ኦሮሜ ኣሳስ 9:4 - Geeshsha Maxaafa

⁴ Isttika Isra7eele nayta; istti Xoossa naa gidana mala Xoossa bonchchoynne caaqo qaalay, wogaynne Xoossa Keeththa woga hidotay isttas imettides.

ጋሞ ማጻፋ

⁴ ኢስቲካ ኢስራኤሌ ናይታ፤ ኢስቲ ጾሳ ና ጊዳና ማላ ጾሳ ቦንቾይኔ ጫቆ ቃላይ፥ ዎጋይኔ ጾሳ ኬ ዎጋ ሂዶታይ ኢስታስ ኢሜቲዴስ።

Gamo Geesha Maxxafa New Testamen

⁴ Isttikka Isiraa7eele naytako. Istti Xoossa na gidana mala Xoossa bonchoyne caaqo qaalay ne wogayne Xoossa keeththa woga ufaysi isttasi imetides.

ኦሮሜ ኣሳስ 9:4 ပူးပေါင်းရင်းမြစ်များ

ሜቴ ማጻፋ 15:18

He gallas GODAY Abraames, «Gibxe shaafappe doommidi Efiraaxise geetettiza gita shaafaa gakkanaas ha biittaa tani ne zereththaas immadis.

ሜቴ ማጻፋ 17:10

Taappenne neeppe, neeppe guye ne zereththa giddon intte naagana ta caaqo qaalay hayssa; intte giddon diza attumas ubbay qaxxaretto.

ሜቴ ማጻፋ 17:2

Tani taappenne neeppe giddon diza caaqo qaalaa minththana; tani ne zereththaa keeha darsana!» gides.

ሜቴ ማጻፋ 17:7

Tani taappenne neeppe, neeppe guye ne zereththa giddon, yeletappe yeleta gakkanaas ta gelida caaqo qaala minththana; ha caaqoykka tani neessinne neeppe guye ne zereththas Xoos gidana.

ሜቴ ማጻፋ 32:28

Addezikka iza, «Hayssafe sinththan ne sunththi Isra7eele geetetto attiin Yaaqoobe geetettofo; ays giikko neni Xoossaranne asara baaxetada xoonadasa» gides.

1ካዎታ ማጻፋ 8:11

He shaaraa giddon diza Xoossa bonchchoy sohoza kumida gishshas qeeseti bantta ooso ooththanaas dandaybeettenna.

ናሂሚያ ማጻፋ 13:29

«Ta Xoossawu! Hayti qeeseteththa woga, qeesetaranne Lewe baggatara ne kase woththida caaqo qaala istti wostti tunisidaakko hayssa Xoossoo, ne xeella!» ga woossays.

ዬ ማጻፋ 147:19

Izi ba qaala Yaaqoobe zereththas ba maaraanne wogaa Isra7eele asaas qonccisees.

ዬ ማጻፋ 63:2

Tani nena geeshshasohon xeelladis; ne wolqqanne ne bonchcho tani be7adis.

ዬ ማጻፋ 73:1

Wozina geesh gidida Isra7eele asaas Xoossi ay mala kiya!

ዬ ማጻፋ 78:61

Xoossa wolqqassinne bonchchos malaata gidida Taabotaa morkketa kushen aaththi immides.

ዬ ማጻፋ 89:3

Neni, «Tani dooridayssara caaqo qaala geladis; ta aylle Dawites,

ዬ ማጻፋ 89:34

Tani caaqqida caaqo qaala miikke; ta doonappe ke7ida qaala laammike.

ዬ ማጻፋ 90:16

Nuus ne aylletas ne oosoy qoncco; ne bonchchoy nu naytas beetto.

ኬሳ ማጻፋ 12:25

GODAY kase immana giidi caaqqida qaala mala izi immiza biittaa intte geliza wode ha wogaa naagite.

ኬሳ ማጻፋ 34:27

GODAY Muses, «Tani nenaranne Isra7eele asaara caaqo caaqettizay ha qaalati giza mala gidida gishshas ha qaalata xaafa» gides.

