukw ana a dara i təv Mezite Mesife Mbulum a, nda biy Əbay sitene ya. Gà mìsle ŋgiɗ asa ka, ta ŋgat ndzəɗa i tar ka, aà metsìkè gà ahəm ana tar tekeɗe, tə sər tsiye. Gà biy ŋgiɗ asa ibam, ta ŋgat ndzəɗa i tar ka, aà məma à gà ahəm ata a mburma parakkà lele.

1 Kurintiya 12:16

Kige tsa bəla zləm a gweɗe a: «Iye ka, pam aà ba mburma ya, agəra ana iye ka, are tsiye.» Tsaatsa, taŋa dze ana, ŋgat dzerisl ba mburma mbaŋa tsiye.

1 Kurintiya 12:8

Kamala taŋa ya, mìsle ŋgiɗ ka, Mezite Mesife Mbulum a vəlar ndzəɗa aà metsìkè ŋgwal metsehe lele. Ama Mezite Mesife ata ilik pəra. A biy ŋgiɗ ka, a viler a ndzəɗa aà masəra vatwa Mbulum lele, aà dite a ɗif a dər a mburma parakkà ya.

1 Kurintiya 13:8

Mawàyà mburma ka, à ndìv a tsa, a ndze a aà biybiy. Ama gà bazlam Mbulum ana ta màwa dər a mburma ya ka, tì ndìv a mba. Dite ku mege tàa ŋgat ndzəɗa aà metsìkè gà ahəm ana tar tə sər tsiye tekeɗe, a ti ndìv a mba asa. Masəra gà dukw ana mburma tə səraya nda təv Mbulum a tekeɗe ibam, à ti ndìv a mbaŋa asa.

1 Kurintiya 14:2

Na wura à fèfil a ndaka ahəm ana ŋgat aka sər tsiye ka, mifefile ŋgar ata ka, say Mbulum ilik na a tsereker a ya, tsəka, mburma tsa. A tsik a taŋa ka, dukw ana makàhà ŋa ya, nda ndzəɗa Mezite Mesife Mbulum.

1 Kurintiya 14:4

Wur ana à fèfil a ndaka ahəm ata ŋgat aka sər tsiye ka, a ge a ŋgulum a ba ŋgar ɗekɗek pəra. Ama wele ana à me a à bazlam Mbulum a mburma ndaka ahəm kwite ŋgar a ka, taŋa ka, à zlèk a gà mayahaba gər gà mburma Mbulum ana i kwite ata ya tserdze.

1 Kurintiya 14:5

A sèsiŋ ka, kurum tserdze ki fèfilwim a ndaka gà ahəm ata kurum ka sərum tsiye. Ama a sèsiŋ ndeyndey ŋana ka, kurum tserdze ki mwim a à bazlam Mbulum a mburma ndaka ahəm kwite kurum ivaɗ. Taŋa ka, ŋgwal ŋa. A za dər na ki fèfilwim a ndaka ahəm ata ka sərum tsiye. Aɗaba wur ana à fèfil a kamala taŋa ya ka, say mìsle ŋgiɗ mə̀ mà dər ndaka ahəm kwite kurum, na dite bazlam ŋgar ata a vile a ndzəɗa a megìse gà mayahaba gər gà mburma Mbulum tserdze ya.

1 Kurintiya 8:1

Kà wizwim aà iye, aɗaba slu dukw ana ta kəɗ, tə tàwàl dər fəla ya. Kurum kù gwaɗum, kwa tserdze ka, kà sərakwara iɗəm dukw ndzer ŋana ya. Haya kaɗəŋ, pàrsa iɗəm tsa. Ama masəra dukw ata kamala taŋa ya ka, a vile a masə̀ŋgə̀rà aba a gà mìsle ŋgiɗ. Dukw ana à zlèk a mburma ivaɗ a ka, say masəra ba ana ki sirekwe a ba ika magər kwa ilik ilik tserdze ya.

2 Kurintiya 12:4

I təv ana a ndzeha a fataya ka, a tsaraka bazlam duwa ka, a màr dər daɗəkɗəkka, wura ilik a sle aà metsìkè ŋa ndaka ahəm ŋgar tsidze, dite aka vəl vatwa a wura aà metsìkè ŋa tsa asa mbaŋa ya.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

1 PIYER 4:8

Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

2 Piyer 2:18

Tar riŋ tì sìkèh a à ba tar ika miɗ mburma nda metsìkè aà tar bazlam ana taf masakəŋa ya. Ta bene a dər gà mburma ana kinehe tar riŋ ihər ti dere a i liwiŋ gà na mandza ŋa i luvuŋ, tə sər Mbulum tsiye, nda gireŋ a asa. Aɗaba a sàs a tar ka, tə dara a təv tar a, ta ge dukw ana gà meèweke ba tar ana ta gewa ya mbaŋa.

Sunwa Yuhana 14:2

I dəba ŋa ya, i tsarakara mifefile ana a ɗera i gər ŋa i mbulum a. A ɗera ka, kamala maazaw ana a dze a a bəɗ dzuruvva aà madzundzuruv a. Dite a ɗe asa ka, gùrumumma kamala malaka mbulum a. Ama mifefile ata i tsarakara ya ka, a tsahən hinne, ar ka, kamala ana tì dze a gandzavəl a mbaŋa asa.