ዛካራሳ ቲንቢቴ 11:8 - Geeshsha Maxaafa

⁸ Issi agina giddon mehe heemmiza heedzdzata diggadis; isttika tana ixxida gishshas tanikka istta salettadis.

ጋሞ ማጻፋ

⁸ ኢሲ ኣጊና ጊዶን ሜሄ ሄሚዛ ሄታ ዲጋዲስ፤ ኢስቲካ ታና ኢጺዳ ጊሻስ ታኒካ ኢስታ ሳሌታዲስ።

ዛካራሳ ቲንቢቴ 11:8 ပူးပေါင်းရင်းမြစ်များ

1ካዎታ ማጻፋ 11:25

Hadaadey gaththida metoza bolla gujjidi Solomooney de7ida layth ubbaan Erazooney Isra7eeletas morkke gidides; Erazooney Aaraamen kawotidi Isra7eeletara eqettides.

ዬ ማጻፋ 106:40

Hessa gishshas GODAA hanqoy iza asaa bolla eexxi ke7ides; izi bayta harassettides.

ዬ ማጻፋ 5:5

Ceeqettizayti ne sinththan eqqettenna; iita miish ooththiza ubbata neni ixxaasa.

ዬ ማጻፋ 78:9

Efreeme nayti olas wondafenne yiish giigsi kezida; gido attiin ola gallas guye simmida.

ኢሳያሳ ቲንቢቴ 49:7

Kadhettidayssassinne kawoteththan ixettidayssas, dere haarizayta ashkara gidida nees, GODAY, Isra7eele ashshiza Geeshshay, «Kawoti nena be7idi dendi eqqana; kawo nayti nena be7idi nees ziggana; gaasoykka nena doorida GODAY, Isra7eele Geeshshay ammanettidaade» gees.

ኤርማሳ ቲንቢቴ 12:8

Ta xinxxoya wora giddon diza gaammo mala ta bolla dendadus; ta bollaka xaaggadus; hessa gishshas tani izo ixxadis.

ኤርማሳ ቲንቢቴ 14:21

Nuna ne sunththaa gishshas gaada kadhopparkkii! Ne bonchcho araata kawushshofa. Neni nunara caaqettida caaqoza qoppa; ne caaqqida qaala mooppa.

ኤርማሳ ቲንቢቴ 6:30

GODAY istta kadhida gishshas istti kadhettida bira geetetti xeygettana» gees.

ሂዚቄላ ቲንቢቴ 14:5

Bantta eeqa xoossata gaason taappe shaakettida Isra7eele asaa ubbaa wozina haa taakko zaaranaas ta hessa ooththana› gees.

ሂዚቄላ ቲንቢቴ 16:45

Tumu neni ba azinaanne ba nayta shaatettiza ne aayey naa; neni bantta azinatanne bantta nayta shaatettiza ne michcheta mala. Intte aaya Hiite biitta asa; intte aaway qasse Amoore biitta asa.

ሆሴኤ ቲንቢቴ 4:6

Ta derezas erateththi paccida gishshas dhaydes. Intte tana eranaas koyontta gishshas tanikka intte taas qeeseta gidi ooththana mala koykke. Intte ta woga balettida gishshas tanikka intte nayta balana.

ሆሴኤ ቲንቢቴ 5:7

Istti eeqa xoossatas goynniza gishshas GODAAS ammanettibeettenna; istti layman nayta yelida. Hessa gishshas istti agina xeeron bonchchiza ba7aaley isttanne istta nayta issife dhayssana.

ሆሴኤ ቲንቢቴ 9:15

«Istti Gelgelan ooththida iitateththaa gaason ta istta ixxadis; istti ooththida iita ooso gishshas ta keeththafe ta istta gooddana; hayssafe guyekka ta istta dosikke; istta kaaleththizayti ubbay makkallanchchata.

ሌዌታ ማጻፋ 26:11

Tani intte giddon deyana; ta inttena shaatettike.

ሌዌታ ማጻፋ 26:30

Dhoqqasohon diza intte goynniza eeqa xoossata tani dhayssana; intte exaane yarsho izan shiishshizasoza ta laallana; intte ahaa intte eeqata bolla ta yeggana; ta shemppiya inttena shaatettana.

ሌዌታ ማጻፋ 26:44

Gidikkoka istti ba morkketa deren diza wode istta mulera dhayssike gaada ta caaqqida qaalaa mabeekke; ta inttena aggaagikke; ta inttena harassetike; tani GODAA intte Xoossaa.

ሉቃሳ ሚሺራቾ 12:50

Gido attiin tani xammaqettana xinqatay dees; he xinqatay polettanaashe tani keeha metotettadis.

ሉቃሳ ሚሺራቾ 19:14

«He dere asati qasse iza ixxida gishshas, ‹Hayssi addezi nu bolla kawotana mala koyokko› giidi as iza geedora kiita aaththi yeddida.

ዮሃኒሳ ሚሺራቾ 15:18

«Kaaleththidikka Yesusi inttena alamey ixxiko inttefe kase tana ixxidayssa erite.

ዮሃኒሳ ሚሺራቾ 7:7

Derey inttena ixxana dandayenna; tana gidikko ixxees; gaasoykka tani alame oosoy iita gididayssa izas markkattiza gishshassa.

ዛሬ ማጻፋ 32:19

«GODAY hessa be7idi istta bolla hanqettides; istta macca naytanne istta attuma nayta diggides.

Ibirawe 10:38

xillo asi gidikko ammanon de7o demmana; guye undudizaadey diikko ta shemppoya izaade bolla ufayettuku.