ኬሳ ማጻፋ 4:22

He wode tani GODAY gizayssa kawaas: Isra7eeley taas bayra naa;

ኬሳ ማጻፋ 40:34

Hessafe guye shaaray Xoossa Dunkaaneza kammides; GODAA bonchchoyka iza kumides.

ኢሳያሳ ቲንቢቴ 41:8

GODAY, «Gido attiin nenoo ta ashkara Isra7eele, ta doorida Yaaqoobe, ta laggeza Abrahaame zereththazoo,

ኢሳያሳ ቲንቢቴ 46:3

GODAY, «Intteno Yaaqoobe soo asatoo! Isra7eeleppe attida ubbatoo! Intte intte aayi ulon shaara attoosafe haa simmiin inttena ta oykkidaytoo! Intte yelettoosofe doommada ta tookkidaytoo! Ta gizaa siyite.

ኢሳያሳ ቲንቢቴ 5:2

Biitta bookkidi, shuchchaa qori kessidi, ubbaafe lo7iza woyne turaa tokkides; histtidi iza naaganaas shakko giigsides; woyne ushshu gum7izasoho olla bookki giigsides. Hessafe guye lo7o ayfe ayfana giidi naagides; gido attiin caala phanqida ayfe ayfides.

ኢሳያሳ ቲንቢቴ 60:19

«Hessafe guye gallas awa poo7oy nees koshshenna; omarsika aginay poo7enna; gaasoykka GODAY nees mernaa poo7o gidana; ne Xoossay nees bonchcho gidana.

ኤርማሳ ቲንቢቴ 31:20

Efreemey ta dosada ufayettiza ta naaza gidennee? Daro wode ta izara eqetta haasaykkoka zaarada iza gishshas ta qoppays; ta maracey kokkorees; ta izas keeha qadhettays» gees GODAY.

ኤርማሳ ቲንቢቴ 31:33

«Gido attiin tani GODAY he wodeppe guye Isra7eele deraara ta caaqettana caaqoy hayssa; tani ta woga istta wozinan xaafa woththana; tanikka isttas Xoossa gidana; isttika ta dere gidana.

ኤርማሳ ቲንቢቴ 31:9

Tani istta zaarada ehiza wode istti yeekkishenne woossishe yaana. Tani istta pultto haaththa achchara suure ogera kaaleththana. Gaasoykka tani Isra7eeles aawa; Efreemeykka taas bayra naa.

ሂዚቄላ ቲንቢቴ 1:28

Iza yuushon diza phoolliza poo7oy ira gallas shaara bolla eqqida zuulla misatees. Hessika GODAA bonchcho qoncceth misatees. Tani hessa be7ida wode, biittan duge gufannada issaade haasaya cenggurs siyadis.

ሆሴኤ ቲንቢቴ 11:1

GODAY, «Isra7eeley buro yidhan dishin dosadis. Histtada ta naaza ta Gibxe biittafe xeygadis.

ታይቦ ማጻፋ 7:89

Musey GODAARA haasayanaas gede Gaytoteththa Dunkaanezan geliin atoteth demmanaas shiiqizason Taabotaa kama bolla diza nam7u Kirubeta giddora GODAY izas haasayza qaala siyidi izikka izara haasayettides.

Maatosa 21:33

«Hara leemisokka siyite; woyne miththi tokkizasohoy dizaadey he woynezas birda yuushshi aaththidi woyneza ayfe gum7anaas olla bookkides. Woyneza naaganaas miththa bolla shakko giigsides. Hessafe guye gadeza woyne miththara goyizaytas kira immidi hara dere bides.

ዮሃኒሳ ሚሺራቾ 1:17

Wogay Muse baggara imettides; kiyateththinne tumay gidikko Yesus Kirstoosa baggara nuus yides.

ዮሃኒሳ ሚሺራቾ 1:47

Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.

