1 Kurintiya 1:10 - Bible Zulgo

¹⁰ Gà damər gà, iye ihər i ge a kurum a kamkam nda zləm Yesuw Kiristi BATSAH kwa ŋa: Bazlam kurum ma ge ka, ilik pəra, tsəka, wùràpə̀ppa ka ndzakum ba ikaba ya təv pampam tsa.

1 Kurintiya 1:10 ပူးပေါင်းရင်းမြစ်များ

Mata 9:16

Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa. Aɗaba miviye ŋana ka, a nis a ihər a, à sìkèh ahər a à biye hinne asa.

Markus 2:21

Yesuw a tsik a tar ahəm minew ŋgiɗ pam asa. A live dər aba nda guma ŋgar ana awiya ŋa ya. A gwaɗa a tar: «Wura a sle a aà medepe awiya petek aà miviye ŋana tsa, aɗaba miviye ŋana ka, a nis a ihər a, vagugwà à sìkèh ahər a à biye hinne asa.

Markus 3:24

Na gà mburma ana a riŋ ika ahəɗ ilik ŋa, ta ge a gùvəl ika magər tar ka, ti sle aà mendze a i təv ilik ŋa tsa, ahəɗ tar ata a nisiŋa, a de a a dala.

Yuhana 10:19

Gà mburma ata tə tsaraka bazlam minew Yesuw ata ka, bazlam a da a tar aaba tsa, tə ndzaka ba ikaba ya təv pampam asa.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Yuhana 7:43

Kamala taŋa ya gà mburma tə ndzək ba ikaba ya təv pampam, agəra Yesuw.

Yuhana 9:16

Gà asiŋ gà Farisa ta gwa: «Mì samata wele ana a ge a kataya ya ka, a sle aà madàra i təv Mbulum a tsa, aɗaba ana a ge a megemir, a tike a gər a məpala ahəm kwa a pat mesìfìkà ba tsiye.» Ama gà mìsle ŋgiɗ asa ta gwa: «Meme na wura a sle a aà mege medzibe gà dukw mene aà mburma aaha ya, na ŋgat mala bakal a?» Aɗaba taŋa tə ndzakaya ba iba ya vatwa pampam.

Gà Ɓəzla Meslire 4:32

Gà mburma Mbulum ka, tar mandza ŋa i təv ilik ŋa lele. Mawàyà ba tar ibam, nda gəzləŋ ilik ŋa asa. Wura ilik ika magər tar, aka fə̀r aà duwa ŋgar ka, kamala na biy ŋgar à gər ŋgar a tsa. Ama dukw ana tàa ŋgat a ka, ti dzèye ba a ika magər tar tserdze.

RUMA 1:13

Gà damər ga, sərum dər ka, sik diŋ na i yahawa vatwa aà madaha a təv kurum a. Ama ka, haa kinehe Yàa ŋgataha vatwa zukw tsa. A sèsiŋ, i dehe a ka, aà mazlàkà kurum, kamala ana i zlàkawa gà asiŋ gà mburma ana ika gà ahəɗ ŋgiɗ a mbaŋa, na dite gà asiŋ ŋa ta mbìɗ a à gəzləŋ tar a təv Mbulum, tì sìkèhehe a a təv kurum aka miɗ aka miɗ a.

RUMA 12:1

Aɗaba taŋa, gà damər gà, i ge a kurum a kamkam: Kinehe ka, vəlum ba kurum ədəts a ahər a Mbulum, agəra ana kà ndzekwar are tsehe kataya ya. Ki vilwimer a ba ka, daga kinehe, kamala dukw ana ta kə̀ɗar taf masakəŋa ya, ku mege kinehe kurum riŋ nda are tekeɗe ya. Dukw ata ta kə̀ɗar a ka, ma ne biy ŋgar fit, dite ka, mà tsahən ahər kuɗa. Taŋa ka, vatwa ndzer ŋa ana biy mahàmà a Mbulum a.

RUMA 12:16

Gəsum aaba ahəm ka, tèrihhwè a təv ilik ŋa. Kà sə̀ŋgə̀rum à ba kurum aka gər gà mìsle ŋgiɗ nda mawàlà ika megemir a tsa. Ki giswim aaba a gà na zləm tar a riŋ tsiye mbaŋa. Ka tə samatum ba kurum ka, waytsà kamala ana kurum ka, gà ɓəzla masəra duwa hinne ya tsa.

