1 Kurintiya 1:9 - Bible Zulgo

⁹ Mbulum nda ahər ŋgar ŋa, na a zal a kurum, dite na ki ndzwim a i təv ilik ŋa nda gà Yesuw Kiristi Kəla ŋgar hiywe ya. Ŋgat na a ne BATSAH kwa ŋa ya. Ama Mbulum ka, dukw ana aka mbər metsike ya ka, a ge a ndzer kaɗəŋ, pàrsa iɗəm tsa.

1 Kurintiya 1:9 ပူးပေါင်းရင်းမြစ်များ

Mata 24:35

Gà kuvəl mbulum nda gər ahəɗ ka, tì ndìviŋa. Ama bazlam gà ka, à ndìv a tsa, a ndze a aà biybiy.»

Yuhana 17:21

Iye riŋ i hemek a ka, dite tar ata tserdze tə ndza i təv ilik ŋa. Tə ndza i təv ma kamala kər ana mandza ŋa i təv ga ya, Tsir gà, dite iye tekeɗe, mandza ŋa slìpèhhe i təv yak. Tə ndza i təv ma kamala taŋa ya, dite ka, gà mburma ana ti zezem a gər ahəɗ a, ta gəs ka, kər ana kà slərra iye ya ndzer kaɗəŋ.

RUMA 11:17

Kamala taŋa ya, dizl duwa a riŋ, ŋgwal ŋa biy mezime, tə sàsara iɗəm tsèke ahər ŋgiɗ a. Tə daha, tə sàsara aɗəm ahər dizl ɗaf ŋgiɗ i dala ya taf masakəŋa, tə dzavaya aaka. Aɗaba taŋa, kurum gà mburma ana gà Yahuda tsa, kà nwim ka, kamala ahər dizl ɗaf ata, tə sasara i dala ya taf masakəŋa, tə dzava aaka ya. Dukw ŋgwal ŋa ana gà Yahuda ta ŋgat a ka, kurum kinehe tekeɗe, kàa ŋgatum mbaŋa, kamala ahər dizl ɗaf ana dzəŋdzəŋ a ŋgat ndzəɗa, a sara yam i ba batsah ŋana ya ya.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

RUMA 8:30

Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

RUMA 9:24

Kwa kinehe tekeɗe ka, i liwiŋ tar mbaŋa. A pala ka, gà mburma ana ika magər gà Yahuda ya ɗekɗek tsa. A zal a kwa dər ka, i liwiŋ gà asiŋ gà mburma ŋgiɗ a mbaŋa.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

1 Kurintiya 10:16

Dzalum gà gər ka, aka masà meɗwìtsè mawà dukw makwàsà ŋa ana kà sawukwa, kà tə̀kərawukwa dər aà məməta Yesuw, dite ki gewakwa dərraha kəkaaha a Mbulum a. Taŋa ana, magàwà ba ana kə̀ gawakwa ba a təv ilik ŋa nda gà Yesuw Kiristi agəra məmbəz ŋgar ana a dza dər a tsiye? Dite i təv ɗaf ana kà sasawakwaba ya ana, taŋa ana, magàwà akaba nda gà slu ba ŋgar tsiye?

2 Kurintiya 1:18

Mbulum na mala sida gà ya. Dukw ana maa tsik a kurum a ka, ndzer kaɗəŋ, pàrsa iɗəm tsa. Taŋa dukw ana mì tsikewa a kurum a ka, maa gwa «haya», kige tsa «awaŋ» nda bazlam sula tsa.

GALATIYA 1:15

Ama ka, Mbulum a zla iye ya. A zla iye ka, daga piŋŋe, akahər ana tàa wa iye zukw tsiye. Kamala taŋa ya, a giŋ ŋgwal ŋa hinne, a zeliŋ, na dite i ger a meslire ya. Ama aka təv ana a tsahən ahər, i de a a kwite Damas a ka,

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

EFESIYA 3:6

Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

KULUSIYA 1:24

Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

2 TESALUNIKE 2:14

Mbulum a zal a kurum ka, i təv ana mì ɗif a kurum à bazlam ŋgwal ŋa ana aka gər Yesuw Kiristi ya ya. A sasar ka, ki ŋgeywim a ba agəra ndzəɗa Yesuw Kiristi BATSAH kwa ŋana ika gər gà duwa tserdze ya mbaŋa.

