ዛካራሳ ቲንቢቴ 6:13 - Geeshsha Maxaafa

¹³ Izi GODAA keeththa keexxana; izi kawo mala bonchcho may7ana; ba kawoteththaa araatan uttidi haarana; qasseka izi ba araatan uttidi qeeseteththan ooththana; he nam7atikka saroteththaninne sigan ooththana» gees ga yoota.

ጋሞ ማጻፋ

¹³ ኢዚ ጎዳ ኬ ኬጻና፤ ኢዚ ካዎ ማላ ቦንቾ ማይኣና፤ ባ ካዎቴ ኣራታን ኡቲዲ ሃራና፤ ቃሴካ ኢዚ ባ ኣራታን ኡቲዲ ቄሴቴን ኦና፤ ሄ ናምኣቲካ ሳሮቴኒኔ ሲጋን ኦና» ጌስ ጋ ዮታ።

ዛካራሳ ቲንቢቴ 6:13 ပူးပေါင်းရင်းမြစ်များ

ሜቴ ማጻፋ 14:18

He wode, Saaleme kawoy Malkexeedeqey ukeththinne woyne ushshu ekki yides; izikka Ubbaafe Dhoqqa Xoossaa qeese.

2ሳሜላ ማጻፋ 7:13

Ta sunththaas keeth keexxanay iza; tanikka iza kawoteththaa mernaas minththana.

ዬ ማጻፋ 110:1

GODAY ta Godaas, «Tani ne morkketa ne toho garsan yedhisana gakkanaas, ta ushachchan utta» gides.

ዬ ማጻፋ 110:4

GODAY, «Malkexeedeqe qeeseteththa mala nenikka mernaas qeese gidana» giidi caaqqides; izi ba qofa laammenna.

ዬ ማጻፋ 21:4

Neni de7o izas immana mala nena woossides; nekka izas de7onne adussa layth immadasa.

ዬ ማጻፋ 21:5

Neni xoono immida gishshas izas bonchchoy darides; gitateththinne teema izas immadasa.

ኢሳያሳ ቲንቢቴ 11:10

He wode Isseye zereththi kawoteththatas malaata gidi eqqana; kawoteththati izakko yaana; iza shemposoy bonchchettana.

ኢሳያሳ ቲንቢቴ 22:24

Qeeri xaaroppe biidi baath gakkanaas soon diza miish ubbaa kocan kaqqiza mala iza aawa keeththa bonchcho ubbay naytappe biidi naa naa gakkanaas iza bolla qaaphettana» gides.

ኢሳያሳ ቲንቢቴ 54:10

Zumati qaaxxiko, zumbullati ba dizasoppe kichchikokka, nees diza ta siiqoy qaaxxenna; nenara ta caaqqida saroteththa qaalay laalettenna» gees nena maariza GODAY.

ኢሳያሳ ቲንቢቴ 9:5

Olanchchata caammay ubbay, suuththan moorettida may7o ubbayka taman dunne gidi eexxana.

ኢሳያሳ ቲንቢቴ 9:6

Hekko nuus nay yelettides! Attuma naykka nuus imettides! Halaqateththi iza hashe bolla gidana; iza sunththi, «Malalisiza zoranchcha, Wolqqama Xoossa, Mernaa Aawa, Saroteththa Halaqa» geetettana.

ኢሳያሳ ቲንቢቴ 9:7

Iza kawoteththa aakoteththaassinne iza saroteththaas zaway deenna; hachchife doommidi mernaa gakkanaas ba kawoteththaa, suure pirdaninne xilloteththan essana; lo7eththi oykkidi minththana; Dawite kawoteththa araatan izi uttana; deraa ubbaa haarana; Ubbaafe Wolqqama GODAA qanaatey hessa polana.

ኤርማሳ ቲንቢቴ 23:5

GODAY, «Tani Dawites xillo zare denththana wodey yaana; izi tumu pirdanne xilloteth ooththizaade, aadho erateththan haariza kawo gidana.

ኤርማሳ ቲንቢቴ 23:6

Iza kawoteththa layththan Yuhuday attana; Isra7eeleykka saron daana; iza sunththi, ‹GODAY Nuus Xilloteththa› geetettana.

ኤርማሳ ቲንቢቴ 33:15

«He gallassataninne he wodetan tani Dawite zareppe issi xillo hagga aacisana; izi he biittan suure pirdanne xilloteth ooththana.

ሚኪያሳ ቲንቢቴ 5:4

GODAA wolqqan GODAA ba Xoossa sunththa gitateththan minni eqqananne ba mehe izi heemmana; he wode iza wolqqateththay biitta gaxa gakkana gishshas asay giiga duus daana.

ዛካራሳ ቲንቢቴ 4:14

Izi qasseka, «Hayti nam7ati medheteththa ubbaa Goda sinththan ooththana tiyettida asata» gides.

ዛካራሳ ቲንቢቴ 4:9

«Zerubaabele kushey hayssa GODAA keeththas yochcha shuch woththides; iza kushey keexxi polana; hessafe guye Ubbaafe Wolqqama GODAY tana intteko kiittidayssa intte erana.

ዛካራሳ ቲንቢቴ 6:11

Istti immida birappenne worqqafe kallachcha medhdhada Iyosaadoqe naa qeeseta halaqa Iyaaso hu7en goxxa.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ቆላሲያሴ ኣሳስ 1:2

Qolasiyaasen diza Kirstoosan dummatidaytassinne ammanettida ishatas nu Aawaa Xoossaafe saroteththinne kiyateththi inttes gido.

Ibirawe 3:1

Hessa gishshas saloppe xeyssi inttena gakkiin ammaniza nu ishatoo! Nu ammanos Hawaarenne qeeseta halaqa gidida Yesusa qopite.

Ibirawe 6:20

He soozikka nu gishshas Yesusi kaseti gelidaso; izikka Malkexeedeqe shuumeteththaa mala mernaas qeeseta halaqa gidides.

1ጴጽሮሳ ኪታ 3:22

Izi pude salo biidi ha7i Xoossa achchan dees; kiitanchchatinne godateththi isttas diza wolqqamatikka izas haarettida.

ዮሃኒሳ ኣጁታ 3:21

Tani xoonada ta Aawara iza algan uttidayssaththo xoonidaadey tanara issife ta algan uttana mala ooththana.