ሶፎናሳ ቲንቢቴ 1:5 - Geeshsha Maxaafa

⁵ Fooqe bolla kezidi salo medheteththatas goynnizayta, GODAAS goynnishenne iza sunththan caaqqishe simmi wodhidi qasse Milkkoome sunththan caaqqizayta,

ጋሞ ማጻፋ

⁵ ፎቄ ቦላ ኬዚዲ ሳሎ ሜቴታስ ጎይኒዛይታ፥ ጎዳስ ጎይኒሼኔ ኢዛ ሱንን ጫቂሼ ሲሚ ዎዲ ቃሴ ሚልኮሜ ሱንን ጫቂዛይታ፥

ሶፎናሳ ቲንቢቴ 1:5 ပူးပေါင်းရင်းမြစ်များ

1ካዎታ ማጻፋ 11:33

Ta hayssa ooththanaas gaasoykka Solomooney tana aggidi Sidoonata xoos Astarootes, Mo7aabeta xoos Kamooshessinne Amooneta xoos Molookes goynnida gishshassa; qasseka ta ogen hemettontta, ta sinththan suure ooso ooththontta aggidi iza aawa Dawiti naagida mala ta wogatanne maarata naagontta ixxida gishshassa.

1ካዎታ ማጻፋ 11:5

Solomooney Astaroote geetettiza Sidoonata eeqa xoossayssinne harassiza Amooneta xoossaa Molookes goynnides.

1ካዎታ ማጻፋ 18:21

Eelaasi shiiqida asaakko biidi, «Intte ayde gakkanaas nam7u qofan daanee? GODAY Xoossa gidikko iza kaallite! Woykko Ba7aaley Xoossa gidikko iza kaallite» gides. Derezi gidikko issi qaalakka qaattibeenna.

2ካዎታ ማጻፋ 17:32

GODAAS goynnida; gido attiin issi issi qommoti kase ba yida deraa lose kaallida; zumbullata bolla diza eeqa xoossata haggaziza qeeseta shuumida.

2ካዎታ ማጻፋ 17:33

Istti issi baggara GODAAS goynnishe hara baggara qasse kase bantta kawoteththa lose mala bantta eeqa xoossatas goynneettes.

2ካዎታ ማጻፋ 17:41

Hayti ha dereti issi baggara GODAAS goynnikokka hara baggara qasse ba giigsida eeqa xoossatas haggazeettes. Istta naytinne isttas nayta naytikka kase istta aawati ooththida mala ha7ikka izaththo ooththeettes.

2ካዎታ ማጻፋ 23:12

Yuhuda kawoti pude Akaaze ilpinne achchan pooqe bolla ooththida yarshosohota, Minaasey GODAA Keeththa zago nam7atan oosisida yarshosohota diggides; tinchchereththi yeggides; he tinchcheththaaka denththi efidi Qediroone shoobban yeggides.

ኢሳያሳ ቲንቢቴ 22:1

Ajjuuta zulle bolla yootettida mino yo7o; Inttena aazi metiin ubbay pooqe bolla kezidetii?

ኢሳያሳ ቲንቢቴ 44:5

Issoy, ‹Tani GODAASSA› gaana; haray bana Yaaqoobe sunththan xeygana; haray qasse ba kushe bolla, ‹Tani GODAASSA› gi xaafana; izi bana Isra7eele sunththan xeygana» gees.

ኢሳያሳ ቲንቢቴ 45:23

Gulbatey ubbay ta sinththan gulbatana; inxars ubbayka tanan caaqqana; Tani tarkka ta hu7en caaqqadis; guye simmontta qaalay ta doonappe xilloteththan kezides.

ኢሳያሳ ቲንቢቴ 48:1

GODAY, «Intteno Isra7eele sunththan xeygettida, Yaaqoobeso asatoo! Yuhuda zareppe beettidaytoo! Intteno GODAA sunththan caaqqizaytoo! tumateththaninne xilloteththan gidontta, Isra7eele Xoossaa xeygizaytoo! Hayssa siyite.

ኤርማሳ ቲንቢቴ 12:16

Kase ta asaa Ba7aale sunththan caaqqana mala tamaarsoyssaththoka, ‹GODAY be7iin!› giidi ta sunththan caaqqiko istti ta asaa giddon xaphphidi daana.

