1 Kurintiya 1:2 - Bible Zulgo

² Mì wetseha ka, a kurum gà mburma Mbulum ana i Kurintiya ya. Mbulum na a pala kurum, aà mandza i təv ilik ŋa nda gà Yesuw Kiristi ya. A zal a kurum, na dite kà nwim gà mburma ŋgar a. Mì geha wusa mbaŋa ka, a gà na ta heme a a Yesuw Kiristi BATSAH kwa ŋa ya tserdze, ku mege ika ahəɗ awara tekeɗe ya. Aɗaba ŋgat ka, Batsah tar ŋa, dite Batsah mər ŋa asa mbaŋa.

1 Kurintiya 1:2 ပူးပေါင်းရင်းမြစ်များ

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 15:9

Aka wala ikaba tar nda gà kwa ya tsa. A pə̀lara à tar i bakal a ka, aɗaba ana tàa gəs ŋgat nda gəzləŋ ilik a.

Gà Ɓəzla Meslire 18:1

I dəba ŋa ya, Pul a da i kwite Atina ya. A da a Kurintiya.

Gà Ɓəzla Meslire 22:16

Kinehe ki bebe a əla asa ya? Hitse aà mbulum, ti tsilwiɓ à kər a yam nda maɗə̀và zləm ŋgar, dite i dəba ŋa ya, Mbulum à pìlek a à bakal yak.> «

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

Gà Ɓəzla Meslire 9:14

Dite kinehe tekeɗe ka, a dara a faha ya ka, nda ahər gà Əbay gà ɓəzla mandəva kuɗa a Mbulum na ta vəlarra wakita ya, dite ka, aà magàsà gà mburma ana ti zel a a zləm yak Yesuw ana, meme?»

Gà Ɓəzla Meslire 9:21

A ge a gà mburma ana tə tsaraka bazlam ata ya, kamala sunwa ya, ta gwa: «Aba ya wele aaha ka, wele ana a sèwèrewa are a gà mburma ana i Yeruzalem ta gəs Yesuw a. Dite naha a dara a faha ya asa ana, meme? Waagwa aà magàsà gà asiŋ aaha ɗa i faha ya, dite a dze a tar a ahər gà ɓəzla mandəva kuɗa a Mbulum ana i Yeruzalem a tsiye?»

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 10:12

Mbulum a tsik bazlam ata ka, aɗaba gà mburma tserdze. Gà Yahuda nda gà na tar gà Yahuda tsiye, tar ika miɗ ŋgar ka, pampam tsa. Batsah ŋana ika gər tar ka, ilik. A pise a ahəm a gà na ta hemer a ya lele.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 12:27

Taŋa kurum tserdze ka, kà nwim kamala ba Yesuw Kiristi ya mbaŋa. Ku mege weke ika magər kurum ka, aka ne dzerisl ba ŋgar.

1 Kurintiya 8:6

Ama ku mege kataya tekeɗe, i təv kwa ka, Mbulum ka, ilik pəra. Ŋgat na Tsir kwa ya. Gà dukw ana ika gər ahəɗ tserdze ya, tə dara ka, i ahər ŋgar a. A ge kwa mbaŋa, na dite kinehe kwa gà biy ŋgar a. Kamala taŋa ya, BATSAH kwa ŋa tekeɗe, ilik pəra mbaŋa, kamala megweɗe ya ka, Yesuw Kiristi. Mbulum a geye gà dukw tserdze ka, nda ahər ŋgar. Ki ŋgetekewe a mesife awiya ŋa ka, i təv ŋgar a mbaŋa asa.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

GALATIYA 1:2

Mər ka, nda gà asiŋ gà damər kwa ana tar ɗa i təv ga ya tserdze, na mì ge a kurumaha wusa, a kurum gà mayahaba gər gà mburma Mbulum ana ika ahəɗ Galatiya ya.

EFESIYA 5:26

A bara tar herrè lele, aruwaŋ a da aà tar a. A ne à tar gà tsəɗaŋŋa ka, agəra bazlam ana a tsik a tar a. Kamala taŋa ya na ti ne biy Mbulum a.

