Siiqo Saba 4:3 - Geeshsha Maxaafa

³ Ne metershati zo7o qacina mala lo7eettes; ne haasayza wode keehi ufaysseettes; ne shagalati ayfeso kammiza quraace giddora xeelliza wode oroomaane nam7u kessi phalqidaa misateettes.

ጋሞ ማጻፋ

³ ኔ ሜቴርሻቲ ዞኦ ቃጪና ማላ ሎኤቴስ፤ ኔ ሃሳይዛ ዎዴ ኬሂ ኡፋይሴቴስ፤ ኔ ሻጋላቲ ኣይፌሶ ካሚዛ ቁራጬ ጊዶራ ጼሊዛ ዎዴ ኦሮማኔ ናምኡ ኬሲ ጳልቂዳ ሚሳቴቴስ።

Siiqo Saba 4:3 ပူးပေါင်းရင်းမြစ်များ

ሜቴ ማጻፋ 32:10

neni ne ayllezas ooththida kiyateththaassinne ammaneteththaas ubbaas tani bessontta asa. Tani haa Yordaanoose shaafa pinniza wode taas issi guufeyppe attiin kushen haray deenna; gido attiin ha7i tani nam7u cuga dere gidadis.

ኢዝራ ማጻፋ 9:6

«Ta Xoossawu! Nu nagaray nuuppe daro gididayssaninne nu mooroy salo gakkidayssa gishshas tani neekko pude dhoqqu gaada xeellanawu babbayssinne yeellatays.

ዬ ማጻፋ 119:13

Ne doonappe keziza maara ubbaa tani ta inxarsan yootays.

ዬ ማጻፋ 37:30

Xillo asa doonay aadho erateth yootees; iza inxarsika xillo haasayees.

ዬ ማጻፋ 45:2

Asa ubbaafe neni keeha lo7aasa; ne puulan kumida qaala haasayaasa; hessa gishshas Xoossi nena mernaas anjjides.

ሌሚሶ ማጻፋ 10:13

Wozinama asay aadho eran haasayees; eeya zokkon gidikko xam7ay meqqees.

ሌሚሶ ማጻፋ 31:26

Aadho eran iza haasayawus; izi inxarsafe suure zorey ke7ees.

Siiqo Saba 1:5

«Intteno Yerusalaame maccassatoo, siyite! Tani kareth gidikkoka mala lo7o. Ta kareththateththay Qeedaare dunkaane mala; gido attiin ta medhay kawo Solomoone keeththa magalashata mala.

Siiqo Saba 4:11

Ta mishirayee! Ne metershara eessa ililoy xokkees. Ne doonappe eessinne maaththi pulttees; ne may7o sawoy Libaanoose shitto mala sawees.

Siiqo Saba 5:13

Iza shagalati mal7iza sawo maatata mala; dumma dumma qimameti tokettida atakilteso misateettes; iza metershati karbbe shittoy xokkiza suufe ciishsha mala lo7eettes.

Siiqo Saba 5:16

Iza qaalay eessa mala mal7ees; iza bollay mulera kayshees; Intteno Yerusalaame geela7otoo, ta siiqozinne ta laggezi hayssa misatees» gadus.

Siiqo Saba 6:7

Ne shagalati ayfeso kammiza quraace giddora xeelliza wode oroomaane nam7u kessi phalqidaa misateettes.

Siiqo Saba 7:9

Ne metershati eessa ililo mala mal7eettes» gides. «Histtiko he lo7o ililoy ta siiqoza metershata giddoranne achchata giddora duge wololu gi goggo.

ሂዚቄላ ቲንቢቴ 16:63

Tani ne ooththida mooro ubbaa atto gida wode ne qohoy ne wozinan karppi gi geliza wode ne yeellatana; ne kawushshateththafe dendidayssan ne doona mulekka doyakka» gides.

ሌዌታ ማጻፋ 14:4

qeesezi paxa diza nam7u geeshsha kafotanne ziga mith, zo7o xilata, hisophphe miththa hayth gujji ekki yaana mala azazo.

ሌዌታ ማጻፋ 14:6

Hankko paxa diza kafoza efidi ziga miththara, zo7o xilataranne hisophphe miththa bonccora issife gaththi kase shukettida kafoza suuththan gelththi kesso.

ታይቦ ማጻፋ 19:6

Qeesezi Libaanoose ziga, hisophphenne zo7o qacina ekkidi ussaya xuugettiza tamazan yeggo.

ታይቦ ማጻፋ 4:8

Hessa ubbaa zo7o carqqan kammidi bollara qaacettida galba mayzetto; isttan tookkiza tooho miththata qalabate lukozan gelththetto.

Maatosa 12:35

«Lo7o asi ba wozinan kunththi woththida lo7o qofaappe lo7o haasayees; iita asikka ba wozinan kunththi woththida iitateththaafe iita yo7o kessees.

ሉቃሳ ሚሺራቾ 4:22

Asay wurikka iza gishshas lo7o xalala haasayeettes; qasseka iza doonappe keziza lo7o qaalaappe dendidayssan malalettidi, «Hayssi Yooseefe naa gidennee?» gida.

ኤፌሶኔ ኣሳስ 4:29

Koshshiza mala hankko siyizayta go7izaazinne maaddiza qaalappe attiin go7ay baynda qaalay intte doonappe kezoppo.

ቆላሲያሴ ኣሳስ 4:6

Issoy issaas intte zaaro wostti immanaakko intte erana mala intte haasayay maxinera kaxxida kaththa mala mal7o gido.

Ibirawe 9:19

Musey ba azazo wogaa deraas yooti simmidi deyshata suuththinne wofano boorata suuth haaththara ekkidi zo7o dorsa isken ecere wurce misatiza hisophphe geetettiza miththara ekkidi ba xaafida wogaa maxaafa bollaninne dereza bolla wuxxides.