ዛካራሳ ቲንቢቴ 14:16 - Geeshsha Maxaafa

¹⁶ Hessafe guye Yerusalaame olana kezida kawoteththatappe hayqqontta attida ubbay Ubbaafe Wolqqama GODAAS goynnanaassinne daase ba7aale bonchchanaas layththan layththan Yerusalaamen shiiqana.

ጋሞ ማጻፋ

¹⁶ ሄሳፌ ጉዬ ዬሩሳላሜ ኦላና ኬዚዳ ካዎቴታፔ ሃይቆንታ ኣቲዳ ኡባይ ኡባፌ ዎልቃማ ጎዳስ ጎይናናሲኔ ዳሴ ባኣሌ ቦንቻናስ ላይን ላይን ዬሩሳላሜን ሺቃና።

ዛካራሳ ቲንቢቴ 14:16 ပူးပေါင်းရင်းမြစ်များ

2ታሪኬ ማጻፋ 8:13

Musey Yarsho gishshas azazida wogaa mala hach hach, Sambatan Sambatan, aginay doommida koyro gallassinne layththan bonchchettiza heedzdzu ba7aaletan heytikka Ukeththa Ba7aalen, Kaththa shiisho Ba7aaleninne Daase Ba7aalen GODAAS xuugettiza yarsho yarshides.

ኢዝራ ማጻፋ 3:4

Hessafe guye wogay azaziza mala daase ba7aale bonchchida. Issi issi gallassas bessiza yarshoka shiishshida.

ዬ ማጻፋ 66:4

Sa7an diza ubbay nees goynnees; nena sabbees; ne sunththas galata mazamure yexxees» giite.

ኢሳያሳ ቲንቢቴ 18:7

He wode GODAAS Ubbaafe Wolqqama Xoossaas adussanne liiqo asaappe, matappe haahoppe yayyiza dereppe, wolqqamanne iza qaalay erettontta dereppe, shaafati shaakki biza kawoteththafe imotay yaana; medheteththa GODAY dizaso pude Xiyoone zuma bolla yaana.

ኢሳያሳ ቲንቢቴ 19:21

GODAY bana Gibxetas qonccisana; isttika he gallas GODAA erana; yarshoninne kaththa yarshon iza goynnana. Istti GODAAS adinettana; ba adinettidayssaka gaththana.

ኢሳያሳ ቲንቢቴ 27:13

He gallas gita zayey punettana; Asooren di7ettidaytinne Gibxen un7ettidayti guye Yerusalaame simmi yiidi geeshsha zumaa bolla GODAAS goynnana.

ኢሳያሳ ቲንቢቴ 6:5

Histtiin tani, «Tani doonay tunida asa; qasse doonay tunida asata giddon de7ays; tani Kawoza, Ubbaafe Wolqqama GODAA Xoossa ta ayfen be7ida gishshas taas aayye ana! Ta dhayadis» gadis.

ኢሳያሳ ቲንቢቴ 66:23

Agina xeeroppe biidi hara aginay xeerana gakkanaas, issi Sambatappe biidi hara Sambata gakkanaas, as gidida ubbay taas goynnana yaana.

ኤርማሳ ቲንቢቴ 46:18

Iza sunththay GODAA Ubbaafe Wolqqama Xoossa geetettiza Kawoy, tani ta de7on caaqqays; zumata giddon diza Taaboore zuma misatizay, abba achchan diza Qarmeloose zuma misatiza issaadey yaanaas dees.

ኤርማሳ ቲንቢቴ 48:15

Be7ite Mo7aabe biittay dhayana; izi katamatikka worajjettana; doorettida izi yelaga naytikka shukettanaas duge wodhdhana; iza sunththay GODAY Ubbaafe Wolqqama Xoossay,

ኤርማሳ ቲንቢቴ 51:57

Izi shuumetanne aadho eranchchata izo haarizaytanne gita asata, izi olanchchata tani maththosana; istti mernaas ichchana; simmidikka beeggettenna» gees iza sunththi GODAA Ubbaafe Wolqqama Xoossaa geetettiza kawoy.

ሆሴኤ ቲንቢቴ 12:9

«Inttena Gibxe biittafe kessida GODAA intte Xoossay tana; layththa ba7aale gallas kase intte ooththiza mala intte intte dunkaanen daana mala ta ooththana.

ኢዩኤሌ ቲንቢቴ 2:32

GODAA sunth xeygizay wurikka attana; GODAY kase yootida mala Xiyoone zuma bollafenne Yerusalaameppe atoteththi beettana; attanayta garsan GODAY xeygidayti daana» gides.

ሚኪያሳ ቲንቢቴ 4:2

Daro kawoteththati izakko yiidi, «Xoossa zumaakko haa yiite; Yaaqoobe Godaakko ane boos; nu iza ogera baana mala nuna izi ba oge tamaarsana» gida; wogay Xiyooneppe, Xoossa qaalay qasse Yerusalaameppe yaana.

ዛካራሳ ቲንቢቴ 14:9

He wode GODAY biitta ubbaa bolla kawotana; he wode GODAY issaa xalla; iza sunththayka issaa gidana.

ዛካራሳ ቲንቢቴ 9:7

Tani istta doonappe suuth, istta gacoppe montta mala digettida kath diggana; hankko attidayti ta dere gidana; Yuhuda biittan halaqatana; Aqaroone asaykka Yaabuse asa mala gidana.

ሚልካሳ ቲንቢቴ 1:14

«Dorsata garsan lo7o dharshoy dizayssa immanaas adinettidi qasse baleththon iza bolla wosoy diza mehe Godaas yarsho shiishshizaadey qanggetto; ta gita kawo; ta sunththika dere kumeththi babbanaas bessiza sunththa» gees Ubbaafe Wolqqama GODAA Xoossay.

ዮሃኒሳ ሚሺራቾ 1:49

Natina7eeley, «Astamaaree! Ne Xoossa naa; Ne Isra7eele kawo» gides.

ዮሃኒሳ ሚሺራቾ 7:2

He wode Ayhudata daase ba7aaley mati uttides.

ሃዋሬታ ኦሶ 15:17

Hessika attida asay Godaa koyana malanne ta sunththaan xeygettida Ayzaabeti tana koyana mala gees ubbaa ooththida Xoossay.

ኦሮሜ ኣሳስ 11:16

Koyro bukeesoy lo7o gidikko hankko izappe oosettizayssi wurikka lo7o gidees; hessaththoka issi miththa xaphoy lo7o gidikko hankko iza bolla diza haggatikka lo7o gideettes.

ኦሮሜ ኣሳስ 11:26

Hessa gishshas Isra7eele nayti wurikka attana. «Ashshizaadey Xiyooneppe yaana; Yaaqoobeppeka iitateth diggana.

ኦሮሜ ኣሳስ 11:5

Hessa malakka ha7i ha wodezankka Xoossa kiyateththan Isra7eele asaappe dooretti attida guuththati deettes.

ዮሃኒሳ ኣጁታ 11:13

He saateyinka wolqqama biitta qaaththi handes; he katamaas tammaafe issi kushey laalettides; biitta qaaththaa gaason laappun shii derey hayqqides; hayqqontta attida asay gidikko daro babbidessinne salo Xoossaaka bonchchides.

ዮሃኒሳ ኣጁታ 19:16

Iza may7o bollanne iza wodira bolla, «Izi kawotas kawo, godatas Godaa» giza sunththi xaafetti dees.