ዛካራሳ ቲንቢቴ 10:2 - Geeshsha Maxaafa

² Eeqa xoossati baleththo yo7o yooteettes; Maroti wordo ajjuuta beyeettes; kaayizayti wordo agumo agumetteettes; asakka coo hada yo7on minththeththeettes; hessa gishshas derey heemmizaadey baynda dorsa mala coo mela toylattishe qohettides.

ጋሞ ማጻፋ

² ኤቃ ጾሳቲ ባሌ ዮኦ ዮቴቴስ፤ ማሮቲ ዎርዶ ኣጁታ ቤዬቴስ፤ ካዪዛይቲ ዎርዶ ኣጉሞ ኣጉሜቴቴስ፤ ኣሳካ ጮ ሃዳ ዮኦን ሚንቴስ፤ ሄሳ ጊሻስ ዴሬይ ሄሚዛዴይ ባይንዳ ዶርሳ ማላ ጮ ሜላ ቶይላቲሼ ቆሄቲዴስ።

ዛካራሳ ቲንቢቴ 10:2 ပူးပေါင်းရင်းမြစ်များ

ሜቴ ማጻፋ 31:19

Laabay ba dorsata iskeza qanxxanaas bichchidaashe Eraheela ba aawa eeqa misleta kaysadus.

1ካዎታ ማጻፋ 22:17

Mikiyaasi, «Isra7eele olanchchati ubbay heenththanchchay baynda dorsata mala laaletti dishin be7adis. GODAY isttas, ‹Hayssa deraas goday baawa. Istti ubbayka bantta soo bantta soo saron betto› gees» gides.

ኢዮቤ ማጻፋ 13:4

Intte gidikko wordon kumideta; oonakka paththanawu dandayontta aakimeta mala.

ኢዮቤ ማጻፋ 21:34

«Histtiin intte hada gidida yo7ora tana minththeththanaas ays qoppeetii? Intte taas immiza zaaroti ubbay wordo.»

ኢሳያሳ ቲንቢቴ 41:29

Be7ite istti ubbayka hada; istta oososka go7ay deenna; istta misletikka aykkoy baynda carko mala» gees.

ኢሳያሳ ቲንቢቴ 44:25

Tani wordo nabeta malata hada ooththana; bitizaytakka eeya kessana. Tani aadho eranchchata shira yeggana; istta erateththaaka hada ooththana.

ኢሳያሳ ቲንቢቴ 44:9

Eeqa misleta medhdhizayti ubbati hada; misleta isttafe ooththiza miishshatikka hada; isttas yootizaytikka qooqe; Isttas erateththi deenna; istti yeellatana.

ኢሳያሳ ቲንቢቴ 46:5

«Tana oonara giniseetii? Tana oonara likkiseetii? Nuni issino misatana mala tana oonara geeddareetii?

ኤርማሳ ቲንቢቴ 10:8

Hada gidida miththafe masettida eeqa xoossatappe timirte tamaarza ubbay eeyanne damma.

ኤርማሳ ቲንቢቴ 14:13

Histtiin tani, «Abeet Ubbaafe wolqqama GODAWU! Aayye ana! Nabeti isttas, ‹Intte ola be7ekketa woykko koshay inttena demmenna; tani inttes wurseth gakkanaas saroteth immana› geettes» gadis.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኤርማሳ ቲንቢቴ 23:17

Tana kadhizayta isttas, ‹GODAY inttes saro gidana gides› geettes; bantta wozina muumeteththa kaallizayta ubbaa isttas, ‹Iita miishshi inttena gakkenna› geettes.

ኤርማሳ ቲንቢቴ 23:32

GODAY, «Tani wordo agumo kaallidi tinbite yootiza nabetara eqettays; ta kiittontta dishin woykko ta shuumontta dishin xalateththan wordo yo7o yooteettes; ta derezakka baleththeettes; hayssa ha dereza aykkoka go7ettenna» gees.

ኤርማሳ ቲንቢቴ 27:10

Gaasoykka intte intte biittafe shodettana mala, ta inttena gooddana malanne dhayssana mala istti inttes wordo tinbite yooteettes.

ኤርማሳ ቲንቢቴ 27:14

Wordo nabeti inttes, ‹Intte Baabiloone kawos haaretteketa› giza wordo tinbite siyopite.

ኤርማሳ ቲንቢቴ 27:9

Hessa gishshas inttena, ‹Baabiloone kawos haaretteketa› giza intte nabeta, muurennizayta, agumo agumettizayta, moytille xeygizayta siyopite.

ኤርማሳ ቲንቢቴ 28:15

Hessafe guye nabe Ermaasi nabe Hanaaniyas, «Hanaaniya siya! GODAY nena kiittibeenna; gido attiin neni ha asay wordo miishshan ammanettana mala ooththadasa.

ኤርማሳ ቲንቢቴ 29:8

Tumukka Ubbaafe Wolqqama GODAA Isra7eele Xoossay, ‹Intte giddon diza nabetinne maroti inttena baleththofetto; istti intte gishshas agumettiza agumo siyopite.

