Siiqo Saba 1:4 - Geeshsha Maxaafa

⁴ Tana nenara ekkada ba; haa ya, ane nam7ay issife woxxoos! Ta kawoo, tana ne quruxo giddo gelththa» gadus. «Izan nuni ay keena ufayettidonii! Nuni iza siiqo woyne ushshafekka aaththidi nashshoos. Tumukka maccassay ubbay nena siiqanaas bessees» gida.

ጋሞ ማጻፋ

⁴ ታና ኔናራ ኤካዳ ባ፤ ሃ ያ፥ ኣኔ ናምኣይ ኢሲፌ ዎጾስ! ታ ካዎ፥ ታና ኔ ቁሩጾ ጊዶ ጌል» ጋዱስ። «ኢዛን ኑኒ ኣይ ኬና ኡፋዬቲዶኒ! ኑኒ ኢዛ ሲቆ ዎይኔ ኡሻፌካ ኣዲ ናሾስ። ቱሙካ ማጫሳይ ኡባይ ኔና ሲቃናስ ቤሴስ» ጊዳ።

Siiqo Saba 1:4 ပူးပေါင်းရင်းမြစ်များ

ዮሃኒሳ ሚሺራቾ 6:44

Tana kiittida ta Aaway xeygidaadefe attiin taakko yaana dandayzaadey oonikka deenna. Barkka taakko yaana dandayzay oonikka deenna; taakko yizaadeka wurseththa gallas ta iza hayqoppe denththana.

ሆሴኤ ቲንቢቴ 11:4

Ta istta qadheta wodoroninne siiqo sansalatan taakko shiishshadis; istta morgefe qambara denththadis; ziqqi ga hokkada istta mizadis.

ዮሃኒሳ ሚሺራቾ 12:32

Tani dhoqqu gaada kaqettiza wode asaa wursa taakko zaarana» gides.

ኤርማሳ ቲንቢቴ 31:3

GODAY nuus haahosoppe qonccidi, «Tani inttena mernaa siiqon dosadis; hessa gishshas ta qadheteththan inttena taakko shiishshadis.

Ibirawe 12:1

Hessa gishshas shaara mala nuna yuuyi aadhdhida daro markkati nuus dishin nuna deexxiza toohonne qasse nuna qachchi oykkiza nagara wursi nuuppe wora yeggidi nu sinththan diza woththaa genccaninne dandayan ane woxxoos.

ሉቃሳ ሚሺራቾ 22:19

Ukeththaa ekkidi Xoossaa galatides; izappe isttas menththi immidi, «Hayssi intte gishshas imettana ta asho leemiso gidiza gishshas hayssa ubba wode tana qoppanaas ooththite» gides.

ሉቃሳ ሚሺራቾ 2:10

Kiitanchchay istta, «Babbofte! Tani asa ubbaas gidiza gita ufayssa mishiraachcho ekka yadis.

Maatosa 25:10

Istti lamba shammana bi kichchiin mishirazi gakki wodhdhides. Kase giigetti uttida geela7oti bullachchaso izara gelida; kareykka gordettides.

ዛካራሳ ቲንቢቴ 9:9

Hanne Xiyoone nayee keeha ufayetta. Hanne Yerusalaame nayee ufayssan ilila; xillonne ashshiza ne kawoy ashke gididi hareyonne harey gutte toggidi neekko yees.

ኢሳያሳ ቲንቢቴ 63:7

GODAA kiyateththi, GODAY nuus ooththida ooso ubbaa gishshas, izi galatettiza oosoza gishshas, iza siiqozanne iza kiyateththa keena, Isra7eele keeththas izi ooththidayssa, ee izi ooththida lo7o oosota gishshas ta yootana.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ኢሳያሳ ቲንቢቴ 45:25

Gido attiin Isra7eele zereth ubbay GODAAN xillana; bonchchoka demmana.

ኢሳያሳ ቲንቢቴ 25:8

Hayqo izi mernaas mittana; Ubbaa Haariza GODAY asa ubbaa ayfeppe afunththu quccana; ba deraa kawushshateth biitta ubbaafe diggana. Hayssa GODAY haasaydes.

Siiqo Saba 3:4

Isttafe guuth aadhdha baada ta siiqoza demmadis; izi taappe kessi ekkontta mala minththada oykkadis; ta aayey keeth ekka efadis; ta yelettida kifile gelththadis.

ዬ ማጻፋ 149:2

Isra7eele asati bana medhdhidayssan ufayettetto; Xiyoone asati ba kawozan keehippe ufayettetto.

ኤፌሶኔ ኣሳስ 2:6

Xoossi nuna Kirstoosara gaththi denththides; Yesus Kirstoosa baggara nuna salon banara utissides.

ሶፎናሳ ቲንቢቴ 3:14

Hanne Xiyoone nayee ane yexxa! Isra7eele asawu ane ililite! Hanne Yerusalaame nayee! Kumeththa wozinappe ufayetta! Ufayettashe hashshu ga!

ዬ ማጻፋ 119:60

Tani ne azazo naaganaas eesotanaappe attiin takkike.

ዬ ማጻፋ 119:32

Neni ta wozina aassida gishshas tani ne azazo ogen woxxays.

ዬ ማጻፋ 111:4

Izi ba malalisiza oosota hassa7ettana mala ooththides. Izi kiyanne maariza GODAA.

ዬ ማጻፋ 63:5

Asi lo7o kath mi kallidi ufayettiza mala ta shemppoya nenan ufayettana; tani ta inxarsan ufayssa yeththan nena galatana.

ዬ ማጻፋ 48:9

Abeet Xoossawu, ne Keeththa giddon ne mernaa siiqo qoppoos.

ዬ ማጻፋ 42:4

Ta wozinaya ceeceththan giddora seerashe haytantta akeekadus; daro wode ta Xoossa keeth kaaleththashe ililisaninne galata yeththan ba7aale bonchchana shiiqida daro asa giddora ta waana bizaakko aamusadis.

1ጴጽሮሳ ኪታ 1:8

Intte Yesus Kirstoosa ayfera be7ontta aggikokka intte iza doseeta; ha7ikka intte iza be7ontta aggikokka iza ammaneeta; coo qaalan qonccisana dandayontta gita bonchcho ufays intte ufayetteeta.

ፒሊጲሲዮሴ ኣሳስ 4:4

Ay wodekka Godaan ufayettite; qasseka ta inttena ufayettite gays.

ፒሊጲሲዮሴ ኣሳስ 3:3

Tumu qaxxarettidayti, Xoos woossizayti, Yesus Kirstoosan ceeqqizayti, ashon ceeqettonttaytinne ashonkka ammanettonttayti nuna.

ኤፌሶኔ ኣሳስ 6:24

Godaa Yesus Kirstoosa pacey baynda siiqiza ubbaas saroteththi gido. Amiin.

Siiqo Saba 4:10

Taas siiqo michcho gidida ta mishirayee! Ne siiqoy tana ay mala ufayssizee! Ne siiqoy woyne ushshafe aadhdhi ufayssees; ne shittoy ubbaafekka aadhdhidi sawees.