ሶፎናሳ ቲንቢቴ 2:3 - Geeshsha Maxaafa

³ Intteno biitta bolla diza ashketoo; iza azazokka polizaytoo! GODAA koyite; Xilloteththinne ashketeth koyite; GODAA hanqo gallassafe intte attanaakko oonee erizay!

ጋሞ ማጻፋ

³ ኢንቴኖ ቢታ ቦላ ዲዛ ኣሽኬቶ፤ ኢዛ ኣዛዞካ ፖሊዛይቶ! ጎዳ ኮዪቴ፤ ጺሎቴኔ ኣሽኬቴ ኮዪቴ፤ ጎዳ ሃንቆ ጋላሳፌ ኢንቴ ኣታናኮ ኦኔ ኤሪዛይ!

ሶፎናሳ ቲንቢቴ 2:3 ပူးပေါင်းရင်းမြစ်များ

2ሳሜላ ማጻፋ 12:22

Dawiti isttas, «Ee tuma, naazi shemppora paxa diza wode, ‹GODAY taas atto giidi naaza shemppora paxa woththanaakkon gaada xoomadissinne yeekkadis.›

ዬ ማጻፋ 105:4

GODAANNE iza wolqqa xomosite; ubbato iza sinththa koyite.

ዬ ማጻፋ 149:4

GODAY ba asan ufayettees; ashketa ashshidi bonchchon puulasees.

ዬ ማጻፋ 22:26

Hiyeesati miidi kallana. GODAA koyzayti iza galatana. Istti mernaas ufayettana.

ዬ ማጻፋ 31:20

Neni istta ne keeththan genththada asaa maqqofe ashshaasa; neni istta ne dizason qottada iita inxarsafe naagaasa.

ዬ ማጻፋ 45:4

Tumateththas, ashketeththasinne xilloteththas ne teemateth may7ada ola xoonanaas sinththe hordofa; ne ushachcha kushey malalisiza miish besso.

ዬ ማጻፋ 57:1

Abeet Xoossawu! Ne taas qadhetta; tana maara; ta shemppoya nenan zemppadus; bashshay aadhdhana gakkanaas tani ne qefeta garsan qotettana.

ዬ ማጻፋ 76:9

Abeet Xoossawu! Hayssi sa7a bolla un7ettidayta ashshanaas neni pirdas dendiin handes.

ዬ ማጻፋ 91:1

Ubbaafe Dhoqqa GODAAN zemppi de7izay, ubbaa dandayza Xoossa kuwan aqees.

ኬሳ ማጻፋ 12:27

intte isttas, ‹Hayssi GODAA bonchchanaas yarshiza Paaziga yarsho; ays giikko GODAY Gibxe biittan Isra7eele asaa keeth aggi aadhdhidi Gibxe asaa wodhidi nuna ashshida gishshassa› giite» gides. Hessafe guye asay biitta bolla gufanni goynnides.

ሌሚሶ ማጻፋ 18:10

GODAA sunththi mino gimbe mala; xillo asi hee woxxidi iitappe attees.

ኢሳያሳ ቲንቢቴ 1:17

Lo7o ooso tamaarte; suure pirda koyite; qohettidayta minththeththite; yi7otas eqqite; am7etas mootettite» gides.

ኢሳያሳ ቲንቢቴ 11:4

Gido attiin hiyeesatas xillo pirdana; sa7a bolla manqotas suure pirdana; ba inxarsaa xam7an sa7a shocana; ba doona peenon iitata wodhana.

ኢሳያሳ ቲንቢቴ 61:1

Ubbaa Haariza GODAA Ayanay ta bolla dees; hiyeesatas mishiraachcho yootana mala, GODAY tana tiydes. Izi tana wozinay meqqidayta koolana mala, di7ettidayta la7a kessana mala, qashettidaytas birsheth awajjana mala kiittides.

ኤርማሳ ቲንቢቴ 39:18

Tani nena ashshana; neni tanan ammanettida gishshas shemppora paxa attana attiin mashshan siifettaka» giidi yootana mala azazides.

ኤርማሳ ቲንቢቴ 45:5

Histtiin neni nees gita miish koyay? Asa nayta ubbaa bolla tani bash ehana gishshas ne hessa koyoppa; gido attiin neni bidaso ubbaan ta ne shemppo ashshana» gees.

ሂዚቄላ ቲንቢቴ 13:5

GODAA gallassan yiza olan dirsay minni eqqanaas dandayana mala phalqettida Isra7eele gimbeza minththi gimbanaas intte hee kezibeekketa.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሆሴኤ ቲንቢቴ 7:10

Isra7eele asaa otoreteththi istta bolla markkattees; hessi wuri haniinkka istti GODAA bantta Xoossako simmibeettenna; izakka koyibeettenna.

ዮናሳ ቲንቢቴ 3:9

Histtiko Xoossay nuus qadhettidi nu dhayontta mala ba wolqqama hanqofe simmanaakko oonee erizay» gides.

ዛካራሳ ቲንቢቴ 8:19

«Oydanththo aginan, ichchashanththo aginan, laappunththa aginaninne tammanththa aginan intte xoomiza xoomay Yuhuda deraas ufayssa gallassinne ba7aale gallas gidana; hessa gishshas intte tumateththinne saroteth koyite.»

Maatosa 5:5

Ashketi anjjettidayta; ays giikko istti biitta laattana.

1ታሶሎንቄ ኣሳስ 4:1

Ha7i wurseththan ta ishatoo! Intte Xoossa ufayssanaas intte waani waani daana bessizaakko nu inttena tamaarsidos; tumappeka nu tamaarsida mala deeta; hessa gishshas Godaa Yesus Kirstoosan nu inttena woossizaynne zorizay hayssafekka aadhdhiza hanora intte sinththe gujjana malassa.

1ታሶሎንቄ ኣሳስ 4:10

Kumeththa Maqidooniyan diza ammaniza asaa intte ubbaa siiqizayssi erettidayssa; gido attiin nu ishatoo! Sinththa baggan intte hayssafe aaththi siiqettana mala nu inttena zoroos.

1ጴጽሮሳ ኪታ 1:22

Intte ammanizayta suure wozinappe siiqana mala tumaas azazeteththan intte intte asateth geeshshideta; hessa gishshas intte intte giddon issoy issaara lo7eththi siiqettite.

1ጴጽሮሳ ኪታ 3:4

Intte lo7eteththi Xoossa sinththan waagara diza keehi bonchchettidaazinne dhayontta geexen, ashketeththan, addateththaninne Ayanan geexettida wozina garsan qotetti diza giddo wozina lo7eteth gido.

2ጴጽሮሳ ኪታ 3:18

Hessafe bollara nu Godaanne nu dhale Yesus Kirstoosa kiyateththaninne iza shaakki eron pude diccite; izas ha7ikka mernaaskka bonchchoy gido. Amiin.