1 Kurintiya 10:18 - Bible Zulgo

¹⁸ Fə̀rum aà mendze gà Isərayel ana ti ndze a haa kinehe ya kwaŋ. Ta batsawa duwa, dite ta vile a a Mbulum. Gà na ta papəɗawa slu ŋa ya ka, tar mandza ŋa i təv ilik ŋa nda Mbulum ana ta vəlawar dukw ata ya.

1 Kurintiya 10:18 ပူးပေါင်းရင်းမြစ်များ

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 4:1

Meme na kà dzalakwa gà gər aka Abəraham, batsah tsir kwa ana akahər ata ya. Ki gweɗekwe a aka gər ŋgar dze ana, meme? A ge dze ana, dukùla?

RUMA 4:12

Abəraham ka, a ne tsir gà mburma ana gà masàsà ŋa ya mbaŋa kaɗəŋ. Ama kəla ka, say na ti zezem a kamala Abəraham a, dite ta gis a Mbulum nda gəzləŋ kamala ana ŋgat a gəs akahər ata ka, aka sàs ba ŋgar zukw tsiye mbaŋa.

1 Kurintiya 9:13

Kurum kà sərum, gà na ta gewa megemir i ga Mbulum batsah ŋana ya ka, ta ŋgatawa dukw ana ti ndze a dər a, i huɗ dukw ana gà mburma tə dzawa a fataya. Gà na ta batsawa duwa a Mbulum a tekeɗe, ta ŋgatawa iɗəm biy tar a mbaŋa, ta pèpìɗiŋa.

GALATIYA 6:16

Gà mburma ana ti zezem a vatwa awiya ŋa ata ya ka, tar na ti ne gà mburma Mbulum gà Isərayel gà ndzer ŋana ya. Ti ndzer are tsehe, mə vəl a tar matasla yam a gəzləŋ zayya lele.

IBƏRANIKWA 13:10

Yesuw Kiristi aka mbər mivile ba ŋgar kamala dukw taf masakəŋa ya a Mbulum, a mət aɗaba kwa. Ama gà ɓəzla mandəva kuɗa a Mbulum gà Yahuda ana ta məts aà mege megemir i mekìrìwè ga ata ta kiriw nda petek a ka, məməta ŋgar ata a mət a ka, a ge a ter a ŋgulum tsa.