RUMA 15:30

Gà damər ga, i ge a kurum a kamkam nda zləm Yesuw Kiristi BATSAH kwa ŋa, dite nda mawàyà ba Mezite Mesife ŋgar ana a vəl a kwa ika magər kwa ya asa: Zlakum iye, hamum a Mbulum aɗaba iye. Hamumar ka, nda gəzləŋ ilik,

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

1 Kurintiya 1:11

Gà gəzləŋ kurum nda madzala gà gər kurum tekeɗe, ma ge ka, ilik mbaŋa. Gà damər gà, i tsik taŋa ka, aɗaba gà mburma ana i bəra dəm Kilewe ya, ta màhara ba ya, tə dara, ta gweɗiŋ ka, maàga a riŋ hinne na ika magər kurum a, kà sərum aaba ahəm tsa.

1 Kurintiya 11:18

Aɗaba i tsaraka malahalah ŋa ka, ta gweɗiŋ: I təv ana kà yahawum ba gər aà mazàmbàɗà à Mbulum a ka, ki ndzekwim a ba iba ya təv pampam, na ika magər kurum gà mburma Mbulum a. Ama i dzala, i gwa, bazlam ata a ge a ka, ndzer kaɗəŋ, pàrsa iɗəm tsa.

1 Kurintiya 12:25

Aɗaba a ge dər kataya ka, a waya tsa na ba kwa a ndze a tsàkàlàk təv pampam a. Ama a sasar ka, gà dzerisl ba ata ti zlèkeye a ba ilik ilik tserdze.

1 Kurintiya 3:3

Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.

1 Kurintiya 4:16

Aɗaba taŋa, iye ihər i ge a kurum a kamkam: Zazamum ka, mede gà ana i de a ya.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

2 Kurintiya 13:9

Na bəla kurum ka, gà ndzəɗa ŋa ika vatwa Mbulum, ama mər ka, gà mbile ŋa na i təv are kurum a tekeɗe ka, mìi ŋgeye a ba ivaɗ. Aɗaba taŋa, mìi heme a a Mbulum, dite mà zlak kurum, aà ka simwim ika vatwa ŋgar a.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 4:12

Gà damər gà, i ge a kurum a kamkam: Gwim ka, kamala iye ana i gewa ya. Iye tekeɗe, kamala kurum a mbaŋa, kwa ka, ilik. Kàa gwimiŋ dukw ana ŋgwal ŋa tsiye ɓav tsa. Ama kinehe ana, meme?

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

FILIPIYA 3:16

Ama kəla ka, ku mege meme tekeɗe, say zazamakwa ka, vatwa ana ki tèkwe a dər, kà zazamakwara haa kinehe ya.

1 TESALUNIKE 5:13

Zlə̀bum à tar, ka wayum tar lele mbaŋa, aɗaba megemir tar ana ta ge a agəra kurum a. Kurum nda gà asiŋ gà mburma ŋgiɗ ana i təv mayahaba gər gà mburma Mbulum a tserdze, ndzum ika magər kurum ka, nda zay lele, maàga ma ge iɗəm tsa.

2 TESALUNIKE 2:1

Gà damər mər, kurum ihər ki vevwim a ka, pat ana Yesuw Kiristi BATSAH kwa ŋa à mère a ka, dite ki yehekwebe a gər a təv ŋgar a. Ama kəla ka, mìi ge a kurum a kamkam:

1 TIMUTE 5:21

Iye ihər i gik a kamkam, Timute, ika miɗ Mbulum, ika miɗ Yesuw Kiristi asa mbaŋa, dite ika miɗ gawla Mbulum ana a ndzək tar a: Ama zazam dukw ana i tsikik a nda ndzer. Iye ihər i gik a kamkam asa ka, ka tə dàn bemeze aà wura a tsa. Ama ka, ka ta wìy ba a wura aɗaba ana ŋgat wur yak a tsa asa. Ka ta ge kataya tsa, na i təv megemir yak a.

2 TIMUTE 4:1

Iye ihər i gik a kamkam ika miɗ gà Mbulum nda Yesuw Kiristi. Aɗaba Yesuw ka, wele ana a ta ge a seriye a mburma tserdze ya, ku mege gà na tar riŋ nda gà mesife ya, ku gà na tàa mata ya asa mbaŋa. Kər kà sər ndzer, a ta mèriŋa, na dite ka, a de a a mekwere ŋgar ana a ta kwere a ya.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.