ዛካራሳ ቲንቢቴ 6:5 - Geeshsha Maxaafa

⁵ Kiitanchchazikka, «Hayti sa7a ubbaa Goda sinththan ooththizasoppe kezida salo ayana oyddata.

ጋሞ ማጻፋ

⁵ ኪታንቻዚካ፥ «ሃይቲ ሳኣ ኡባ ጎዳ ሲንን ኦዛሶፔ ኬዚዳ ሳሎ ኣያና ኦይዳታ።

ዛካራሳ ቲንቢቴ 6:5 ပူးပေါင်းရင်းမြစ်များ

1ካዎታ ማጻፋ 19:11

GODAY izas, «Hessafe keza baada zumaa xeeran ta sinththan eqqa; GODAY heera aadhdhana» gides. Hessafe guye wolqqama carkoy zumata phalqereththides; zaallatakka kinchchereththi yeggides; GODAY gidikko he carkoza giddon deenna. He carkozappe simmiin biittay qaaxxides; GODAY he biitta qaaththaankka deenna.

1ካዎታ ማጻፋ 22:19

Mikiyaasi zaaridi, «Histtiko GODAY gizayssa siya! GODAY ba kawoteththa araatan uttiin salo olanchchati ubbay iza ushachcharanne hadirsara eqqidayta tani be7adis.

ኢዮቤ ማጻፋ 1:6

Gallassatappe issi gallas salo kiitanchchati GODAA sinth shiiqida wode Xala7eykka isttara issife shiiqides.

ዬ ማጻፋ 148:8

Wolqqanththinne shachchi, kenchchoynne gubbanay, iza azazo poliza gote carkoti ubbatikka iza galatite.

ዬ ማጻፋ 68:17

Xoossa para-gaareti daro shiyan qoodettizayta; Goday Siina zumaappe ba geeshshasoho yides.

ኢሳያሳ ቲንቢቴ 54:5

Nena medhdhidayssi nees azina; iza sunththayka Ubbaafe Wolqqama GODAA. Nena wozziday Isra7eele Geeshsha; izi biitta ubbaa Xoossa geetettees.

ኤርማሳ ቲንቢቴ 49:36

Oyddu bagga gulatappe tani Elaame bolla oyddu carkota ehana; istta he oyddu bagga carkotan ta laallana; Elaameppe di7etti bidayti gakkontta kawoteththay deenna.

ሂዚቄላ ቲንቢቴ 11:22

Hessafe guye kirubeti bantta qefeta yangida; irzoti istta millen deettes; Isra7eele Xoossa bonchchoyka isttafe bollara dees.

ሂዚቄላ ቲንቢቴ 37:9

Hessafe guye izi tana, «Haysso asa nawu! Carkos tinbite yoota; Ubbaa Haariza GODAY, ‹Carkozoo, oyddu bagga carkotappe haa ya; hayti hayqqidayti shemppora paxa daana mala istta bolla ufu ga punna› gees» gides.

ዳኔላ ቲንቢቴ 11:4

Gido attiin izi daro minnida wode iza kawoteththay laalettana; alame bolla oyddu kezi shaaketti wodhdhidi oyddu bagga baana; iza zereththi gidonttayti iza kawoteththan kawotana; gidikkoka isttafe issoyka iza mala minnenna; gaasoykka kawoteththay laalettiin harati gishetti ekkida gishshassa.

ዳኔላ ቲንቢቴ 7:10

Iza sinththara tama haaththi pultti goggees; izas daro shiyan qoodettiza oosanchchati deettes; qooday baynda derey iza sinththan eqqides; pirda shilotaykka uttides; maxaafatikka doyettida.

ዳኔላ ቲንቢቴ 7:2

Daaneeli, «Salo carko oyddati wogga abba qaaththishin omars ajjuutan beyadis.

ዛካራሳ ቲንቢቴ 4:10

«Guuththa miishshati haniza gallassi kadhiday oonee? Asay Zerubaabele kushen tumbe be7idi ufayettana; heyti laappun xomppeta istta bolla woththiza laappun ballati alame bolla yuuyi xeelliza GODAA ayfeta.»

ዛካራሳ ቲንቢቴ 4:14

Izi qasseka, «Hayti nam7ati medheteththa ubbaa Goda sinththan ooththana tiyettida asata» gides.

ዛካራሳ ቲንቢቴ 6:1

Qasseka hara ajjuutan oyddu para-gaareti nam7u xarqimala zumata giddora yizayta be7adis.

Maatosa 18:10

«Hayta guuththata giddofe issineyokka intte kadhontta mala naagettite! Ta inttes tumu gays; salon diza istta kiitanchchati salon ta Aawa ayfeso ubbaa gallas xeelleettes.

Maatosa 24:31

Kiitanchchatakka daro wolqqama xurumba giirissara yeddana. Isttika doorettidayta oyddu gulappe salos ha gaxappe he gaxa gakkanaas ubbaa issiso shiishshana.

ሉቃሳ ሚሺራቾ 1:19

Kiitanchchazikka zaaridi, «Tani Xoossa sinththan eqqiza Gabreele. Tanikka ha Mishiraachchoza nees gaththanaas kiitettada yadis.

Ibirawe 1:14

Kiitanchchati wurikka atoteth laattana asata ooththanaas Xoossafe kiitettiza oosanchcha Ayana gidettennee?

Ibirawe 1:7

Kiitanchchata gishshas haasayshe qasse, «Kiitanchchata ayanata; ba oosanchchatakka tama laco kessees» gides.

ኢያሶ ማጻፋ 3:11

Sa7a ubbaa GODAA Caaqo Qaalaa Taabotay inttefe sinththatidi Yordaanoose shaafaa gelana.

ዮሃኒሳ ኣጁታ 7:1

Hessafe guye oyddu kiitanchchata biitta bolla oyddu baggara eqqidayta beyadis; isttika biitta bolla gidiin woykko abba bolla woykko miththa bolla ay carkoyka carkontta mala oyddu baggara yiza bosha carko wursi oykkida.