1 Kurintiya 1:8 - Bible Zulgo

⁸ Ŋgat na à zlèk a kurum, dite ka, ki ndzwim a ɓəŋɓəŋ lele ika vatwa ŋgar, haa a pat mandəvandəv ŋana, dite pat seriye Yesuw Kiristi BATSAH kwa ŋana a ge a ya, aka ndzera ka, wura a sle a aà məma a kurum à bakal tsiye.

1 Kurintiya 1:8 ပူးပေါင်းရင်းမြစ်များ

Luka 17:24

Aɗaba pat ŋa aka ndzera ka, iye, wur ana a dara i təv Mbulum a, i dere a ka, parakkà, i təv are mburma tserdze, kamala mewìtìɗè mbulum ana ndiɗèy à wìtiɗ a ika tsèke ŋgiɗ ka, tsikw a ndze a dər aka tsèke ŋgiɗ asa ya.

Luka 17:30

A ta ge a ka, kataya mbaŋa, na a pat ana iye, wur ana a dara i təv Mbulum a, pəzlàŋ i ti slele a ya.

RUMA 14:4

Kər dze ana, weke na ki me a à bakal a mala meslire mìsle ŋgiɗ a? Na bəla dukw ana aka ge ndaka vatwa ŋa tsəka, mala ga ŋgar na a tsiker ahər a ya, nda gà aka ge lele ka, hiywe ŋgat na a tsiker a ya. Ama i təv kurum kinehe tekeɗe, kamala taŋa ya mbaŋa. Mala meslire a ge a lele hiywe, aɗaba Mbulum Batsah ŋgar ŋa a riŋ, ŋgat mala ndzəɗa, à zlèk a ŋgat, na dite a sle a aà medìɗè a ika vatwa ŋgar a tsiye.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

RUMA 8:19

Aɗaba zləma gà dukw ana Mbulum a geye tserdze ya ka, tar riŋ ihər ta veviŋa. A sàs a tar ka, hinne na aà meŋgete a pat ana Mbulum a ta pèt a aba a gà ɓəza ŋgar ndərzayya i təv dzaydzay ŋa, na a vile a ter a mezlibe ata ya.

1 Kurintiya 3:13

Ama pat ana Mbulum a ta ge a seriye a gà mburma ya ka, ku mege weke, dukw megemir ŋgar à pèt a aba ndərzayya lele. Aɗaba a pat ata ka, Mbulum a ti dzik a à megemir gà mburma ŋgar tserdze nda akwa, dite ku weke a sir a dər kuɗa, wànà megemir ana a gewa ya ana, ŋgwal ŋa ya, tsəna, ŋgwal ŋa tsiye ya.

1 Kurintiya 5:5

Na kàa yahum ba gər kataya ka, miyakum à wele ata a ahər Əbay sitene, ma dzeye à slu ba ŋgar, dite bəla Mbulum a ta mbil a à mesife ŋgar, a pat ana Yesuw BATSAH kwa ŋa ata a ge a seriye a gà mburma ya.

2 Kurintiya 1:13

Aɗaba dukw ana mì wetse a kurumaha tserdze ya ka, a tsereke ba lele, duwa a riŋ iɗəm na makàhà ŋa ya tsa. Mì dzala ka, mì gwa, aka miɗ mba ka, ki tserekwim a parakkà lele kuɗa.

2 Kurintiya 1:14

Kamala taŋa ya, kinehe ka, kàa dzum ba aà matsaraka ŋa zaakwa zaakwa dukw ŋgar. Ama ka, kà sərum dər, a pat ana Yesuw BATSAH kwa ŋa à mère a ya ka, ki ti sìŋgìrwim a à mər a hinne, kamala ana mìi ta ge a zlapa nda kurum a mbaŋa.

2 Kurintiya 1:21

Biy ŋgiɗ asa ka, Mbulum nda gər ŋgar na a vəl a mər ndzəɗa ɓəŋɓəŋ ika vatwa Yesuw Kiristi, dite a vile a kurum a ndzəɗa ata mbaŋa ya. Ŋgat na a pala kwa aà megemir ŋgar a.

EFESIYA 5:27

Aɗaba a sasar tə dara aka miɗ ŋgar a ka, aruwaŋ ma ge aà tar tsa. Ku mege dukw ana ŋgwal ŋa tsiye tekeɗe, ma ge i təv tar tsidze. Dite gà mburma ti sle a metsike aà tar dukw ana ŋgwal ŋa tsiye asa tsa. Ti ndze a i təv mezlibe ŋgar ana ti zlibe a dər a.