1 TESALUNIKE 1:1

Na a wetse wakita aaha ka, iye Pul, mər nda Silas, nda gà Timute. Mì wetseha ka, a kurum gà mburma Mbulum ana i Tesalunike ya. A kurum ana kàa nwim gà mburma Mbulum Tsir kwa, nda Yesuw Kiristi BATSAH kwa ŋa ya. Mbulum ma ge a kurum ŋgwal, mə vəl a kurum matasla yam a gəzləŋ zayya lele.

1 TESALUNIKE 4:7

Aɗaba Mbulum a zal a kwa ka, aà mege mezelme tsa. A zal a kwa ka, na dite ki nekwe a gà tsəɗaŋŋa ika miɗ ŋgar a ivaɗ.

2 TESALUNIKE 1:1

Iye Pul, mì wetseha wakita aaha ka, mər nda gà Silas nda Timute. Mì wetseha ka, a kurum gà mburma ana i Tesalunike, kurum gà biy Mbulum Tsir kwa, nda Yesuw Kiristi BATSAH kwa ŋa ya.

1 TIMUTE 2:8

kamala taŋa ya, a sèsiŋ ka, gà asləka ta hama a Mbulum i təv mayahaba gər, ku mege i ŋga tserdze. Ta heme a ka, bakal ma ge i gəzləŋ tar tsa. Matsəɓatsəɓ ana tərfə̀ɗ tərfə̀ɗ a, nda mayaha ahəm tekeɗe, ma ge riŋ tsa asa mbaŋa.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 2:19

Ama gà mburma ana Mbulum a pala tar a ka, ndzer kaɗəŋ, pàrsa iɗəm tsa. Ti ne ka, kamala madzàha ga ana tə dzàha ɓəŋɓəŋ lele, a mbezle a tsiye. Dukw ana mewetse ŋa agəra tar a ka, ta gwa: «BATSAH kwa ŋa ka, a sər gà na ti ne ga mburma ŋgar a.»*fa* Dite a gwa asa ka: «Wur ana aka gwa, iye mburma Mbulum a ka, say mə miyak à mege dukw ana ŋgwala tsa a gewa ya.»

2 TIMUTE 2:22

Aɗaba taŋa, kər ka, Timute, ka zazam dukw gà asiŋ gà gawla ana ta ge a ŋgwala tsa pampam a tsa. Ama mər aba, dite ka ne mala ndzer ŋa ika miɗ Mbulum, kə̀ gəs ŋgat nda gəzləŋ kəla pat. Ka waya gà Mbulum nda mburma lele, dite ki ndzwim a lele nda gà mburma ana ta hamawa a Mbulum, tar gà tsəɗaŋŋa ya asa mbaŋa.

IBƏRANIKWA 10:10

Aɗaba Yesuw Kiristi ka, aka ge gà dukw ana a sàs a Mbulum a, agəra ana a vəlar ba ŋgar kamala dukw taf ana masakəŋa ya. A vəlar ka, sik ilik pəra, i təv ana a mət a tsara ka, aà biybiy. Kamala taŋa ya na kinehe kà nekwa gà tsəɗaŋŋa ika miɗ Mbulum, kà nekwa gà mburma ŋgar a.

IBƏRANIKWA 13:12

Aɗaba taŋa, Yesuw Kiristi tekeɗe, a mət ka, i huɗ kwite tsa. Aka dara iɗəm a bəra ya mbaŋa. A ge dər kataya ka, aà məbàrà dər bakal aà gà mburma ya, nda məmbəz ŋgar ata.

IBƏRANIKWA 2:11

Yesuw na a ne à mburma ŋgwal ŋa ika miɗ Mbulum a, dite gà mburma ata ti ne gà ŋgwal ŋa tsəɗaŋŋa aɗaba ŋgat a ka, Tsir tar ka, Mbulum ilik. Aɗaba taŋa na Yesuw a zal a tar gà damər gà, a ge a ter a hwarwa tsiye.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.

Sunwa Yuhana 19:16

Petek ŋgar ka, ta wetse ahər zləm ŋgar, nda gà aka gus ŋgar mbaŋa. Ta wetse ka: «Əbay ika gər gà Əbay tserdze, dite ŋgat asa ka, Batsah ŋana ika gər gà bàba ŋana ya.»