ኦሮሜ ኣሳስ 8:25 - Geeshsha Maxaafa

²⁵ Gido attiin nuni buro nu ayfen be7ontta miish hidotan naagizaaz gidikko saletay baynda naagoos.

ጋሞ ማጻፋ

²⁵ ጊዶ ኣቲን ኑኒ ቡሮ ኑ ኣይፌን ቤኦንታ ሚሽ ሂዶታን ናጊዛዝ ጊዲኮ ሳሌታይ ባይንዳ ናጎስ።

Gamo Geesha Maxxafa New Testamen

²⁵ Gido attin nuni buro nu ayfen beyontta miish ufaysan naagiza gidikko salistay baynida naagosu.

ኦሮሜ ኣሳስ 8:25 ပူးပေါင်းရင်းမြစ်များ

ሜቴ ማጻፋ 49:18

«Abeet Godoo! Ta ne maado naagays.

ዬ ማጻፋ 27:14

GODAAN ammanetta; minna, hidota qanxxofa, GODAAN ammanetta.

ዬ ማጻፋ 62:1

Ta shemppoya Xoossan xalla shemppo demmawus; taas atoteththi izappe yees.

ኢሳያሳ ቲንቢቴ 25:9

He gallas isttas, «Be7ite nu Xoossay hayssa; nuni izan ammanettidos; izikka nuna ashshides; Hayssi GODAA; nuni izan ammanettidos; izi ashshidayssan ufayettoos; ufayssan hombocoos» gaana.

ኢሳያሳ ቲንቢቴ 26:8

Abeet GODAWU! Ne woga ogera hemettishe nuni nena hidota ooththidos; ne sunththinne ne gitateththi nu wozinas amo.

ሉቃሳ ሚሺራቾ 21:19

Intte minni eqqiko intte shempo ashshana.

ሉቃሳ ሚሺራቾ 8:15

Aradda biittan wodhdhidayssi qaalaa suureninne lo7o wozinan siyidi naagizaytanne dandayan minnidi ayfe ayfizayta.

ኦሮሜ ኣሳስ 12:12

Hidotan ufayettizayta gidite; meto dandayte; woosan minnite.

ኦሮሜ ኣሳስ 2:7

Lo7o ooso aggontta ooththidi bonchcho sabanne mernaa de7o koyzaytas mernaa de7o immana.

ኦሮሜ ኣሳስ 8:23

Iza xalala gidontta koyro Xillo Ayana imota demmida nunikka nu asateththay attana; nu iza naa gidanayssaka laamotishenne wozinara miixattishe doos.

ቆላሲያሴ ኣሳስ 1:11

Goday ba gita wolqqan ba minoteth ubbaa inttes immo; wursika intte dandayana malanne ufayssan giigettidayta gidana mala inttena izi maaddo.

1ታሶሎንቄ ኣሳስ 1:3

Ammanoninne mino siiqoteththan intte ooththida ooso gishshas Godaa Yesus Kirstoosa bolla diza intte mino hidotan beettida intte minoteththaa gishshas nu Godaa Xoossaa, nu Aawaa sinththan ubba gallas intte gishshas qoppoos.

2ታሶሎንቄ ኣሳስ 3:5

Goday intte wozina Xoossa siiqookkonne Kirstoosa dandayaakko kaaleththo.

Ibirawe 10:36

Intte Xoossa shene polidi izi inttes immida ufayssa qaalaa ekkanaas minni eqqanaas inttena koshshees.

Ibirawe 6:12

Ammanoninne dandayan intte iza hidota qaalaa laattizayta misatanaappe attiin dotta7ata gidanayssa nu koyokko.

Ibirawe 6:15

Abrahaameykka gencci naagidaappe kaallidi izas imettida hidota demmides.

ዮሃኒሳ ኣጁታ 1:9

Tani Yesusa waayeza iza kawoteththaa qasseka iza dandayan inttenara issife gidida ta intte ishay Yohannisi Xoossa qaalaninne Yesusas markkattida gishshas qashettada Fiiximo geetettiza abba giddon diza dere daarin days.

ዮሃኒሳ ኣጁታ 13:10

«Di7ettanaas dizaadey di7ettana; mashshan hayqqanaas dizaadey mashshan hayqqana;» hessa gidida gishshas ammanizayta dandayaynne istta ammaneteth koshshizay hannina.

ዮሃኒሳ ኣጁታ 14:12

Xoossa azazo naagizaytappenne Yesusa minni ammanida geeshshatappe koyettiza dandayay haninko.