ኤርማሳ ቲንቢቴ 19:13

Bantta keeththa kaara bolla salo medheteththatas exaane cuwasidinne eeqa xoossatas ushshu shiishshidayti Yerusalaame asaa keeththatinne Yuhuda kawota keeththati Toofeete mala tunana› gees.

ኤርማሳ ቲንቢቴ 32:29

Katamayo oliza Baabilooneti yiidi katamay giddo gelana; izokka taman xuuggana; tana hanqeththanaas asay bantta keeththa pooqe pooqe bolla Ba7aales exaane cu7asidasohotanne eeqa xoossatas ushsha yarsho shiishshida keeththata ubbaa istti xuuggana» gees.

ኤርማሳ ቲንቢቴ 4:2

intte tuman, suureteththaninne xilloteththan, ‹De7o GODAY beyiin!› giidi caaqqiko, he wode kawoteththati izan anjjettananne bonchchettana» gees.

ኤርማሳ ቲንቢቴ 49:1

Amoone asaa GODAY, «Isra7eeley attuma nayta yelibeennee? woykko iza laattanayti baawee? Histtiin Milkkoomey Gaade ays laattidee? Iza asati ays katamayn dizoo?

ኤርማሳ ቲንቢቴ 5:2

Gido attiin isttas, ‹GODAY beyiin› gi caaqqikokka istti tumappe wordo caaqqeettes» gees.

ኤርማሳ ቲንቢቴ 5:7

GODAY, «Tani intte nagara ays atto goo? Intte nayti tana aggida; eeqa xoossatankka caaqqida; Tani istta kalssa mizadis; istti gidikko laymatidanne layma keeth bida.

ኤርማሳ ቲንቢቴ 7:10

Histtidi ta sunththan xeygettida Xoossa Keeththaa yi ta sinththan eqqidi, ‹Nuni lo7o doos!› gishe hayta harassiza miishshata ooson deeta.

ኤርማሳ ቲንቢቴ 7:9

GODAY, «Intte kaysoteeta, as wodheeta, laymateeta, wordo caaqqi markkatteeta, Ba7aale eeqa xoossas yarsho yarsheeta, hayssafe kase intte erontta eeqa xoossatas goynneeta.

ኤርማሳ ቲንቢቴ 8:2

Histtidi istti siiqida, kiitettida, kaallida, zore oychchidanne goynnida arshe sinththan, agina sinththaninne salo xoolintteta ubbaa sinththan micettana. Istta meqeththay shiiqenna woykko moogettenna; gido attiin biitta bolla olettida buura mala gidana.

ሆሴኤ ቲንቢቴ 10:2

Istta wozinan geney kumides; istti ba ooththida geneza waaga ekkana. GODAY istti yarsho yarshizasohota ubbaa laallana. Istti goynniza eeqa xoossa tuussatakka shoddana.

ሆሴኤ ቲንቢቴ 4:15

«Intteno Isra7eele asatoo! Intte laymatikkoka Yuhuda asay laymatana mala ooththofte; hessa gishshas taas goynnanaas Gelgela woykko Beeti-Awene geetettizaso boopite; ‹De7o GODAY beyiin› giidi ta sunththan caaqqofte.

ኣሞጼ ቲንቢቴ 5:26

Intte inttes ooththida, ‹Kawo Zakute› geetettiza eeqa xoossaza; qasseka, ‹Kewene› geetettiza intte medhdhi kessida xoolintte misatiza eeqa xoossata tookkideta.

Maatosa 6:24

«Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.

ሃዋሬታ ኦሶ 10:9

Kiitettida asati wonteththa gallas gede katamaykko matishin Phexroosi usuppun saate bolla woossana pude Pooqe bolla kezides.

ኦሮሜ ኣሳስ 14:11

«Ta paxa days; gulbatey wurikka taas gulbatana. Inxarsi wuri Xoossas markkattana» geetetti kase Geeshsha Maxaafan xaafettides.

ዛሬ ማጻፋ 10:20

GODAA intte Xoossaas yayyite; izas xalla goynnite; izan ammanettidi iza sunththan caaqqite.

ዛሬ ማጻፋ 4:19

Qasse salo pude xeellidi intte GODAY asa ubbaas immida arshe, agina, xoolinttenne salo medheta ubbaa be7idi intte isttas goynnidi balontta mala naagettite.

ኢያሶ ማጻፋ 23:7

Hayta intte giddon attida kawoteththatara issifettofte; istta eeqa xoossata sunththa xeygopite; istta sunththan caaqqofte; isttas ooththoftenne goynnofte.