1 Kurintiya 12:3 - Bible Zulgo

³ Aɗaba taŋa, i waya ka, kurum ana kàa gəsum Yesuw Kiristi a gəzləŋ kurum kinehe ya, na ki sirwim a ikaba à dukw aaha ya lele ya. Na Mezite Mesife Mbulum i ba wura ka, wele ata a sle aà megweɗe a aà Yesuw Kiristi: «Wisìh Yàa vəlak mezelme» ka, a sle a tsa. Kamala taŋa ya mbaŋa, wura a sle aà megweɗe a: «Yesuw a ne BATSAH kwa ŋa» ka, a sle a tsa, na Mezite Mesife Mbulum i ba ŋgar tsiye.

1 Kurintiya 12:3 ပူးပေါင်းရင်းမြစ်များ

Mata 22:43

Yesuw a gwaɗa a tar: «Dite meme na Dawda a mà à bazlam Mezite Mesife Mbulum akahər ata ka, a zalar Batsah ga ŋa ya?

Markus 9:39

Yesuw a tsaraka kataya ka, a gwaɗa a tar aaka: «Ka palumar ahəm tsa, aɗaba wura a ge a dukw mene aà mburma nda zləm gà ka, aləka aka miɗ ka, a sle a aà metsike aà iye dukw ana ŋgwala tsiye tsa.

Yuhana 13:13

Kurum ihər ki zelwimiŋ a mala medzeŋge a mər, kige tsa Batsah mər ŋa ka, ndzer kaɗəŋ, pàrsa iɗəm tsa. Aɗaba iye ka, kataya dukw ŋgar.

Yuhana 13:14

Na iye mala medzeŋge a kurum, dite Batsah kurum ŋa asa, Yàa bara kurum sik seyiŋ ivaɗ ka, say kurum tekeɗe, ki bereywim a ba a sik kurum ika magər kurum ilik ilik tserdze kamala taŋa ya mbaŋa.

Yuhana 15:26

Ama wele ana à zlèk a kurum a ka, a deriŋa, kamala megweɗe ya, Mezite Mesife ana a ɗif a à ndzer ŋa a mburma ya. A dere a ka, i təv Tsir gà ya. Na Yàa da a təv ŋgar ka, i slir a kurumeriŋa. A tsik a a mburma tserdze, iye ana weke ka, a ne a mala sida gà.

Gà Ɓəzla Meslire 8:37

{Filip a gwaɗar aakaha: «Na kàa gəs Yesuw Kiristi nda gəzləŋ ilik ka, ti tsilwiɓ à kər a a yam.» Wele ata a gwaɗar aakaha asa: «Yàa gəs nda gəzləŋ ga ilik. Ŋgat ka, Kəla Mbulum.»}

RUMA 10:9

Na kàa gə̀sakwa nda gəzləŋ, kàa tsikikwa ika miɗ mburma parakkà, Mbulum na a mbəlara à Yesuw i məməta ya, dite na a ne BATSAH kwa ŋa ya ka, Mbulum a ta mbil a à kwa mbaŋa.

RUMA 9:3

aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

1 Kurintiya 16:22

Na wura a waya BATSAH kwa ŋa nda gəzləŋ ilik tsəka, Mbulum mə vəlar mezelme. Gər a gwa, Marana ta, kamala megweɗe ya ka: «Batsah mər ŋa, dara te.»

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

2 Kurintiya 11:4

I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

2 Kurintiya 3:5

Mì sər, ndzəɗa mər ana mìi ge a dər megemir ata ya, a dara ka, i təv Mbulum a, tsəka, mìi gweɗe a, mìi ge a megemir ata nda ahər mər ka, mìi tsik a tsa, aɗaba ana mì sle tsiye.

GALATIYA 3:13

Kamala taŋa ya, Mbulum a vəl a kwa mezelme ka, agəra na kà zazamakwa məpala ahəm ŋgar kweleŋ tsiye. Ama Kiristi a dara ka, a zla təv mendze kwa, na dite ka, Mbulum a vəlar mezelme ya. A ge dər kataya ka, a mbəlara à kwa i mezelme Mbulum ana a ta vile a kwe a zləmana ya. Ar ka, kamala ana ta wetse i wakita Mbulum a, ta gwa ka: «Wele ana tàa dàn ŋgat aà dizl a ka, mezelme Mbulum na ika gər ŋgar a.»*ff*

Sunwa Yuhana 1:10

A pat duwa ka, Mezite Mesife Mbulum a dara aka gər gà ya. A pat ata ka, pat mazlə̀bà à BATSAH kwa ŋa. I fataya ka, i tsarakara mifefile ŋa a ɗera i dəba gà ya. A ɗe ka, ŋgarra lele, kamala məvata mezleliŋ ana ta vèt a ya, nda ndzəɗa hinne.