ዛካራሳ ቲንቢቴ 14:8 - Geeshsha Maxaafa

⁸ He wode Yerusalaameppe de7o haaththi pulttana; izappe baggay arshey mokkiza baggan diza hayqo abban gelana; baggay qasse arshey wulliza baggara diza Mediteraane abban gelana; bone gidiin balgo gidiin layth kumeth pacey baynda goggishe de7ana.

ጋሞ ማጻፋ

⁸ ሄ ዎዴ ዬሩሳላሜፔ ዴኦ ሃ ፑልታና፤ ኢዛፔ ባጋይ ኣርሼይ ሞኪዛ ባጋን ዲዛ ሃይቆ ኣባን ጌላና፤ ባጋይ ቃሴ ኣርሼይ ዉሊዛ ባጋራ ዲዛ ሜዲቴራኔ ኣባን ጌላና፤ ቦኔ ጊዲን ባልጎ ጊዲን ላይ ኩሜ ፓጬይ ባይንዳ ጎጊሼ ዴኣና።

ዛካራሳ ቲንቢቴ 14:8 ပူးပေါင်းရင်းမြစ်များ

Siiqo Saba 4:15

Neni atakilte ushshiza pultto haaththa mala; de7o haaththi keziza olla mala; Libaanoose zuma garsafe goggiza shaafa haaththa mala» gides.

ኢሳያሳ ቲንቢቴ 35:7

Xuuggiza biittan eele haaththi kumana; mela biittati haath pulttana; worakanati aqiza ollan maatay, maqqaynne shaccay mokkana.

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ኢሳያሳ ቲንቢቴ 58:11

GODAY nena ubbatoo kaaleththana; away xuuggida biittan ne amo izi kunththana; ne meqeththatakka izi minththana. Neni haath alada atakiltesohonne mulekka to7ontta pultto mala gidana.

ኢዩኤሌ ቲንቢቴ 2:20

Pudehappe yaana olanchchata ta inttefe haassana; duge bazzo zaara gooddana; sinththati yizayta duge hayqo abban yeddana; guyera yizayta Mediteraane abban yeddana; heen istta ahay zeeqqana; tumappe tani GODAY gita miish ooththadis.

ኢዩኤሌ ቲንቢቴ 3:18

«He wode zumati wurikka woyne miththan kumana; zumbullan daro maaththa miizati heemettana; GODAA Keeththafe pulttoy pulttana; Yuhuda deren diza shaafata ubbaa haaththi kumana; Shiixime shoobbay haath kallana.

ሚኪያሳ ቲንቢቴ 4:2

Daro kawoteththati izakko yiidi, «Xoossa zumaakko haa yiite; Yaaqoobe Godaakko ane boos; nu iza ogera baana mala nuna izi ba oge tamaarsana» gida; wogay Xiyooneppe, Xoossa qaalay qasse Yerusalaameppe yaana.

ዛካራሳ ቲንቢቴ 14:4

He wode iza tohoy Yerusalaameppe arshey mokkiza baggara Dabrazayte zumaa bolla eqqana. Dabrazayte zumaykka arshey mokkizasoppe wullizaso gakkanaas nam7u kezi shaaketti wodhana; bagga zumay pudeha bagga, baggay dugeha bagga shaakettidi giddon wolqqama shoobbay medhettana.

ሉቃሳ ሚሺራቾ 24:47

Yerusalaameppe doommidi ubba deres nagarappe simoynne maaroteththi iza sunththan yootettana.

ዮሃኒሳ ሚሺራቾ 4:10

Yesusikka izis, «Xoossa imotaynne nena, ‹Tana haaththe ushsha› gizaadey izi oonakkonne ne erizaakko ne iza woossanaas bessees. Izikka nees de7o haaththe immanakkoshin» gides.

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ዮሃኒሳ ሚሺራቾ 5:4

Issi issi wode Godaa kiitanchchay haaththaan wodhdhidi haaththa qaaththees; haaththaa qaaththafe kaallidi koyrottidi haaththaan geliza harganchchay bana sakkiza ay hargefekka paxees.

ዮሃኒሳ ሚሺራቾ 7:38

Geeshsha Maxaafay gida mala tana ammanizaadefe de7o haaththa pulttoy pulttana» gides.

ዮሃኒሳ ኣጁታ 22:17

Xillo Ayanaynne iza mishiraya, «Haa ya!» geettes; hessa siyizaadeyka, «Ne haa ya!» go. Saamettidaadeyka haa yo; koyidaadey de7o haaththe aykko waagakka qanxxontta coo mela uyo.