1 Kurintiya 12:9 - Bible Zulgo

⁹ Biy ŋgiɗ asa ka, Mezite Mesife Mbulum ata a vəlar ndzəɗa aà mege slagama nda təv magəsa Mbulum. A sər ka, a sle a aà mege dukw ana mawura ba ŋa ya tserdze. A mìsle ŋgiɗ asa ka, a vəlar ndzəɗa i ŋgar ka, aà məmbàlà à gà ɓəzla dukw məməta. Taŋa ka, Mezite Mesife Mbulum ŋa ata hiywe ilik ɗekɗek pəra.

1 Kurintiya 12:9 ပူးပေါင်းရင်းမြစ်များ

Mata 10:8

Dite i dəba ŋa ya, ka mbalum à gà ɓəzla dukw məməta nda gà na ta mata ya, dite nda gà ɓəzla mbəlak ba asa. Ka dalawum gà sitene aà mburma ya. Aɗaba i vəl a kurum ndzəɗa ata ka, dukw taf masakəŋa. Ama kurum tekeɗe, vəlum a tar kataya mbaŋa.

Mata 21:21

Yesuw a gwaɗa a tar aaka: «Iye ihər i tsik a kurum a nda ndzer, pàrsa iɗəm tsa: Na kàa gəsum iye nda gəzləŋ kurum lele, madzala gà gər kurum wàkit wàkit tsəka, dukw ana i ge nda dizl ɗaf aaha ya ɗekɗek tsa na ki gwim a ya. Ku mege kwite aaha kinehe ya tekeɗe, ki gweɗwimer a: ka, a de a kaɗəŋ.

Markus 16:18

Ku mege tàa gəs mesiwiɗ a ahər, ku mege tàa sa mawur tekeɗe ka, à lèh a ter a duwa tsidze. Tàa tike ahər aka gà ɓəzla dukw məməta ka, ta mbil a tsara. Tàa ge gà dukw ata ka, gà mburma ti sir a dər ka, iye na a slər ahər tar a.»

Markus 6:13

Tə daha, tə dalawa aà tar gà sitene ya. Ta baha mal aà gà ɓəzla dukw məməta, dite ta mbala à tar.

Luka 10:9

Mbalum à gà ɓəzla dukw məməta ana i kwite ata ya. Gwaɗum a gà mburma ana i fataya ka: <*Mekwere Mbulum aka à mendzera a təv kurum a.>

Luka 9:2

I dəba ŋa ya ka, a slər tar aà metsìkè bazlam *mekwere Mbulum a mburma, dite asa, aà məmbàlà à tar mbaŋa.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.

Gà Ɓəzla Meslire 5:15

Aləka i dəba ŋa ya, gà asiŋ ŋa tə ndzə̀kawaha gà ɓəzla dukw məməta a fata. Tə dzayawa tar aà gùva vatwa. Ta hənawa à tar aka slə̀làh, kige tsa aka bwitse. Aɗaba a təv ana Piyer a de a nda ta ya ka, sìsiye ŋgar aka dza aka tar ka, ta mbalawa.

1 Kurintiya 12:28

Kamala taŋa ya, na Mbulum a dzaya a tar a ba gà dzerisl pampam, na dite ku mege awara, ta geye a gà megemir ŋa ya. Malahalah ŋa ka, a ndzək gà asiŋ gà mìsle ŋgiɗ, a ne à tar gà ɓəzla meslire ŋgar. I dəba ŋa ya, a ndzək gà biy ŋgiɗ ka, gà na ta me a à guma ŋgar a. I dəba tar a asa ka, a ndzək gà mìsle ŋgiɗ pam, a ne à tar gà ɓəzla medzèŋgèyè bazlam ŋgar a mburma. Dite a ndzək gà biy ŋgiɗ asa, tar ka, ta ŋgat ndzəɗa i tar, aà megeye gà dukw mene aà mburma. Gà biy ŋgiɗ ibam, ti sle i tar ka, aà məmbàlà à gà mburma i dukw məməta tar a. Gà biy ŋgiɗ asa, tar ta ŋgat ndzəɗa i tar, aà mazlàkàyà mburma. Gà biy ŋgiɗ, tar ka, ta ŋgat ndzəɗa aà mandza ika miɗ mburma i təv mandza akaba ahəm. Dite gà naha i tar, ta ŋgat ndzəɗa ka, aà metsikeye gà ahəm ana tar tekeɗe, tə sər tsiye kuɗa.

1 Kurintiya 12:30

Tsəna, gà tar ata tserdze ya, ti sle aà məmbàlà à mburma i dukw məməta ya ya? Kige tsa mburma tserdze ta fèfil a ndaka gà ahəm ana tar tekeɗe tə sər tsiye ya? Nda gà bəla ta me a à gà ahəm ata parakkà a mburma nda ndzer a? Awaŋ, kataya tsa.

1 Kurintiya 13:2

Na mege wura aka ŋgat ndzəɗa aà məma à bazlam Mbulum a mburma lele, nda gà bəla aka sər vatwa ŋgar, nda gà dukw ana makàhà ŋa i təv ŋgar a fit, kige tsa aka gəs bazlam Mbulum maràhà ŋa i gəzləŋ tsìsl, na dite a sle aà megweɗe a a kwite aaha: «Hitse i faha ya,« dite a de a kaɗəŋ tekeɗe ya ka, ama na a waya gà asiŋ gà mìsle ŋgiɗ tsəka, taŋa ka, a ne kamala dukw ana taf masakəŋa ya hiywe mba.

2 Kurintiya 4:13

A riŋ mewetse ŋa i wakita Mbulum ka, a gwa: «I tsik bazlam Mbulum a mburma ka, agəra ana i gəs ŋgat nda gəzləŋ a.»*fa* Ama mər ka, maa gəs Mbulum nda gəzləŋ mər ɓəŋɓəŋ lele, kamala wele ata a wetse ya mbaŋa. Aɗaba taŋa na mər tekeɗe, mìi ɗif a à bazlam ŋgar a mburma ya.

EFESIYA 2:8

Mbulum a mbəl à kurum nda ŋgwal ŋgar ka, aɗaba ana kàa gəsum ŋgat nda gəzləŋ kurum a, tsəka, aɗaba megemir kurum ana ki gwim a tsa. A ge a kurum ŋgwal ŋgar ata biy taf a ka,

IBƏRANIKWA 11:33

Agəra megìse ana ta gəs Mbulum nda gəzləŋ tserdze ya ka, ta ge gùvəl aà ahəɗ ŋgiɗ, ta mba aà tar. Ta ge dukw ana ŋgwal ŋa ndaka vatwa ŋa lele ika miɗ Mbulum a. Tàa ŋgat dukw ana Mbulum a tsik a tar i sida ya, a gwa ka, i ta vile a kurum a ya mbaŋa. Agəra megìse ata ta gəs Mbulum a ka, təts ta handaka aka bazlam a gà azil, na dite ka, ta papaɗa tar asa tsiye.*fv*