1 Kurintiya 10:16 - Bible Zulgo

¹⁶ Dzalum gà gər ka, aka masà meɗwìtsè mawà dukw makwàsà ŋa ana kà sawukwa, kà tə̀kərawukwa dər aà məməta Yesuw, dite ki gewakwa dərraha kəkaaha a Mbulum a. Taŋa ana, magàwà ba ana kə̀ gawakwa ba a təv ilik ŋa nda gà Yesuw Kiristi agəra məmbəz ŋgar ana a dza dər a tsiye? Dite i təv ɗaf ana kà sasawakwaba ya ana, taŋa ana, magàwà akaba nda gà slu ba ŋgar tsiye?

1 Kurintiya 10:16 ပူးပေါင်းရင်းမြစ်များ

Luka 22:17

A zla kup meɗwìtsè mawà dukw duwa iɗəm makwàsà ŋa. A ge dərraha kəkaaha a Mbulum, a gwaɗa a tar: «Zlum dukw aaha, kà mə̀ndzərum tserdze ika magər kurum, udzùɓ udzùɓ udzùɓ.

Gà Ɓəzla Meslire 2:42

Tar ata tserdze ya, tə dzawa zləm a guma ana gà ɓəzla meslire Mbulum ata ti ɗifewa a tar dər a ka, lele nda metsehe. Tə ndzawa ba ka, say i təv ilik ŋa. Tə zəmawa ɗaf tekeɗe, i təv ilik ŋa asa. Dite ta hamawa aà Mbulum tekeɗe ka, i təv ilik ŋa asa mbaŋa.

Gà Ɓəzla Meslire 2:46

Kəla pat ti yahawaba gər a təv ilik ŋa i ga Mbulum batsah ŋa na. Ti yahawaba gər aà mazəma ɗaf i gà ma tar ilik ilik tserdze. Tə zəmawa ka, nda gà maŋgayaba nda gəzləŋ ilik.

Gà Ɓəzla Meslire 20:11

Pul a mbəɗ gər, a tsəl a ga ata asa. A daha, a sàs ikaba ɗaf ata ya, tə zəm. A tsik a tar bazlam hinne asa, mbulum a də̀v aaka à ŋgat. Dite a mah ba, a daba kuɗa.

Gà Ɓəzla Meslire 20:7

A pat səbədà i hawa ka, mì yahaba gər, aà mazəma dukw mezime matəkəra dər aà məməta Yesuw. Pul a fàfəl a mburma ana mayahaba gər ŋa ya. A tsik a tar aba bazlam Mbulum a, haa a da tsikw a magər həvəɗ, aɗaba ana a ndze a i təv tar asa tsa, ndidwe ŋana a de a à tar a ya.

1 Kurintiya 1:9

Mbulum nda ahər ŋgar ŋa, na a zal a kurum, dite na ki ndzwim a i təv ilik ŋa nda gà Yesuw Kiristi Kəla ŋgar hiywe ya. Ŋgat na a ne BATSAH kwa ŋa ya. Ama Mbulum ka, dukw ana aka mbər metsike ya ka, a ge a ndzer kaɗəŋ, pàrsa iɗəm tsa.

1 Kurintiya 10:15

I tsik a kurum taŋa ka, a kurum ana gà ɓəzla metsehe ya. Dzalum gà gər aka dukw ana i tsik a kurum a ya, wànà ndzer a, tsəna, ndzer tsiye ya?

1 Kurintiya 12:13

Aɗaba aka ana ti tsilwiɓ à kwa a yam a ka, kwa tserdze kà nekwa kamala ba ilik a, nda ndzəɗa Mezite Mesife Mbulum ata ilik ŋa ya. Aɗaba ku mege gà Yahuda, ku mege gà na tar gà Yahuda tsiye, nda gà ku mege gà ɓele, nda gà na ti ziwe a gər tar a tekeɗe, Mbulum a vəl a kwa akaba Mezite Mesife ŋgar ka, ilik pəra.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.