1 Kurintiya 11:34 - Bible Zulgo

³⁴ Na wura a riŋ may a wir a ahər a ka, say ma zəmara aba ɗaf ŋgar i ma ya dzekwiŋ, na dite mayahaba gər kurum ana ki yehwimebe a ya ka, Mbulum a ta gis a dər kurum a seriye ŋgar asa tsiye ya. Ama gà asiŋ gà bazlam ŋgiɗ ana kà wizwim a, i ti ɗif a kurum a dər ka, say i təv ana Yàa ndzeha a təv kurum a dzekwiŋ.

1 Kurintiya 11:34 ပူးပေါင်းရင်းမြစ်များ

1 Kurintiya 11:33

Kamala taŋa ya, gà damər gà, i təv ana ki yehwimebe a gər aà mazəma ɗaf BATSAH kwa ŋa ya ka, say ki vevwim a gà mìsle ŋgiɗ tserdze dzekwiŋ, dite ki zimwim a kuɗa ya.

1 Kurintiya 16:1

Kinehe ka, a sèsiŋ i fèfil a kurum a aka gər bazlam siŋgwe ana ki yehwimer a gər, aà mazlàkà dər gà mburma Mbulum ana i Yeruzalem a. Ama ki gwim a dər ka, kamala ana i tsik a gà mayahaba gər gà mburma Mbulum ana ika ahəɗ Galatiya ya mbaŋa.

1 Kurintiya 16:2

Kəla ladà, ku mege weke, tsə̀nə̀hum akaba siŋgwe zaakwa zaakwa kamala dukw ana kàa ŋgatum, Mbulum aka vəl a kurum a. Ki gwim a dər kataya, na dite ələk aka təv ana Yàa ndzeha a təv kurum ka, siŋgwe ata aka sle, kàa mbər mayahumar gər a.

1 Kurintiya 16:5

A sèsiŋ ka, i de a aka ahəɗ Makaduniya, dite na i dehe a a təv kurum a. Aɗaba i waya ka, i lìm a aka gà mayahaba gər gà mburma Mbulum ana i fataya tserdze.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

1 Kurintiya 4:19

Ama na mege BATSAH kwa ŋa aka waya ka, i dehe bise. Na Yàa daha ka, i ŋget a a gà na tə sə̀ŋgèrawa à ba tar ata ya kuɗa. Tsam ka, i ti sir a dər, wànà gà bazlam tar ata ŋgùrà ŋgùrà ya ana, taf masakəŋa pəra ya, tsəna, tàa ŋgat ndzəɗa i təv Mbulum a nda ndzer a ya.

1 Kurintiya 7:17

Araha kəla ka, ku weke ma zazam dukw ana Əbay Mbulum a vəlar a. Dite ka, ma ndzawa ka, kamala ana akahər ata Mbulum a zalar a mbaŋa asa. Taŋa ka, dukw ana i ɗifewa dər a gà mburma Mbulum i gà təv ga mayahaba gər tar ana ti yahawa ba aɗəm gər tserdze ya.

TITUS 1:5

I məsak riŋ à kər ika ahəɗ Kereta ka, dite kà làmbaɗa dukw ana a zeha, Yàa sle aà malàmbàɗà ŋa asa tsiye ya. A sèsiŋ ka, ki pele a gà mburma, dite ki ne a à ter a gà bàba ŋa ika magər gà na ta gəs Mbulum a, ku mege i kwite awara tserdze. Ki ge a ka, kamala ana i tsikik a, ma ta mətsak gər tsa.