ሶፎናሳ ቲንቢቴ 1:13 - Geeshsha Maxaafa

¹³ Istti haarida haaroy bonqqettana; istta keeththay laalettana; istti keeth keexxanashin ba keexxida keeththan deettenna; woyne mith tokkanashin ba tokkida woynezappe oosettida ushshaa uyettenna» gees.

ጋሞ ማጻፋ

¹³ ኢስቲ ሃሪዳ ሃሮይ ቦንቄታና፤ ኢስታ ኬይ ላሌታና፤ ኢስቲ ኬ ኬጻናሺን ባ ኬጺዳ ኬን ዴቴና፤ ዎይኔ ሚ ቶካናሺን ባ ቶኪዳ ዎይኔዛፔ ኦሴቲዳ ኡሻ ኡዬቴና» ጌስ።

ሶፎናሳ ቲንቢቴ 1:13 ပူးပေါင်းရင်းမြစ်များ

ኢሳያሳ ቲንቢቴ 6:11

Tanikka, «Abeet Godawu! Hayssi ayde gakkanaas hananee?» gadis. Izikka zaaridi taas, «Katamati isttan de7iza asi dhayiin istti laalettana gakkanaas, keeththatikka ubbay kayzana gakkanaassinne biittayka mulera aykkoy baynda bula gidana gakkanaassa.

ኤርማሳ ቲንቢቴ 15:13

Ne dere ubbaan oosettida nagara gishshas ne aqota ubbaa di7izaytas coo aaththa immana.

ኤርማሳ ቲንቢቴ 17:3

Ne biittan oosettida nagara gaason zumata bollanne zumbullata bolla diza ne aqota, ne dureteththinne ne goynosota tani di7os aaththa immana.

ኤርማሳ ቲንቢቴ 4:20

Iita miishshi iita miish kaallees; mule biittay moorettides; ta dunkaanetinne magalashati eeson dhayda.

ኤርማሳ ቲንቢቴ 4:7

Gaammoy ba dizasoppe kezides; kawoteththata dhayssizay kiitettides; ne biittayokka bulasanaas ba dizasoppe kezides; ne katamati laalettana; kundidikka kayzi attana.

ኤርማሳ ቲንቢቴ 5:17

Istti intte kaththaanne qumaa pitti maana. Intte attuma naytanne macca nayta wodhana. Intte dorsanne miizaa bonqqidi maana. Intte woyne teeranne balase teera bonqqidi maana. Intte ammanettiza gimbettida katamatakka istti bantta mashshan dhayssana» gees.

ኤርማሳ ቲንቢቴ 9:11

GODAY, «Yerusalaame katama tani budhetti kayzidasonne worakanati kaa7izaso ooththana. Yuhuda katamatakka asi bayndaso bula kessana» gees.

ኤርማሳ ቲንቢቴ 9:19

Xiyoonen zilassaa cenggurssi siyettees; ‹Nuni dhaydos! Nuni keehi kawuyidos! Nu keeththi laalettichchida gishshas nu biittaa aggidi dendi boos› gi zilaleettes» gees.

ኤርማሳ ዚላስ 5:2

Nu biitta allagati laattida; nu keeththaaka baas duussaso ooththida.

ሂዚቄላ ቲንቢቴ 22:31

Hessa gishshas ta hanqo ta istta bolla gussana; ta wolqqama hanqozan ta istta xuuggana; istti ooththidayssa ta gede istta bolla zaarana gees Ubbaa Haariza GODAY» gides.

ሂዚቄላ ቲንቢቴ 7:19

Istti bantta biraa ogen olana; istta worqqayka tuna mala qoodettana; GODAA wolqqama hanqo gallas istta biraynne worqqay istta ashshenna; istta biraynne worqqay istti nagaran kundana mala isttas dhuphe gidides; biraynne worqqay miin istta kalssenna; istta ulokka kumenna.

ሂዚቄላ ቲንቢቴ 7:21

Tani istta alleqota allagatas di7os, biitta bolla diza iitatas bonqqas aaththa immana; heytikka istta tunisana.

ሂዚቄላ ቲንቢቴ 7:24

Kawoteththata garsafe daro iitata ehada istta keeththan diza aqota ta bonqqisana; wolqqamata otoreteth tani dhayssana; istti goynnizasohota tunisana.

ኣሞጼ ቲንቢቴ 5:11

Manqota un7eththeeta; istta wolqqara kath giiriseeta; inttes masettida shuchchafe keeth keexxideta shin he keeththan deekketa. Aradda biittan woyne miththa tokkideta shin izappe agettida woyne ushshu uyekketa.

ሚኪያሳ ቲንቢቴ 3:12

Hessa gishshas intte geedon Xiyooney goshsha biitta mala goyettana; Yerusalaameykka qolettida keeththa doore gidana; Xoossa Keeththay diza zumaykka sharafa maatay iza bolla diccida zuma gidana.

ሚኪያሳ ቲንቢቴ 6:15

Ne zerana shin maxakka; wogara miththa zayte ne gum7ana shin he zayteza tiyetta; woyne miththa ayfe xunqqa shiishshanashin woyne ushshu ne uyakka.

ሶፎናሳ ቲንቢቴ 1:9

He wode allaga xoossata pengen guppizayta, bantta godata keeththaa makkallateththaninne baleththon kunththizayta ta qaxxayana» gees GODAY.

ዛሬ ማጻፋ 28:30

Neni machcho ekkanaas geela7o giigsana; gido attiin hara asi izo dafi ekkana; ne keeth keexxanashin izan daakka; neni woyne mith tokkanashin iza ayfe go7ettaka.

ዛሬ ማጻፋ 28:39

Neni woyne mith tokkanashin iza ayfeza go7ettaka; gaasoykka guxuney iza maana.

ዛሬ ማጻፋ 28:51

Istti ne mehenne ne kath ubbaa pitti mizayta gidida gishshas neni hayqqana gakkanaas koshan waayana; istti ne dhayana gakkanaas ne kaththaafe issi ayfe, ne meheppe guuththa mari, ne dorsafe guuththa laaqqa, woyneppenne wogara miththa ayfeppe qii palakka ashshettenna.