ሶፎናሳ ቲንቢቴ 2:9 - Geeshsha Maxaafa

⁹ Hessa gishshas GODAY Ubbaafe Wolqqama Isra7eele Xoossay, «Tani ta de7o Xoossateththan caaqqays; Mo7aabey Sodoome mala Amooney Gamoora mala, sharafay may7idaso malanne maxine bookki ekkida olla mala mernaas bula gidana. Ta asaappe casha attidayti istta haaro bonqqananne istta biittaa laattana» gees.

ጋሞ ማጻፋ

⁹ ሄሳ ጊሻስ ጎዳይ ኡባፌ ዎልቃማ ኢስራኤሌ ጾሳይ፥ «ታኒ ታ ዴኦ ጾሳቴን ጫቃይስ፤ ሞኣቤይ ሶዶሜ ማላ ኣሞኔይ ጋሞራ ማላ፥ ሻራፋይ ማይኢዳሶ ማላኔ ማጺኔ ቦኪ ኤኪዳ ኦላ ማላ ሜርናስ ቡላ ጊዳና። ታ ኣሳፔ ጫሻ ኣቲዳይቲ ኢስታ ሃሮ ቦንቃናኔ ኢስታ ቢታ ላታና» ጌስ።

ሶፎናሳ ቲንቢቴ 2:9 ပူးပေါင်းရင်းမြစ်များ

ኢሳያሳ ቲንቢቴ 11:14

Istti arshey wulliza baggara Filisxeemeta dugunththaa wodhdhana; nam7ayka issife gididi arshey mokkiza dereza bonqqana; istti Eedoome bollanne Mo7aabe bolla bantta kushe denththana; Amoone asay isttas haarettana.

ኢሳያሳ ቲንቢቴ 25:10

GODAA kushey ha zumaa bolla shemppana. Gido attiin uttulay urqqan yedhettiza mala Mo7aabeykka yedhettana.

ኢሳያሳ ቲንቢቴ 49:18

Ane dhoqqu gaada ne yuusho xeella; ne nayti ubbay issife shiiqidi neekko yaana. Tani GODAY ta de7on caaqqays; neni istta ubbaa alleqo mala may7ana; ne istta mishira may7o mala may7ana» gees.

ኤርማሳ ቲንቢቴ 46:18

Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.

ኤርማሳ ቲንቢቴ 48:1

Mo7aabe gishshas Ubbaafe Wolqqama GODAA Isra7eele Xoossay, «Neboy dhayana gishshas izis aayye ana! Qiriyaataymey kawuyananne oykettana; miixatikka oykettananne laalettana.

ኤርማሳ ቲንቢቴ 49:1

Amoone asaa GODAY, «Isra7eeley attuma nayta yelibeennee? woykko iza laattanayti baawee? Histtiin Milkkoomey Gaade ays laattidee? Iza asati ays katamayn dizoo?

ኤርማሳ ቲንቢቴ 49:18

Sodoomeynne Gamooray bantta yuushon diza katamatara issife dhayda mala Eedoomey dhayana; oonikka he biittan de7enna; issaadeyka izin uttenna» gees.

ኤርማሳ ቲንቢቴ 49:33

«Haxoorey worakanata duussaso gidana; mernaas bula gidana; oonikka heen de7enna; ay asikka izin uttenna» gees.

ኤርማሳ ቲንቢቴ 50:40

Sodoomenne Gamoora katamaa istta yuushon diza dereta asi dontta mala ooththides; hessaththoka oonikka heen deenna; izin uttanaykka beettenna» gees.

ኣሞጼ ቲንቢቴ 1:13

GODAY Amoones, «Amoone asay zaari zaaridi ooththida nagara gishshas ta istta qaxxayontta aggike; istti dere zawa aassanaas Gala7aade dere shaara maccassata ulo daakkida.

ኣሞጼ ቲንቢቴ 2:1

GODAY Mo7aabes, «Mo7aabe asay zaari zaaridi ooththida nagara gishshas ta istta qaxxayontta aggike; istti Eedoome kawo meqeththi Bidinth gidana gakkanaas xuuggida.

ሶፎናሳ ቲንቢቴ 2:14

Dorsa wudeynne mehe wudey, medheteththaafe ubbaa qommoy heen shempana. Guttoynne Quxarsi izi gimbetan aqana. Istta waasoy maskootetara seetettana. Gimbeza laaleththi issaa issaa pengen doorettana; keeththata tookki eqqida ziga godati kallottana.

ሶፎናሳ ቲንቢቴ 2:7

Hessika Yuhudappe casha attidaytas gidana; isttika heen baas aqota demmana; Gadey qammishin Asqeloona kataman diza keeththatan aqana; GODAY istta Xoossay istta naagana; isttafe di7ettidayssaka isttas zaarana.»

ሶፎናሳ ቲንቢቴ 3:13

Isra7eeleppe casha attidayti nagara oosettenna. Wordo haasayettenna; Istta doonankka gene haasayay deenna. Hessa gishshas istti miidi saron de7ana; istta babisana miishshika deenna.

ዛካራሳ ቲንቢቴ 2:13

GODAY geesh gidida basozappe dendida gishshas asho may7ida ubbay iza sinththan co7u go.

ታይቦ ማጻፋ 14:21

Gido attiin tani de7on diza malanne ta bonchchoy biitta ubbaan kumida mala,

ኦሮሜ ኣሳስ 14:11

«Ta paxa days; gulbatey wurikka taas gulbatana. Inxarsi wuri Xoossas markkattana» geetetti kase Geeshsha Maxaafan xaafettides.

ዛሬ ማጻፋ 29:22

Sinththafe yaana yeletay, intte zareynne haaho dereppe yaana hara biitta asay GODAY intte bolla ehida boshaanne metoza be7ana.

ዛሬ ማጻፋ 29:23

He Biittaya mulera xuugettida maxinenne diine geetettiza Bidinth gidana; issi miishshika izin tokettenna; ay miishshika izin mokkenna; izin pude dicciza miishshi beettenna; izi bolla gakkana kundeththi GODAY keehi shenetidi mulera dhayssida Sodoome malanne Gamoora mala, Adaama malanne Xaboyme mala gidana.