ዛካራሳ ቲንቢቴ 10:1 - Geeshsha Maxaafa

¹ GODAY inttes assura ira immana mala woossite. Ira shaara kiittizay GODAA; izi ubbaa asas gidiza ira immees; issaas issaas tokkanaas dooza immees.

ጋሞ ማጻፋ

¹ ጎዳይ ኢንቴስ ኣሱራ ኢራ ኢማና ማላ ዎሲቴ። ኢራ ሻራ ኪቲዛይ ጎዳ፤ ኢዚ ኡባ ኣሳስ ጊዲዛ ኢራ ኢሜስ፤ ኢሳስ ኢሳስ ቶካናስ ዶዛ ኢሜስ።

ዛካራሳ ቲንቢቴ 10:1 ပူးပေါင်းရင်းမြစ်များ

1ካዎታ ማጻፋ 17:1

Gala7aaden Tesibe geetettizasoppe yida nabe Eelaasi kawo Akaabes, «Tani izas ooththiza GODAA Isra7eele Xoossay beyiin hayssafe yaana layththatan tani yootontta dishin sa7an iray bukkenna woykko xaazaykka xaazatenna» gides.

ኢዮቤ ማጻፋ 29:23

Goshshanchchay badhdhesa ira demmanawu amottizayssa mala isttika ta haasaya siyanawu bantta doona doydi naageetteskoshin.

ዬ ማጻፋ 104:13

Neni gita zumata bollan saloppe ira bukisaasa; biittaaka ne kushe ooso ayfen kunththadasa.

ዬ ማጻፋ 135:7

Kareththa shaara sa7a gaxappe izi denththees; izi irara wolqqanth kiittees; ba minjji woththidasoppe carko kessi yeddees.

ዬ ማጻፋ 65:9

Neni biitta naagada haath ushshaasa; histtada daro duresaasa; Asas kaththay mokkana mala Xoossa shaafay haaththan kumides; hessaththo ooththada neni giigsadasa.

ዬ ማጻፋ 72:6

Kawoy shooqan bukkiza ira malanne gade kalssiza puuse ira mala gidana.

ሌሚሶ ማጻፋ 16:15

Kawoy pashki gishin de7oy dees; izas kiyateththi ira tookkida badhdhesa shaara mala.

ኢሳያሳ ቲንቢቴ 30:23

Ne zerida kaththas izi ira immana; biittafe mokkida kaththay muurutanne daro gidana. He wode intte mehey aaho demban heemettana.

ኢሳያሳ ቲንቢቴ 44:3

Tani saamettida biittan haath gussana; mela biittankka shaafa gogisana. Tani ta Ayana ne zereththa bolla, ta anjjo nees naa naa bolla gussana.

ኢሳያሳ ቲንቢቴ 5:6

Tani he sohoza mago biitta ooththana. He turay xunqqettenanne bul7ettenna; Histtiin kindichchoynne agunththi izan mokkana. Iray izan bukkontta mala, tani shaarata azazana» gides.

ኤርማሳ ቲንቢቴ 10:13

Izi guummiza wode, salon diza ubbay qaaxxees. Izi shaara sa7a gaxappe pude denththees. Izi irara dada yeddees; carkoka ba minjjasoppe kessees.

ኤርማሳ ቲንቢቴ 14:22

Kawoteththata eeqa xoossati ira bukisana dandayzoo? Saloti ba shenen puuse duge yeddanaas dandayzoo? Dandayettenna; Abeet nu GODAWU! Hessa ubbaa ooththana dandayzay nena; hessa gishshas nuni nenan hidota ooththoos.

ኤርማሳ ቲንቢቴ 5:24

Istti bantta wozinan, ‹Nuus sila iranne gabba ira woden woden bukissiza, kaththa shiishsho wode nuus wodera ehiza GODAA nu Xoossaas ane yayyoos› gibeettenna.

ኤርማሳ ቲንቢቴ 51:16

Izi ba cenggurssa sissiza wode salon diza haaththati guummeettes; shaarata izi sa7a gaxappe ehees; irara wolqqanth kiittees; ba minjjasohoppeka carko kiittees.

ሂዚቄላ ቲንቢቴ 34:26

Istta yuushoninne ta zumbullata yuushon dizasohota ta anjjana. Woden woden ta isttas ira immana; izikka isttas anjjo ira gidana.

ሂዚቄላ ቲንቢቴ 36:37

«Ubbaa Haariza GODAY, ‹Qasseka Isra7eele asaa woosa ta ero ga siyana; izakka ta isttas polana; histtada istta qooda wude mala corasana.

ሆሴኤ ቲንቢቴ 10:12

GODAY yiidi xilloteth intte bolla ira mala bukisana gakkanaas hanna intte iza koyza wode gidida gishshas oththaa goyite; inttes xilloteth zerite; mino siiqo ayfe maxite.

ሆሴኤ ቲንቢቴ 6:3

Ane nuni GODAA eroos! Nu iza lo7eththi eranaas ane minettoos! Izi wontta poo7o mala nuus qonccana; biitta kalssiza assura ira malanne balgo ira mala izi nuukko yaana» gees.

ኣሞጼ ቲንቢቴ 4:7

Intte kaththay gakkanaappe buro heedzdzu aginay dishin sinththata ta inttes iray bukkontta mala diggadis; issi kataman bukkishin hara kataman bukkontta mala diggadis; issi gaden bukkishin hankko issaa gaden iray dhayiin melides.

ሚኪያሳ ቲንቢቴ 5:7

Yaaqoobe zereththafe attidayti daro dere giddon Xoossa achchafe wodhdhiza ira mala maata bolla loddara puusishe biitta kaaleththiza puuse ira mala asappe aykkoka koyontta asa gidana.

ዮሃኒሳ ሚሺራቾ 16:23

«Intte he wode taappe aykkoka woosseketa; ta inttes tumu gays; ta sunththan ta aawaa woossiko izi inttes ubbaaka immana.

1ቆሮንቶሴ ኣሳስ 3:6

Ta tokkadis; Aphiloosi haaththe ushshides; dichchiday gidikko Xoossa.

ዛሬ ማጻፋ 28:23

Neeppe bollara ne ginan de7iza saloy xarqimala gidana; ne biittayka birata mala gidana.

ያቆቤ ኪታ 5:7

Hessa gishshas ta ishatoo! Goday haa yaana gakkanaas dandayte; goshshe goyizaadey biittay lo7o kaththi kaxxana gakkanaas waani dandayzaakko koyro iranne wurseththa ira izi wostti naagizaakko ane akeekite.