1 Kurintiya 10:11 - Bible Zulgo

¹¹ Mbulum a geye gà dukw ata tserdze ya ka, aà mibe à ɗaf a mburma, dite na ta ge metsehe ya. Ta wetse a wakita ka, aà mibe a kwa dər à ɗaf, a kwa ana kinehe kàa ndzekwa a təv mandəvandəv gər ahəɗ ana à ndìv a ya mbaŋa.

1 Kurintiya 10:11 ပူးပေါင်းရင်းမြစ်များ

RUMA 15:4

Kinehe kà sərakwa, dukw ana ta wetse i wakita Mbulum akahər ata ya, ta wetse ka, aà meɗìfè a kwa à dukw ana a da ndaka vatwa ŋa ya. Dite ka, Mbulum a sasar na ki mirekwe a dər aba dzəŋdzəŋ, à mèkwe a dərraha à arəv lele ya. Kamala taŋa ya na tsavəvvà ki dzelekwe a dukw ana Mbulum a tsik i sida ya, a gwa, i ta ge a ya.

RUMA 13:11

Gwim kataya nda ndzer, aɗaba kà sərum, tə̀vəməŋa aka ndze aɗəm, mimèhe ba ide kuɗa, bèzlgèrek pìɗekwim ika mendze are ya. Pat ana Mbulum a ta mbil a à kwa ya ka, aka à mendze aɗəm bise, aɗaba mendze ŋa a riŋ diriŋ kamala ana kà lah megìsekwa Yesuw Kiristi nda gəzləŋ a asa tsa.

1 Yuhana 2:18

Gà ɓəza gà, pat ana gər ahəɗ à ndìv a ya ka, aka à mendzera. Kamala ana kà tsarakum a ka, mala mene are Yesuw Kiristi a deriŋa. Ama ka, gà ɓəzla mene are Yesuw Kiristi kinehe ka, tàa dara hinne kaɗəŋ. Aɗaba taŋa na ki sirekwe a dər ka, gər ahəɗ aka à mendìve kaɗəŋ ndzer a.

1 Kurintiya 9:10

A tsik taŋa ana, aɗaba kwa ivaɗ tsiye? A tsik ka, aɗaba kwa ndzer dukw ŋgar. Gà mala meslìgè daw nda mala masàsà ŋa ka, gà ŋgwal ŋa ndzer, na ti tike a madzala gà gər tar tserdze aka dukw ana ti ta ŋget a iɗəm dukw maya ba tar a, aka miɗ a mba ya.

FILIPIYA 4:5

Mburma tserdze ta fə̀r aà mede kurum, tə sər dər ka, meme na kà gəsum mburma lele, ki gwim a ter a ŋgwal ŋa ya. Mə̀ məts a kurum gər tsa, na mimè ana BATSAH kwa ŋa à mère a bise ya.

RUMA 4:23

Ama bazlam ata ta wetse aba ya ka, aɗaba Abəraham ɗekɗek tsa.

IBƏRANIKWA 10:25

Aɗaba gà asiŋ gà mìsle ŋgiɗ ka, ŋgwìɗik tàa miyak à mayahaba gər kwa ana kà yahawakwa ba gər a, tə dawara asa tsa. Ama ka, ka ta gwim kamala tar a tsa. Ŋgwal ŋa ka, mayakwabaha à arəv ivaɗ. Dite sakwàn kinehe, kà sərakwa pat ana Yesuw Kiristi BATSAH kwa ŋa à mère a ya ka, aka à mendzera bise.

IBƏRANIKWA 10:37

Aɗaba taŋa, mewetse ŋa a riŋ i wakita Mbulum ka, a gwa: «A zehe hinne asa tsa, na dite wele ana Mbulum a gwa, a ti dere a ka, aka à mendzera. A ge a mèhìnèkw tsa, a dere a ka, bise.

1 Kurintiya 7:29

Gà damər gà, wur bazlam ana a sèsiŋ i tsik a kurum a ya ka, araha: Aɗaba məpàslà ahər ana Mbulum a tike a mər a ka, hinne asa tsa na a zeha ya, aka nikiɗ. Agəra taŋa, daga aà kinehe ya, gà na məkəs aà tar a ka, ta ge mege megemir Mbulum ka, kamala ana məkəs aà tar tsiye.

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 13:40

Kamala taŋa ya, a ne a ka, kamala mala gùvàh ana a haɓa tìzèmiŋ i daw ŋgar a ka, dite a wànà iɗəm a nda akwa ya. A pat ana Mbulum à ndìv a à gər ahəɗ a ka, a ge a dər kataya mbaŋa.

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

1 Kurintiya 10:6

Gà dukw ata ka, ta be a kwa à ɗaf. Mbulum a sasar aà meɗife a kwa dər ka, kwa tekeɗe, ka zazamakwa meèweke dukw ana ŋgwala tsiye kamala i gà mburma ata tə zazamawa ya tsidze.

GALATIYA 4:24

Gà dukw ata ta geye ba kataya ka, a sasar à meɗife kwa dər ka, à dukw ŋgiɗ asa. Ki sirekwe a dər ka, i gà məkəs ata sula ya, tar ka, gà mendzikiɗe ba ŋa. Mendzikiɗe ba ata tekeɗe, biy masəra ba ana pampam, Mbulum a sər ba nda gà mburma ya. Agar, ɓele məkəs ŋa ata ka, ŋgat mendzikiɗe ba masəra ba ana Mbulum a sər ba nda Musa aà sik kwite duwa tə zalar Sinay a. Gà ɓəza ŋgar ka, ta waya tar gà ɓele.