1 Kurintiya 12:7 - Bible Zulgo

⁷ Ama Mezite Mesife Mbulum a riŋ a ge a megemir ka, i gà gəzləŋ kurum ilik ilik tserdze, na dite, kurum tekeɗe, ki zlìkwim a dər gà asiŋ gà mìsle ŋgiɗ nda ndzəɗa ana a dzaya a kurum a ya.

1 Kurintiya 12:7 ပူးပေါင်းရင်းမြစ်များ

1 Kurintiya 14:19

Ama ku mege kataya tekeɗe, i təv ana mər mayahaba gər ŋa nda gà asiŋ gà mburma Mbulum a ka, a sèsiŋ na i tsik a ter a guma Mbulum nda metsìkè a tar gà bazlam ŋgiɗ pampam hinne ya tsa, say biye ə̀zləm pəra. Ŋgulum ka, ti tsereke a lele, na ndəna i we a bazlam vìrìɗìɗɗe masakəŋa ndaka ahəm ana ti tsereke a tsiye ya.

1 Kurintiya 14:12

Ama araha, ika magər kurum tekeɗe, ki gewim dər kamala taŋa ya mbaŋa. Lele, na kurum riŋ ihər ki yehwim a ka, gà ndzəɗa ana Mezite Mesife Mbulum à dzèye a a mburma ya, nda gəzləŋ ilik, na dite ki ŋgetwim a ya. Taŋa ka, a tsahən aà kurum hinne seyiŋ. Ama kəla ka, yahum ndeyndey ŋana ka, medzibe ndzəɗa ana ki zlèkwim a dər gà asiŋ gà mìsle ŋgiɗ a, na dite ka, ta ŋget a ndzəɗa nda təv megìse tar ana ta gəs Mbulum nda gəzləŋ ɓəŋɓəŋ lele ya ya.

1 Kurintiya 14:17

ku mege meheme yak ata ki heme a ka, ndzer, a tsahən aà gəzləŋ yak a tekeɗe, a ge a ŋgulum a mìsle ŋgiɗ tsidze.

1 Kurintiya 14:5

A sèsiŋ ka, kurum tserdze ki fèfilwim a ndaka gà ahəm ata kurum ka sərum tsiye. Ama a sèsiŋ ndeyndey ŋana ka, kurum tserdze ki mwim a à bazlam Mbulum a mburma ndaka ahəm kwite kurum ivaɗ. Taŋa ka, ŋgwal ŋa. A za dər na ki fèfilwim a ndaka ahəm ata ka sərum tsiye. Aɗaba wur ana à fèfil a kamala taŋa ya ka, say mìsle ŋgiɗ mə̀ mà dər ndaka ahəm kwite kurum, na dite bazlam ŋgar ata a vile a ndzəɗa a megìse gà mayahaba gər gà mburma Mbulum tserdze ya.

1 Kurintiya 12:12

Taŋa kà sərakwa, ba mburma ka, ilik. Ama gà dzerisl ba ŋana iɗəm a ka, pampam. Ku mege gà dzerisl ba ŋa tar riŋ pampam hinne tekeɗe, ba ŋa ka, ilik pəra. Kamala taŋa ya, i təv mayahaba gər gà mburma Yesuw Kiristi ka, kataya mbaŋa.