ኤርማሳ ቲንቢቴ 37:19

‹Ane Baabiloone kawoy inttenanne ha biittayo yiidi olenna› giidi inttes tinbite yootida nabeti ha7i awan dizoo?

ኤርማሳ ቲንቢቴ 50:17

«Isra7eeley gaammoy gooddidi laallida wude mala gidides; koyro Asoore kawoy puuzerethi mides; guyeppe Baabiloone kawo Nabukadanaxoorey meqeththaa dhoggides» gees GODAY.

ኤርማሳ ቲንቢቴ 51:23

Nenan heenththanchchatanne wudeta menththereththadis; goshshanchchatanne boorata menththereththadis; dere haarizaytanne shuumeta menththereththadis» gees.

ኤርማሳ ቲንቢቴ 6:14

Istti ta deraa madunththaa qeeri miishsha mala xeellida; paxana mala koshshiza ooso ooththibeettenna; Saroy baynda, ‹Saro; saro› geettes.

ኤርማሳ ቲንቢቴ 8:11

Istti ta dereza madunththaa qeeri miishshan qoodidi maaddontta dhale immeettes; saroy baynda, ‹Saro, saro› geettes.

ኤርማሳ ዚላስ 2:14

Ne nabeta ajjuutay wordonne coo hada; ne nagara qonccisidi nena di7eteththafe ashshettenna; istti nees yootiza tinbitey baleththizaazinne ogeppe kare kessizaaza.

ሂዚቄላ ቲንቢቴ 21:21

Baabiloone kawozi ba baanaaso maroththi demmanaas daggala ogetan eqqana; ba wondafeta qaaseththidi saama yeggana; ba eeqa xoossatakka zore oychchana; tire micci xeellana.

ሂዚቄላ ቲንቢቴ 21:29

Ne gishshas be7ida wordo ajjuutay, nees yootettida muurennoy diikkoka, isttas gene xuu7ay kumishin, istta barey gakkishin siifettana bessiza iitata qoodhe bolla wodhdhana.

ሂዚቄላ ቲንቢቴ 34:5

Wudeti heenththanchchay baynda gishshas laalettida; laalettidayti wora do7atas quma gidida.

ሂዚቄላ ቲንቢቴ 34:8

Ubbaa Haariza GODAY, ‹Tani de7o Xoos gididayssan caaqqays!› gees; ta heenththanchchati ta wudeza koyontta gishshassinne ta wudezappe aaththidi banttana xeelliza gishshas ta wudey heenththanchchay dhayiin bonqqettidessinne do7a ubbaas quma gidides.

ሆሴኤ ቲንቢቴ 3:4

Hessaththoka Isra7eele asay kawoy baynda woykko kaaleththizaadey baynda, yarshoy baynda woykko eeqa xoossata hawultey baynda, qeeseteththa may7oy baynda woykko eeqa xoossata misley baynda daro wode de7ana.

ሚኪያሳ ቲንቢቴ 2:12

«Yaaqoobe! Tumappe ta inttena issiso shiishshana; Isra7eeletappe attidayta ta issi bolla ehana; yire giddon diza mehe malanne demban heemettiza mehe mala tani inttena issi bolla shiishshana; intte derey wuri as xalla gidana.

ኢምባቆ ቲንቢቴ 2:18

«Asa kushey massi giigsida eeqanne wordo haasayza misles ay go7ay dizee? Histtiin iza ooththidaadey barkka ba ooson ammanettiza gishshassinne isttika haasayanaas dandayontta eeqa ooththiza gishshassa.

ዛካራሳ ቲንቢቴ 11:17

Wudeza yeggi aggiza go7ay baynda heenththanchchas aayye ana! «Iza ushachcha ayfenne iza qese mashshay caddo; iza qesey silo; iza ushachcha ayfeykka qilch gi qooqo» gides.

ታይቦ ማጻፋ 27:17

gaasoykka hayssa ne derezi heemmizay baynda wude mala gidontta mala izi deraa kessizaadenne gelththizaade, derezakka kaaleththizaade gidana.»

Maatosa 9:36

Asay wuri heemmizaadey baynda dorsa mala keehi metotettidi xeellizay bayndaade gididayssa be7ida wode isttas daro mishettides.

ማርቆሳ ሚሺራቾ 6:34

Yesusi wogolozappe wodhdhiza wode daro derey shiiqi uttidayssa be7ides. Heemmizaadey baynda mehe mala gidida gishshas asaas qadhettides; daro yo7okka tamaarso oykkides.

ዛሬ ማጻፋ 13:2

izi yootida gita malataynne malalisiza miish ubbay tumukka polettiin izi inttena, «Ane intte erontta hara xoossatas goynnoos» giikko,

ዳናታ ማጻፋ 18:14

Laysha biitta xomosanaas bida ichchashu asati bantta ishatas, «Ha keeththatappe issaan eefude, terafime, miththafe masettida mislenne seerisi medhdhida eeqa xoossi dizayssa ereetii? Histtiko nu ay ooththanaas bessizaakko ane qopite» gida.