ሃዋሬታ ኦሶ 2:39

Ufayssa qaalay inttessinne intte naytassa; qasseka Godaa Xoossi baakko xeygiza haahon dizaytassara ubbaassa» gides.

ኦሮሜ ኣሳስ 3:2

Awarakka gidiin go7ay daro; harappe koyro Xoossa qaalay hadara Ayhudatas imettides.

ኦሮሜ ኣሳስ 8:15

Intte ekkida Ayanay zaaridi inttena aylleteththan haariza ayana gidontta «Nu Aawawu» gi xeygisiza naateteththa Ayana ekkideta.

ኦሮሜ ኣሳስ 9:6

Gido attiin hessa guussi Xoossa qaalay attides guus gidenna; Isra7eeleppe yelettiday wuri Isra7eele as gidenna.

2ቆሮንቶሴ ኣሳስ 11:22

Heytantti istti Ibraawe asatee? Tanikka Ibraawekko! Istti Isra7eele asatee? Tanikka Isra7eele asakko! Istti Abrahaame zereththatee? Tanikka Abrahaame zereththiko!

ጋላቲያ ኣሳስ 3:16

Xoossi Abrahaames yootida qaalay Abrahaamessinne iza zereththassa; Geeshsha Maxaafay daro asas yootiza mala, «Iza zereththatas» geenna; gido attiin issi asas yootettiza mala, «Ne zereththas» gees; hessika Kirstoosa.

ኤፌሶኔ ኣሳስ 2:12

Intte he wode Kirstoosappe shaakettidi, Isra7eele naytappe haakkidi, caaqo qaalaska allaga gididi, hayssa alameza bolla hidotaynne Xoossi baynda kase intte diza duussaa yuushshi qopite.

ዛሬ ማጻፋ 14:1

Intte GODAA intte Xoossa nayta; hessa gishshas hayqqida asas mishettidi intte bolla qaaci madunththofte; intte hu7e binanakka buucofte.

ዛሬ ማጻፋ 29:1

GODAY Koreben Isra7eele asaara caaqettida caaqo qaalappe hara Mo7aabe deren nam7anththo caaqettanaas Muse azazida caaqo qaalati hayssafe kaallizayta.

ዛሬ ማጻፋ 29:14

Tani hayssa caaqo qaala geliday inttenara xalla gidenna.

ዛሬ ማጻፋ 31:16

GODAY Muses, «Neni mata wode hayqqada ne aawatan gayttana; hessafe guye hayssi asazi ta izara caaqettida qaalaa laallana; istti tana aggaagidi layma maccassa mala he istti laattana biittaan diza eeqa xoossatas goynnana.

ዛሬ ማጻፋ 4:13

Intte ooththanaas bessiza ba caaqo qaalaa inttes qonccisides; hessika masettida nam7u shuchchata bolla xaafettida tammu azazota.

ዛሬ ማጻፋ 7:6

Gaasoykka GODAA intte Xoossay inttena baas gidana mala doorida dumma dere; biitta bolla diza dere ubbaafe intte izas dumma dere gidana mala doorettideta.

Ibirawe 9:1

Koyro caaqo qaalazan Xoossas goynniza wogaynne biitta bolla diza Xoossa Keeththi dees.

Ibirawe 9:10

Heytantti wurikka ooraththa wogay yaana gakkanaas coo mela doona haasaya mala; qasseka istti muussa gishshassinne ushsha gishshas qasseka dumma dumma geesho wogata xalla.

Ibirawe 9:3

Nam7anththo kifilezi nam7anththo magalashaappe guye baggara diza kifiley ubbaafe dumma geetettees.

Ibirawe 9:5

He taabotaza bolla diza nagarappe maaroteththa kamaza bolla ba qefera kammiza bonchcho kirubeti deettes; ha7i qasse nu heytantta issaa issaa gishshas shaakki shaakki haasayanaas dandayokko.

Ibirawe 9:6

Wurikka hessaththo giigettidaappe guye qeeseti ba ooso polanaas dunkaanaas koyro kifile geleettes.