ዛካራሳ ቲንቢቴ 7:9 - Geeshsha Maxaafa

⁹ «Ubbaafe Wolqqama GODAY, ‹Tumu pirda pirdite; intte garsan issoy issaara maarettitenne issoy issaas qadhettite.

ጋሞ ማጻፋ

⁹ «ኡባፌ ዎልቃማ ጎዳይ፥ ‹ቱሙ ፒርዳ ፒርዲቴ፤ ኢንቴ ጋርሳን ኢሶይ ኢሳራ ማሬቲቴኔ ኢሶይ ኢሳስ ቃቲቴ።

ዛካራሳ ቲንቢቴ 7:9 ပူးပေါင်းရင်းမြစ်များ

2ሳሜላ ማጻፋ 9:7

Dawitikka iza, «Babbofa; ne aawa Yoonataane gishshas gaada tani nees kiyateth ooththana; ne mayza Sa7oole biittaa mulera ta nees zaarana; neni ubba wode ta maaddafe maandasa» gides.

ኢዮቤ ማጻፋ 31:20

ta dorsata iskefe oosettida may7o ta mayziin, izaade ho7iin tana zaari galatontta aggida wodey deenna.

ኢዮቤ ማጻፋ 6:14

«Ubbaa Dandayza Xoossas yash aggidaadessinne daaburdaadeska iza laggey izas kiyateth bessanaas koshshees.

ሌሚሶ ማጻፋ 21:3

Yarshofe bollara xillonne suure pirda GODAY dosees.

ኤርማሳ ቲንቢቴ 21:12

Intteno Dawite soo asawu! Intte ooththida iita ooso gaason eexxiin oonikka toyssana dandayontta tama mala ta hanqoy intte bolla eexxontta mala wonttan wonttan suure pirdite; bonqqettidayta un7eththizayta kusheppe ashshite› gees ga.

ኤርማሳ ቲንቢቴ 22:3

GODAY, «Suure pirdanne xillo ooththite; bonqqettidayta un7eththizayta kusheppe ashshite; beteta, yi7otanne am7eta qohopite; ha sohonkka xillo suuth gussofte.

ኤርማሳ ቲንቢቴ 7:23

Gido attiin tani isttas, ‹Taas azazettite; histtiko tani intte Xoossa gidana; intteka ta dere gidana; inttes lo7ana mala tani inttena azaziza oge ubbaara biite› gaada azazadis.

ኤርማሳ ቲንቢቴ 7:5

Intte intte ogenne intte ooso lo7eththiko, intte giddon suureteththi diikko,

ሂዚቄላ ቲንቢቴ 18:8

Izi dichchas tal7enna; buute daro dichchika ekkenna; ba kushe mooroppe naagees; asas suure pirda pirdees.

ሂዚቄላ ቲንቢቴ 45:9

« ‹Ubbaa Haariza GODAY: Intteno Isra7eele halaqatoo, inttes ha7i gidana! Intte shabarssizayssanne asaa un7eththizayssa aggite; suure pirdanne xilloteth ooththite. Ta asa istta laata biittafe dhoqallidi gooddizayssa aggite. Tani Ubbaa Haariza GODAY hayssa yootays.

ሆሴኤ ቲንቢቴ 12:7

«Zal7anchchati wordo geeddaran bayzeettes; shocechchoka doseettes.

ሌዌታ ማጻፋ 19:15

« ‹Neni pirda pirdiza wode pirda geellasoppa; manqo iza manqoteththa gishshas maadda pirdofa; gita asatas dumma bonchcho immofa; dere asaakka dumma maadda pirdofa; asa ubbaas tumu pirda pirda.

ኣሞጼ ቲንቢቴ 5:24

Gido attiin tumu pirday goggiza haaththa mala; xilloteththika miccontta pultto mala goggo.

ሚኪያሳ ቲንቢቴ 6:8

Asa nawu! Izi nena lo7o miish bessides Xoossi neeppe koyzay aazee? Lo7o ooththana mala maaroteth ne dosana malanne Xoossa sinththan neni ashketeththara baana mala gidennee?

ዛካራሳ ቲንቢቴ 7:7

Yerusalaameynne izi achchan yuuyi aadhdhi diza katamati saroteththaninne dureteththan diza wode dugeha bagga zumata garsaninne arshey geliza baggan diza zumata garsan kase asi heen diza wode GODAY ba nabeta baggara yootida qaalay hayssa gidennee?› ga oychcha.»

ዛካራሳ ቲንቢቴ 7:8

GODAA qaalay qasseka Zakaraasakko yides;

Maatosa 23:23

«Intteno qoodheppe qommon hanizaytoo, Muse wogaa tamaarsizaytoo, Farsaawetoo! Inttes aayye ana! Aasutappe, aanugappenne katkal7afe tammaafe issino immeeta; gido attiin wogatappe waannatizayta heytikka tuma pirda, maaroteththinne ammaneteth gidikko kadhideta. Heyta aggontta dishe haytantta intte ooththanaas inttes bessees shin aggideta.

ሉቃሳ ሚሺራቾ 11:42

«Intteno Farsaawetoo! Inttes aayye ana! Aanugappenne xalotappe qasseka dumma dumma kaththafe tammaafe issino kesseeta; gido attiin tumu pirdanne Xoos dosanayssa aggi aadhdheeta; gidikkoka intte aggi aadhdhanaas bessenna; hankkoyssa aggontta intte ooththana bessizaytikka hayta.

ዮሃኒሳ ሚሺራቾ 7:24

Suure pirda pirdite attiin asa ayfeso xeellidi maado pirda pirdofte» gi zaarides.

ዮሃኒሳ ሚሺራቾ 7:51

«Nu wogan issi mootettizaadey ba mootos zaaro immiin siyonttanne izi ay ooththidaakko erettontta dishin pirday pirdetti erizee?» gides.

ዛሬ ማጻፋ 22:1

Isra7eele asaa booray woykko dorsi dhaydi wora bishin intte demmiko co7u gi aadhdhofte; iza godaas laagga efa imma.