ዛካራሳ ቲንቢቴ 14:5 - Geeshsha Maxaafa

⁵ Inttenikka Azeele gakkanaas zuma tani nam7u kessi shaakkida shoobbara baqatana; kase yuhuda kawo Ooziya wode biittay qaaxxiin beni intte aawati gangida mala intte gangana; hessafe guye GODAA ta Xoossay geeshshatara issife yaana.

ጋሞ ማጻፋ

⁵ ኢንቴኒካ ኣዜሌ ጋካናስ ዙማ ታኒ ናምኡ ኬሲ ሻኪዳ ሾባራ ባቃታና፤ ካሴ ዩሁዳ ካዎ ኦዚያ ዎዴ ቢታይ ቃጺን ቤኒ ኢንቴ ኣዋቲ ጋንጊዳ ማላ ኢንቴ ጋንጋና፤ ሄሳፌ ጉዬ ጎዳ ታ ጾሳይ ጌሻታራ ኢሲፌ ያና።

ዛካራሳ ቲንቢቴ 14:5 ပူးပေါင်းရင်းမြစ်များ

ዬ ማጻፋ 96:13

Ays giikko GODAY yaana; izi sa7a bollan pirdanaas yaana; izi ha sa7a bolla xilloteththan, asa bollaka tumateththan pirdana.

ዬ ማጻፋ 98:9

GODAY sa7a bollan pirdanaas yaana; izi ha sa7a bolla xilloteththan asa bollaka suureteththan pirdana.

ኢሳያሳ ቲንቢቴ 29:6

Ubbaafe Wolqqama GODAY dadan, biittaa qaaththan, gita cenggurssan, gote carkoninne wolqqama abba dambalan ubbaa miza tama lacon yaana.

ኢዩኤሌ ቲንቢቴ 3:11

Intteno yuuyi aadhdhanaas diza kawoteththatoo! Intte wurikka eeson kezite! Hirki shoobban issi bolla shiiqite. GODAWU, neni ne olanchchata kiita!

ኣሞጼ ቲንቢቴ 1:1

Ooziyay Yuhuda kawo; hessaththoka Iyo7aasa naa Iyorba7aamey Isra7eele kawo gidi dishin hessika biittay qaaxxanaappe nam7u layththafe sinththan Isra7eele gishshas Tequhen mehe heemmizayta giddofe Amoxey be7idi yootida qaalay hayssafe kaalli dizayssa;

ሚኪያሳ ቲንቢቴ 1:11

Intteno Shafiren dizaytoo may7oy baynda kallo Yeellatishe aadhdhite; Xa7inan dizayti heeppe kezettenna; Beeti-Ezeeley ceece bolla dawus; intteska gakki shempanaaso gidanaas dandayukku.

ዛካራሳ ቲንቢቴ 4:7

«Haysso gita zumazo ne aazee? Ne Zerubaabele sinththan tidhdhi gida demba gidana; qasse Zerubaabeley Xoossa Keeththa keexxi giigidi qustte shuchcha pude kessiza wode asay, ‹Hashshu hashshu lo7on polettides› gi sabbana» gees.

ታይቦ ማጻፋ 16:34

He heeran diza Isra7eele asay he asaa waaso siyidi, «Hayssi biittay nunakka mittontta aggenna!» gi waassishe baqatides.

Maatosa 16:27

Asa Nay ba Aawa bonchchoranne salo kiitanchchatara yaana; issaas issaas iza ooso mala izaade waaga immana.

Maatosa 24:3

Izi Dabrazayte geetettiza zumaa bolla utti dishin iza kaallizayti xalala izakko shiiqidi, «Ane nuus yoota; hayssi ne gizayssi ayde hananee? Ne yuussassinne wode wurseththas malatay aazee?» gi oychchida.

Maatosa 25:31

«Asa Nay ba kiitanchchata ubbaara bonchchon yiza wode ba bonchcho alga bolla uttana.

ሉቃሳ ሚሺራቾ 21:27

He wode Asa Nay wolqqara, gita bonchchoranne shaarara yishin beyana.

ዛሬ ማጻፋ 33:2

Musey, «GODAY Siina zumaappe yides; Eedoomeppe awa arshey nu bolla poo7ides; Paaraane zuma bollafekka nuus xolqides; izas ushachcha baggara tama lacoy dees; qooday baynda kiitanchchati izara issife deettes.

1ታሶሎንቄ ኣሳስ 3:13

Nu Godaa Yesus Kirstoosi geeshshata ubbatara yiza wode nu Aawaa Godaa Xoossaa sinththan intte wosoy bayndaytanne geeshshata gididi beettana mala intte wozina izi minththo.

2ታሶሎንቄ ኣሳስ 2:8

Hessafekka kaallidi Godaa Yesusi ba doona peenoninne ba bonchcho yuussaan dhayssana; makkallanchchay qonccana.

ያቆቤ ኪታ 5:8

Intteka hessaththo dandayte; intte wozina minththite; gaasoykka Godaa yuussa gallassi matides.

ዮሃኒሳ ኣጁታ 11:13

He saateyinka wolqqama biitta qaaththi handes; he katamaas tammaafe issi kushey laalettides; biitta qaaththaa gaason laappun shii derey hayqqides; hayqqontta attida asay gidikko daro babbidessinne salo Xoossaaka bonchchides.

ዮሃኒሳ ኣጁታ 20:11

Hessafe guye issi gita booththa alganne he algaa bolla uttidayssa beyadis; biittaynne saloy iza sinththafe baqatida shin istti biidi gelanasoy beettibeenna.

ዮሃኒሳ ኣጁታ 20:4

Hessafe guye tani algata beyadis; he algata bolla pirda pirdanaas godateththi isttas imettidayti uttidayta beyadis; qasseka Yesusa gishshas istti markkattida gishshassinne Xoossa qaalaa gishshas istta qoodhey qanxxettida asata shemppoka beyadis; heytantti do7azassinne iza mislezas goynnibeettenna; iza malataakka ba liiphe bolla gidiin ba kushe bolla woththonttayta; istti hayqoppe dendida Kirstoosara issife shii layth kawotida.