1 Kurintiya 10:1 - Bible Zulgo

¹ A kurum gà damər gà, a sèsiŋ ka, dzalum gà gər aka dukw ana a ge ɗa ba nda təv gà bàba gà tsir kwa ana akahər ata piŋŋe, tə zazam Musa ya. Mbulum a ndza a tar aka miɗ nda hulɓukw ŋgaŋŋa kamala akwa ya. A ɗif a tar à vatwa, a tar ata tserdze. Dite tə tsalara i duluv ana tə zalar duluv nduzzwa ŋa ya.

1 Kurintiya 10:1 ပူးပေါင်းရင်းမြစ်များ

Yuhana 4:20

Gà batsah tsir mər gà Samariya ana akahər ata ya, tə dzawa gurmits a bəɗ a Mbulum ka, ika gər kwite aaha, ama kurum gà Yahuda kù gwaɗum, təv mazàmbàɗà à Mbulum ka, i Yeruzalem ɗekɗek ana, meme?»

RUMA 1:13

Gà damər ga, sərum dər ka, sik diŋ na i yahawa vatwa aà madaha a təv kurum a. Ama ka, haa kinehe Yàa ŋgataha vatwa zukw tsa. A sèsiŋ, i dehe a ka, aà mazlàkà kurum, kamala ana i zlàkawa gà asiŋ gà mburma ana ika gà ahəɗ ŋgiɗ a mbaŋa, na dite gà asiŋ ŋa ta mbìɗ a à gəzləŋ tar a təv Mbulum, tì sìkèhehe a a təv kurum aka miɗ aka miɗ a.

RUMA 11:21

Aɗaba ana Mbulum aka məsak à gà Yahuda ana ti ne gà ɓəza ahər ana ika dizl a tsəna, kà dzala ana, a misek a à kər ɓav a, na kàa gəs ŋgat tsiye, na kər ana tə dzəv aaka kər medzìve ya?

RUMA 4:11

Aka ana Abəraham aka sàs ba ŋgar zukw tsiye ka, Mbulum aka ne à ŋgat ŋgwal ŋa ika miɗ ŋgar, aɗaba ana a gəs ŋgat nda gəzləŋ a. Dite i dəba ŋa ya, Mbulum na a gwaɗar ka, sàs ba kuɗa ya. Masàsà ba ŋgar ata a sàs ba ya, a ɗif dər a mburma ka, na dite tə sər dər, Abəraham aka ne ŋgwal ŋa ika miɗ Mbulum kaɗəŋ a. Kamala taŋa ya, na Abəraham a ne tsir gà na ta gəs Mbulum nda gəzləŋ tar a tserdze, ku mege tàa sàs ba tsa tekeɗe ya. Mbulum a ne à ter a gà ŋgwal ŋa ika miɗ ŋgar ka, kamala ana a ne à Abəraham ŋgwal ŋa ika miɗ ŋgar a mbaŋa.

1 Kurintiya 12:1

Gà damər gà, kinehe ka, a sèsiŋ i fèfil a kurum a aka gər gà ndzəɗa Mezite Mesife Mbulum ana a dzaya a mburma, aà megeye dər gà dukw pampam a kuɗa. I waya ka, ki sirwim a taŋa lele.

1 Kurintiya 14:38

Ama na bəla a sasar magəsa dukw ana i wetse ya tsəka, Mbulum tekeɗe, a ger a hayaffà aà magəsa ŋgat ɓav tsa mbaŋa te.

GALATIYA 3:29

Ama na kurum gà mburma Kiristi ka, kamala megweɗe ya: Kurum ka, gà ɓəza Abəraham mbaŋa. Na kataya ka, ki ta ŋgetwim a dukw ana Mbulum a tsik i sida ya, a gwa, i ta vile a a gà Abəraham nda gà ɓəza ŋgar a tserdze mbaŋa.

IBƏRANIKWA 11:29

Agəra megìse tar ata ta gəs Mbulum nda gəzləŋ ka, tàa sle aà mede i batsah duluv ŋgiɗ ana tə zalar Duluv nduzzwa ŋa ya. A sàs ba ikaba ya wurgàndalay, tə da iɗəm aka lìdè ŋgiɗ a sifek sifek, yam aka ge aà tar tsa. Ama i təv ana gà mburma gà Ezipt ti dzik aɗəm aba kamala taŋa ya ka, tiɓìts yam ata aka mà akaba, ta mata aɗəm fit.*fr*