FILIPIYA 1:10

Kamala taŋa ya, ki pelwim a ikaba gà dukw ana ŋgwal ŋa ti de a ndaka vatwa Mbulum a, dite a pat ana Yesuw Kiristi à mère a, a ge a seriye ya ka, ki ndzwim a tsəɗaŋŋa lele, bakal i təv kurum tsa.

FILIPIYA 1:6

I sər ndzer, Mbulum ana a dza ba aà megemir ŋgwal ŋa ata i gəzləŋ kurum a ka, a miyek a dər ŋgwìɗik kataya tsa. A ndìv a dər ka, haa a pat ana Yesuw Kiristi à mère a ya.

KULUSIYA 1:22

Ama kinehe ka, Mbulum aka gəs masla nda kurum, aɗaba Kəla ŋgar ana a ne mburma, dite a vəl mesife ŋgar a. Aɗaba taŋa, na kinehe a ne dər à kurum gà tsəɗaŋŋa ŋa, a de à kurum a a təv Mbulum, ki nwim a gà mburma ŋgar ana gà ŋgwal ŋa ya, dite ka, wura a sle aà mimè a kurum a à bakal asa tsiye.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

1 TESALUNIKE 3:13

Kamala taŋa ya, BATSAH kwa ŋa ata a vile a kurum a ndzəɗa a gəzləŋ ɓəŋɓəŋ lele. A pat ana Yesuw Kiristi à mère a ya ka, bakal a ge a i təv kurum tsidze, ki ndzwim a tsəɗaŋŋa ika miɗ Mbulum Tsir kwa. A pat ata ka, gà Yesuw Kiristi nda gà mburma ŋgar tserdze na ta mère a ya.

1 TESALUNIKE 5:2

Aɗaba kurum nda gər kurum kà sərum lele, pat ana BATSAH kwa ŋa a ta mère a ya ka, paf tsara, kamala mala akəl ana a de a a mege akəl ndaàvəɗ, sèrèh sèrèh wura a sir ahər a tsiye.

2 TESALUNIKE 2:2

Wàkit wàkit gər ma ta wise a kurum bise tsara tsa, na i təv ana gà mìsle ŋgiɗ ta gweɗe a kurum a ka, pat məmàra BATSAH kwa ŋa ya ka, aka ndze aɗəm kuɗa ya. Na bəla wura a ne à ba ŋgar kamala mala məma à guma Mbulum a, aka mà a kurum dər ka, magəɗa ma ta ge a kurum tsa. Kige tsa na kàa tsarakum à gà na ti tsikewa a kurum bazlam Mbulum a, nda gà bəla ta gweɗe a, iye Pul na a wetse taŋa ya ka, ka ta gəsum tsa.

2 TESALUNIKE 3:3

Ama BATSAH kwa ŋa a ge a kurum a dukw ana a tsik i sida ya hiywe. Ŋgat ka, a vile a kurum a ndzəɗa a gəzləŋ kurum ɓəŋɓəŋ lele. A kesle a kurum i təv Əbay sitene ya asa mbaŋa, na dite à mbè aà kurum a asa tsiye.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 3:10

Ku mege kataya tekeɗe, pat ŋa aka ndze aɗəm ka, Yesuw Kiristi BATSAH kwa ŋa à mère a ndzer, pàrsa iɗəm tsa. A mère a kəla ka, kamala mala akəl ana sèrèh a dere a ka, wura a sir ahər a tsiye. A pat ata ka, gà mburma ti tsereke a meɗè gà dukw ana a ɗe a ŋgùzlàr ŋgùzlar kamala malaka mbulum a, na gəza mbulum à ndìv a ya. Akwa a wene a gà dukw ata tserdze gà madzàvà ŋa aà gəza mbulum a, sirikw sirikw. Dite gà ahəɗ nda gà dukw ana ikəka tserdze ya tekeɗe ka, ndìrɓek ndìrɓek a weniŋa.

2 Piyer 3:14

Aɗaba taŋa, a kurum gà masla gà ana i waya kurum hinne ya. I tsik a kurum a ka, a kurum ana kurum riŋ ihər i vevwim a pat ana Yesuw Kiristi à mère a ya ka: Mərum aba nda ndzəɗa kurum fit dze, na dite mendze kurum ana ika miɗ Mbulum a ge a ŋgwal ŋa, ələk a fata ka, bakal a ge a i təv kurum tsidze ya. Sərum ba nda gà ŋgat i gəzləŋ kurum zayzay lele.