ዛካራሳ ቲንቢቴ 8:9 - Geeshsha Maxaafa

⁹ Ubbaafe Wolqqama GODAY, «Ubbaafe Wolqqama GODAA Keeththaas yochchi yegettishin heen diza nabeti yootida qaalaa ha7i siyizayti ubbay Ubbaafe Wolqqama GODAA Keeth keexxanaas intte kushe minththite.

ጋሞ ማጻፋ

⁹ ኡባፌ ዎልቃማ ጎዳይ፥ «ኡባፌ ዎልቃማ ጎዳ ኬስ ዮቺ ዬጌቲሺን ሄን ዲዛ ናቤቲ ዮቲዳ ቃላ ሃኢ ሲዪዛይቲ ኡባይ ኡባፌ ዎልቃማ ጎዳ ኬ ኬጻናስ ኢንቴ ኩሼ ሚንቴ።

ዛካራሳ ቲንቢቴ 8:9 ပူးပေါင်းရင်းမြစ်များ

1ታሪኬ ማጻፋ 22:13

GODAY Muse baggara Isra7eeles immida wogaanne maaraa ne naagikko ubbayka nees injje gidana; aykkoy baa, yayyofa, minna, murtta, hidota qanxxofa.

1ታሪኬ ማጻፋ 28:20

Hayssafe guye Dawiti ba naa Solomoone, «Aykkoy baawa minna! Oosoza doomma! GODAA ta Xoossay nenara diza gishshas yayyofa; hidotakka qanxxofa! Xoossa Keeththa oosoy polettana gakkanaas Xoossay nena yeggennanne aggenna.

2ታሪኬ ማጻፋ 15:7

Intte gidikko intte ooththida oosos woytoy de7iza gishshas minnite! Laafopite!» gides.

ኢዝራ ማጻፋ 6:14

Ayhudata kaaleththizayti, nabe Haggeynne Zakaraasi minththeththiin Xoossa Keeththa ooso ellesi ooththida; Isra7eele Xoossa shenen Paarise kawo Qiroosi, Daariyoossinne Arxekisisi azazida mala Xoossa Keeththaa ooso polida.

ኢሳያሳ ቲንቢቴ 35:3

Daaburda qeseta minththite; argacida gulbatata minththite.

ኢሳያሳ ቲንቢቴ 35:4

Wozinan yashshay dizayta «Minnite! Yayyofte! Intte Xoossi yiidi halo kessana; izi inttena ashshanaasinne halo kessanaas yaana» giite.

ሃጌ ቲንቢቴ 1:1

Daariyoosi kawotida nam7anththo layththan usuppunththa aginay gelida koyro gallas, GODAA qaalay nabe Hagge baggara Yuhuda dere haariza Salatiyaale naa Zerubaabelekkonne Qeeseta halaqa Iyosaadoqe naa Iyaasokko hizgishe yides.

ሃጌ ቲንቢቴ 1:12

Hessafe guye Salatiyaale naa Zerubaabeley qeeseta halaqa Iyosaadoqe naa Iyaasoynne di7eteththafe shemppora paxa simmida asay GODAA bantta Xoossa qaalanne nabe Hagge baggara Xoossi kiittida qaalas azazettida. Asaykka GODAAS yayyides.

ሃጌ ቲንቢቴ 2:18

Hanno ha uddufunththa aginayppe hach ha nam7u tammanne oydanththo gallassafe haa simmiin Xoossa Keeththas yochchi yegettida gallas gakkanaas diza wodeza wozinan woththitenne yuushshi qopite.

ሃጌ ቲንቢቴ 2:21

GODAY Hagges, «Yuhuda haariza Zerubaabeles, ‹Tani salonne sa7a qaaththana› gides gaada yoota.

ዛካራሳ ቲንቢቴ 8:13

Yuhuda derenne Isra7eele dere asatoo! Intte kase kawoteththata giddon qanggettida dere mala qoodettideta; ha7i gidikko ta inttena ashshana; intteka anjjos gidana; hessa gishshas babbofte; minnite.

ዛካራሳ ቲንቢቴ 8:18

Qasseka Ubbaafe Wolqqama GODAA qaalay taakko yides;

ኤፌሶኔ ኣሳስ 6:10

Hara baggara mino Godaaninne iza gita wolqqan minnite.

2ጺምቶሳስ 2:1

Hessa gishshas ta naazoo neni Godaa Yesus Kirstoosa kiyateththan minna.

ኢያሶ ማጻፋ 1:6

«Minna! Xala gida; tani kase istta aawatas immana gaada caaqqida biittaa ha dereza kaaleththada laatisanay nena gidida gishshas minna.

ኢያሶ ማጻፋ 1:8

Hayssi woga Maxaafay ne doonappe shaakettofo; iza giddon dizayssa ne lo7eththa naagettada polana mala gallas gidiin omars zaara zaara qoppa; ne hessaththo ooththiko ne qoppida ubbay nees suurananne hanana.