2 TESALUNIKE 3:3

Ama BATSAH kwa ŋa a ge a kurum a dukw ana a tsik i sida ya hiywe. Ŋgat ka, a vile a kurum a ndzəɗa a gəzləŋ kurum ɓəŋɓəŋ lele. A kesle a kurum i təv Əbay sitene ya asa mbaŋa, na dite à mbè aà kurum a asa tsiye.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 2:13

Ama ku mege megìse kwa a riŋ tsa, ki nekwe a à ŋgat bakal tekeɗe, ŋgat ka, mala ndzer ŋa hiywe. Aɗaba dukw ana aka mbər megweɗe, i ge a ka, a ge a kaɗəŋ, a sle a aà masàsà pàrsa tsidze.

TITUS 1:2

I tsikewa kamala taŋa ya ka, na dite mburma ti sir a dər ka, ta ŋget a mesife ana à ndìv a tsa aà biybiy a. Aɗaba akahər ana Mbulum aka ge gər ahəɗ zukw tsiye ka, aka mbər metsike a kwa aba i sida ya, a gwa: «I ta vile a kurum a mesife ata.» Ŋgat ka, à ses a pàrsa tsidze.

IBƏRANIKWA 10:23

Mərakwa aba aà magəsa dukw ana Mbulum a tsik a kwa, kwa ihər ki ɗifekwe a dər a mburma ya, nda gəzləŋ. Madzala gà gər kwa tekeɗe, ma ta ge wàkit wàkit tsa. Aɗaba dukw ana Mbulum a tsik i sida ya, a gwa, a vile a kwe a ya ka, a vile a ndzer kaɗəŋ, dukw ŋgar, à ses a pàrsa tsidze.

IBƏRANIKWA 11:11

Agəra megìse Abəraham ana a gəs Mbulum nda gəzləŋ a ka, aka ŋgat ndzəɗa aà mene tsir gà ɓəza. Aka ge màndawal kwètif kwètif. Ama daala ŋgar Sara aka war kəla, ku mege ŋgat ìdil ŋa, aka mətsaha aà mawà kəla ya tekeɗe ya. Dukw ata a ge ba ka, aɗaba ana Abəraham a fə̀r aà Mbulum ka, a ye a aà duwa tsa, dukw ana aka tsik i sida ya ka, a ta ge a ba nda ndzer a.*fe*

IBƏRANIKWA 2:17

Aɗaba taŋa, ku mege i təv dukùla ya tserdze ka, say a ne à ba ŋgar kalkal ba gà damər ŋgar a dzekwiŋ, na dite ti ndzer are tsehe ya, a ne *batsah mala mandəva kuɗa a Mbulum aà mege megemir ndaka vatwa ŋa ika miɗ ŋgar mbaŋa. A ge dər kataya ka, aà məbàrà dər bakal aà mburma ya tserdze, dite ka, tə sər akaba ahəm nda gà Mbulum.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

IBƏRANIKWA 6:18

A sasar a tsik aba i sida ya dzekwiŋ, dite i dəba ŋa ya, a mbaɗa asa. A tsik aba ya kataya ka, aà tə sər dər, gà dukw ata a tsik sula ya ka, à me a a dəba tsidze. Mbulum a sle aà mesèse a pàrsa tsa. Gà dukw ata ta mèkwehe a à arəv, a kwa ana kà valakwa a təv ŋgar kamala mendzikwir ana a vel a aà huɗ məmər ŋgar aà məmba ya. Dite ka, ki ndzekwe a nda magəsa gəzləŋ ɓəŋɓəŋ lele. Ki vevekwe a dukw ana Mbulum a tsik a kwa i sida ya, a gwa, a ta vile a kwe a ya.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.

1 Yuhana 4:13

Mbulum a vəl a kwa Mezite Mesife ŋgar. Aɗaba taŋa na kà sərakwa dər ka, ki ndzekwe a i təv ilik ŋa nda gà ŋgat a, dite ŋgat tekeɗe ka, a ndze a i təv ilik ŋa nda gà kwa mbaŋa.

Sunwa Yuhana 19:11

I dəba ŋa ya ka, i ŋgataha a gəza mbulum mahə̀ndə̀kà ŋa iɗəm a tùwaŋŋà. Dite piris herrè ŋa a riŋ mehìtsè ŋa iɗəm i fata dzèŋŋe. Wele duwa a riŋ mandza ŋa ikəka tùŋŋa, tə zalar «Mala ndzer ŋa, wele ana a gewa duwa ka, ndaka vatwa ŋa ya. » A ge a seriye a mburma, à gis a ka, ndaka vatwa ŋa mbaŋa.