ሶፎናሳ ቲንቢቴ 1:4 - Geeshsha Maxaafa

⁴ GODAY, «Tani Yuhudaninne Yerusalaamen diza as ubbaa qaxxayana; qasseka Ba7aale, istta eeqa xoossatanne laymatiza qeeseta hayssafe ta milxi histta dhayssana.

ጋሞ ማጻፋ

⁴ ጎዳይ፥ «ታኒ ዩሁዳኒኔ ዬሩሳላሜን ዲዛ ኣስ ኡባ ቃጻያና፤ ቃሴካ ባኣሌ፥ ኢስታ ኤቃ ጾሳታኔ ላይማቲዛ ቄሴታ ሃይሳፌ ታ ሚልጺ ሂስታ ይሳና።

ሶፎናሳ ቲንቢቴ 1:4 ပူးပေါင်းရင်းမြစ်များ

2ካዎታ ማጻፋ 21:13

Tani Samaariyas giigsida wadha wodoro, tani Akaabeso izara ginasa xeellida tumbezakka Yerusalaame bolla yeddana; asi saane meecci gufanththiza mala tanikka Yerusalaame meecca dhayssana.

2ካዎታ ማጻፋ 23:12

Yuhuda kawoti pude Akaaze ilpinne achchan pooqe bolla ooththida yarshosohota, Minaasey GODAA Keeththa zago nam7atan oosisida yarshosohota diggides; tinchchereththi yeggides; he tinchcheththaaka denththi efidi Qediroone shoobban yeggides.

2ታሪኬ ማጻፋ 34:4

Iza azazon asay Ba7aales yarshizasohotanne istta bolla diza exaane cuwasizasotakka laallida; Asheeri misleta, massi giigsida eeqatanne seerisi medhdhida misleta kinchchereththi liiqisidi isttas yarshiza asata duufo bolla laallida.

ኬሳ ማጻፋ 15:12

Neni ne ushachcha kushe piddisadasa, biittayka istta mittides.

ኤርማሳ ቲንቢቴ 15:6

«Ne tana aggadasa; guye guye baasa; hessa gishshas tani ne bolla ta kushe denththada nena dhayssana; hayssafe guye nees qadhettike.

ኤርማሳ ቲንቢቴ 6:12

Tani he biittan dizayta bolla ta kushe yeddiza wode istta keeththati, istta gadetinne istta machchetikka attontta ubbay haratas gidana» gees.

ሂዚቄላ ቲንቢቴ 25:7

tani ta qese intte bolla denththana; tani kawoteththati inttefe bonqqana mala ooththana; ta inttena kawoteththata giddofe shoddana; asaappeka shaakkada dhayssana; ta inttena dippi histtana. Tani GODAA gididayssa intte he wode erana› gees.

ሂዚቄላ ቲንቢቴ 6:14

Tani ta kusheza istta bolla denththana; istti dizasohota dugehan bazzo biittafe biidi pudehan Dibila gakkanaas bula histtana; tani GODAA gididayssa istti he wode erana» gides.

ሆሴኤ ቲንቢቴ 10:5

Samaariya kataman diza derey Beeti-Awenen diza mara mislen oosettida eeqa xoossas yayyees. Izappe bonchchoy qaaretti kichchida gishshas asay yeekkees. He eeqa misleza qeesetikka waasseettes.

ሚኪያሳ ቲንቢቴ 5:13

Masetti kezida intte eeqa misletanne intte eeqasohotakka ta intte giddofe dhayssana; hayssafe guye intte intte kushen ooththidaytas goynneketa.

ሶፎናሳ ቲንቢቴ 2:11

GODAY he biitta eeqa xoossata ubbaa dhayssiza wode izi istta yashissizayssa gidana; Abba achchan diza dereti ubbay issoy issoy ba dizason dishe izas goynnana.

ሶፎናሳ ቲንቢቴ 2:13

Izi ba kushe pudeha baggan diza dereta bolla denththana; Asoore dhayssana. Nannawekka bulasana; bazzo biitta mala melissana.