1 Kurintiya 11:4 - Bible Zulgo

⁴ Aɗaba taŋa, na wura a heme a a Mbulum ika miɗ mburma, kige tsa à me a ter a à bazlam Mbulum ka, ma zla felère i gər a, tsəka, à ndeɗe a hwarwa aka Yesuw Kiristi ana ŋgat Əbay ika gər ŋgar a.

1 Kurintiya 11:4 ပူးပေါင်းရင်းမြစ်များ

Gà Ɓəzla Meslire 13:1

Akahər ata ka, gà ɓəzla məma à guma Mbulum riŋ nda gà ɓəzla mesìnìkè à bazlam Mbulum a mburma i liwiŋ gà mburma ana ta gəs Mbulum i kwite Antakiya ya. Tə zal a gà mburma ata ka, Barnabas nda Simeyun ana tə zalar lìviŋ lìviŋ mburma ya, dite nda Lukiyus gà Kirene, nda gà Manayan ana ta gəl akaba tar nda Əbay *Hiridus məma ya, dite nda ga Sawul asa ya.

1 Kurintiya 11:14

Aɗaba ku mege i ŋga ka, mburma tə sər, na asləka mburma aka miyak à ambəz ŋgar, ma ge zubəl ŋa ka, dukw hwarwa ivaɗ na i təv wele ata ya.

1 Kurintiya 11:5

Ama i təv gà məkəs ka, pam. Na bəla a heme a a Mbulum, kige tsa à me a à bazlam Mbulum a mburma, à kèhe a gər tsa, à pèt a dər kwàndàlàz kataya ka, taŋa ka, a ndaɗa hwarwa aka zal ŋgar mbaŋa. A ne à ba ŋgar kamala məkəs ana muva ŋa i gwala kurum ka, kùndemmè à zèz a ikaba ambəz a ya.

1 Kurintiya 12:10

A vəl a mìsle ŋgiɗ ka, ndzəɗa ana biy megeye dər gà dukw mene aà mburma ya. A biy ŋgiɗ ka, a vəlar ndzəɗa aà məma à guma ana Mbulum a tsikar a, a mburma tèrihhwè lele. Gà biy ŋgiɗ ibam, ta ŋgat ndzəɗa i tar ka, aà masəra ikaba à dukw ana a dara i təv Mezite Mesife Mbulum a, nda biy Əbay sitene ya. Gà mìsle ŋgiɗ asa ka, ta ŋgat ndzəɗa i tar ka, aà metsìkè gà ahəm ana tar tekeɗe, tə sər tsiye. Gà biy ŋgiɗ asa ibam, ta ŋgat ndzəɗa i tar ka, aà məma à gà ahəm ata a mburma parakkà lele.

1 Kurintiya 12:28

Kamala taŋa ya, na Mbulum a dzaya a tar a ba gà dzerisl pampam, na dite ku mege awara, ta geye a gà megemir ŋa ya. Malahalah ŋa ka, a ndzək gà asiŋ gà mìsle ŋgiɗ, a ne à tar gà ɓəzla meslire ŋgar. I dəba ŋa ya, a ndzək gà biy ŋgiɗ ka, gà na ta me a à guma ŋgar a. I dəba tar a asa ka, a ndzək gà mìsle ŋgiɗ pam, a ne à tar gà ɓəzla medzèŋgèyè bazlam ŋgar a mburma. Dite a ndzək gà biy ŋgiɗ asa, tar ka, ta ŋgat ndzəɗa i tar, aà megeye gà dukw mene aà mburma. Gà biy ŋgiɗ ibam, ti sle i tar ka, aà məmbàlà à gà mburma i dukw məməta tar a. Gà biy ŋgiɗ asa, tar ta ŋgat ndzəɗa i tar, aà mazlàkàyà mburma. Gà biy ŋgiɗ, tar ka, ta ŋgat ndzəɗa aà mandza ika miɗ mburma i təv mandza akaba ahəm. Dite gà naha i tar, ta ŋgat ndzəɗa ka, aà metsikeye gà ahəm ana tar tekeɗe, tə sər tsiye kuɗa.

1 Kurintiya 13:2

Na mege wura aka ŋgat ndzəɗa aà məma à bazlam Mbulum a mburma lele, nda gà bəla aka sər vatwa ŋgar, nda gà dukw ana makàhà ŋa i təv ŋgar a fit, kige tsa aka gəs bazlam Mbulum maràhà ŋa i gəzləŋ tsìsl, na dite a sle aà megweɗe a a kwite aaha: «Hitse i faha ya,« dite a de a kaɗəŋ tekeɗe ya ka, ama na a waya gà asiŋ gà mìsle ŋgiɗ tsəka, taŋa ka, a ne kamala dukw ana taf masakəŋa ya hiywe mba.

1 TESALUNIKE 5:20

Dite ka ta fə̀rum aà bazlam gà na ta me a kurum a à guma Mbulum a ka, kamala za ya tsa mbaŋa asa.