ዛካራሳ ቲንቢቴ 14:11 - Geeshsha Maxaafa

¹¹ Yerusalaamey daro asi daanaso gidana; hessafe guye iza dhayukku; izin diza derey hirgay baynda woppan daana.

ጋሞ ማጻፋ

¹¹ ዬሩሳላሜይ ዳሮ ኣሲ ዳናሶ ጊዳና፤ ሄሳፌ ጉዬ ኢዛ ዩኩ፤ ኢዚን ዲዛ ዴሬይ ሂርጋይ ባይንዳ ዎፓን ዳና።

ዛካራሳ ቲንቢቴ 14:11 ပူးပေါင်းရင်းမြစ်များ

ኢሳያሳ ቲንቢቴ 26:1

He gallas ha yeththay Yuhuda biittan yexettana. Nuus mino katamay dees; Xoossi iza gimbetanne miixata atoteththas ooththides.

ኢሳያሳ ቲንቢቴ 60:18

Hayssafe guye ne biittan shiroy, ne zawankka laaleteththinne bashshi siyettenna. Gido attiin ne dirsaa gimbe atoteththi, ne pengetakka galata gaada ne xeygana.

ኢሳያሳ ቲንቢቴ 66:22

GODAY, «Tani medhdhana ooraththa salotinne ooraththa sa7ay ta sinththan minni daanayssaththo intte sunththinne intte zereththa sunththi hessaththo minni daana.

ኤርማሳ ቲንቢቴ 31:40

Ahaynne bidinththi yegettiza shoobba ubbay arshey mokkiza Qediroone shoobbara biidi Para Penge gakkanaas diza tidhdhi gida dembay ubbay GODAAS dummatidaaz gidana; hessafe guye he katamaya shodettukunne laalettuku» gees.

ኤርማሳ ቲንቢቴ 32:37

«Ta mino hanqoninne gita boshan ta istta goodda yeddida biitta ubbaafe shiishshana; histtada hasoho zaara ehada saroteththan ta istta woththana.

ሂዚቄላ ቲንቢቴ 37:26

Tani isttara Saroteththa caaqo qaala gelana; he caaqo qaalaykka mernaas gidana. Tani istta minththana; corissana; ta Keeththaaka istta giddon mernaas woththana.

ኢዩኤሌ ቲንቢቴ 3:17

«Isra7eele asawu! He wode tani GODAA intte Xoossa gididayssa intte erana; tani geesh gidida ta zuma Xiyoone bolla de7ana; Yerusalaamey anjjettida katama gidana; hessafe guye hara allaga wottadaray izo worajjenna.

ኢዩኤሌ ቲንቢቴ 3:20

Hessa gakkanawu tani halo kessontta aggida xillota suuththa gishshas halo kessana; Yuhudaynne Yerusalaamey qasse mernaas ta derey de7izaso gidana; tanikka Xoossay Xiyoone zuma bolla de7ana» gides.

ኣሞጼ ቲንቢቴ 9:15

Ta dere Isra7eele asaa tani kase istta biittan zaarada tokkana; tani isttas immida biittafe istti nam7anththo dhoqalletti dhayettenna» gees GODAY salo Xoossay.

ዛካራሳ ቲንቢቴ 12:6

«Ta he gallas Yuhuda kaaleththizayta doore miththa giddon diza tama cooce kessana; kaththa mirqqe giddon diza xomppe laco kessana; istti baappe hadirsaranne ushachchara yuuyi aadhdhi diza dereta xuuggana; Yerusalaamey gidikko ba dizasoppe mulekka qaaxxuku.

ዛካራሳ ቲንቢቴ 2:4

Histtidi izas, «Woxxa baada hessa naateththa addezas, ‹Yerusalaamey izin diza asa daroteththafenne mehe daroteththafe dendoyssan katamaa yuushon gimbe dirsa koshshenna.

ዛካራሳ ቲንቢቴ 8:13

Yuhuda derenne Isra7eele dere asatoo! Intte kase kawoteththata giddon qanggettida dere mala qoodettideta; ha7i gidikko ta inttena ashshana; intteka anjjos gidana; hessa gishshas babbofte; minnite.

ዛካራሳ ቲንቢቴ 8:4

Ubbaafe Wolqqama GODAY, «Adde cimatinne macca cimati kase mala Yerusalaame dubbushan uttana; isttafe issoy issoy cimateththa gaason guufe oykkidi hemettana.

ዛካራሳ ቲንቢቴ 8:8

Istti Yerusalaamen de7ana mala ta istta zaara haa ehana; isttika ta dereta gidana; tanikka xilloteththaninne ammaneteththan istta Xoossa gidana» gees.

ታይቦ ማጻፋ 21:3

GODAY istta woosa siyidi maaddida gishshas istti Kanaane asaa xooni oykkida; hessa gishshas Isra7eele asay isttanne istta katama mulera dippi histti dhayssida; istti wuri wuridayssa eranaas hessa he gadeza, «Horma» gi sunththida.

ዛሬ ማጻፋ 33:28

Hessa gishshas Isra7eele asay Saloppe iray izin bukkiza biittayn, kaththinne woyne ushshi izin kumida biittayn hirgay baynda saron de7ana.

ዮሃኒሳ ኣጁታ 21:4

Izi istta ayfeppe afunth ubbaa quccana; kase wogay aadhdhida gishshas hayqoy woykko muuzoteththi woykko yeehoy woykko waayey hayssafe guye deenna» giza gita qaalay kezishin tani siyadis.

ዮሃኒሳ ኣጁታ 22:3

Hessafe guye qanggeththi mulekka deenna; Xoossa algaynne Dorsaza algay he katamayn daana; iza oosanchchati izas goynnana.