ኦሮሜ ኣሳስ 3:25 - Geeshsha Maxaafa

²⁵ Iza suuththan gidida ammanon nagarappe maarettana yarsho histtidi Xoossi Yesusa shiishshides; izi hessa ooththiday kasetidi polettida nagara qaxxayontta dandayan aadhdhida ba xilloteth bessanaassa.

ጋሞ ማጻፋ

²⁵ ኢዛ ሱን ጊዲዳ ኣማኖን ናጋራፔ ማሬታና ያርሾ ሂስቲዲ ጾሲ ዬሱሳ ሺሺዴስ፤ ኢዚ ሄሳ ኦዳይ ካሴቲዲ ፖሌቲዳ ናጋራ ቃጻዮንታ ዳንዳያን ኣዳ ባ ጺሎቴ ቤሳናሳ።

Gamo Geesha Maxxafa New Testamen

²⁵ Iza suuthan gidida ammanon naagarape maristana yarsho histtid Xoossi Yesusa shishides. Izi hessa oothiday kassetidi polletida nagara qaxayonta danida7a adhida ba xiillotethi bessaanaskko.

ኦሮሜ ኣሳስ 3:25 ပူးပေါင်းရင်းမြစ်များ

ዬ ማጻፋ 119:142

Ne xilloteththay mernaas dees; ne wogaykka tuma.

ዬ ማጻፋ 22:31

Istti iza xilloteththa gishshas buro yaana yeletas yootana.

ዬ ማጻፋ 40:10

Tani ne xilloteththa ta wozinan qottabeekke; neni ammanettizayssanne ashshizayssa ta yootadis. Qasse ne siiqonne ne tumateththa gita shiiqozappe genththabeekke.

ዬ ማጻፋ 50:6

Xoossi barkka pirdiza Xoossa gidida gishshas saloti iza xilloteththa awajjeettes.

ዬ ማጻፋ 97:6

Saloti iza xilloteththaa awajjeettes; asay ubbay iza bonchcho be7ees.

ዬ ማጻፋ 98:2

GODAY ba ashshizayssa erisides; izi ba xilloteththaka kawoteththas qonccisides.

ኢሳያሳ ቲንቢቴ 53:11

Iza shemppoy waayettidaappe guye izi de7o poo7o be7ananne ufayettana. Ta xillo ayllezi ba erateththan darota xillisana; istta moorokka tookkana.

ሌዌታ ማጻፋ 16:10

Azazeeles giza malatay iza bolla wodhdhida deyshazi shukettontta paxa GODAAS shiiqo; dereza nagara tookkidi duge bazzo yedetto.

ሌዌታ ማጻፋ 16:15

«Hessafe guye hankko dereza nagaraa gishshas shukettiza deyshaa shukko; iza suuththaa keehi dumma geetettiza kifileza gelththidi kase kormaza suuththaa ooththoyssaththo atto gizaso Taabotaa kamaza bollaninne izas sinththa baggara laappunto wuxxo.

ዮሃኒሳ ሚሺራቾ 6:47

Ta inttes tuma gays; tanan ammanida asas mernaa de7oy dees.

ሃዋሬታ ኦሶ 14:16

Izi kase aadhdhida yeletaynne derey wurikka ba koyida mala hananaas yeddi bessides.

ሃዋሬታ ኦሶ 15:18

Hayssa koyroppeka erisida Xoossi tana› gees.

ሃዋሬታ ኦሶ 17:30

Kasetidi Xoossi hayssa mala hanota asay erontta ooththidayssa dandayan aadhdhides; ha7i gidikko asi wuri ba dizason dizason maaroteththan gelana mala azazees» gides.

ሃዋሬታ ኦሶ 2:23

Xoossi kase ba qachchidayssa izas beni erateththaa mala hayssaade intte kushen aaththi immides. Intteka iita asata kushen kaqetti hayqqana mala ooththideta.

ሃዋሬታ ኦሶ 3:18

Gidikkoka Kirstoosi waaye ekkanayssa Xoossi kase nabeta doonan haasaydayssa polides.

ሃዋሬታ ኦሶ 4:28

Hayssanka ne wolqqaninne ne shenen kase ne qoppidayssa istti polida.

ኦሮሜ ኣሳስ 2:4

Woykko Xoossa kiyateththi nena maaroteththaako kaaleththizayssa shaakka erontta dashe iza gita kiyateththaanne iza dandaya dureteththaa ne leqqay?

ኦሮሜ ኣሳስ 3:26

Izi hessa ha wodezan ooththiday ba xilloteththaa; hessika ba baggara xillo gidida Yesus Kirstoosan ammanizaade xillisizayssa bessanaassa.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ኦሮሜ ኣሳስ 5:11

Hessa xalala gidenna; qasseka nuni ha7i izara giiga demmida nu Godaa Yesus Kirstoosa baggara Xoossankka ufays ooththoos.

ኦሮሜ ኣሳስ 5:18

Histtiko issaade qoho gaason pirday asa ubbaa bolla gakkida mala hessaththoka issaade xilloteththa ooson as ubbaas de7o immiza xilloteththi beettides.

ኦሮሜ ኣሳስ 5:9

Nuni iza suuththan geeyidayta gidikko harappeka iza baggara Xoossa hanqofe attana.

1ቆሮንቶሴ ኣሳስ 5:7

Intte ha7i irshoy baynda ooraththa bukeeso gidana mala kase caala irshoza intte giddofe diggite; nu Paaziga dors gidida Kirstoosi nuus yarshettides.

2ቆሮንቶሴ ኣሳስ 5:21

Nuni Kirstoosa baggara Xoossa xilloteth gishetti ekkizayta gidana mala Xoossi iza bolla nagaray baynda Kirstoosa izi nu nagara tookkana mala ooththides.

ኤፌሶኔ ኣሳስ 1:7

Xoossa aadho kiyateththa dureteththaafe dendoyssan Yesusa suuththan wozzettidi nagarappe nu maarettidos.

ኤፌሶኔ ኣሳስ 2:13

Ha7i qasse intte kase haahon dizayti Yesus Kirstoosan gididi iza suuththaa baggara shiiqideta.

1ጺምቶሳስ 1:15

Yesus Kirstoosi nagaranchchata ashshanaas duge hayssa ha alame yides giza qaalay tumanne asi wurikka ekkanaas bessizayssa. Nagaranchchatappeka aadhdhiza nagaranchchay tana.

Ibirawe 10:4

Gaasoykka wofanotanne deyshata suuththi asappe nagara digganaas dandayenna.

Ibirawe 11:14

Hessa mala giza asati istta derey awakkonne ba dere naagizayssa qonccen besseettes.

Ibirawe 11:17

Xoossi Abrahaamey ba naaza Yisaaqa shukkana mala paacciin Abrahaamey Yisaaqa yarshanaas ammanon shiishshides; Xoossi izas immana gidayssa izikka ba naa issineza shukkanaas giigettides.

Ibirawe 11:7

Nohes Xoossi buro Nohey ba ayfen be7ontta miishshaa gishshas naagettana mala yootiin Nohey Xoossas babbidi baso asa ashshanaas ammanon markabe keexxidi alame asaa pirdisides; ammanon beettiza xilloteth laattizaade gidides.

Ibirawe 9:28

Kirstoosi daro asa nagara digganaas issito yarshettides; nam7anththoka izi qonccana; hessi iza naagizaytas atoteth ekki yaanaas attiin nam7anththo zaari nagara tookkanaas gidenna.

Ibirawe 9:5

He taabotaza bolla diza nagarappe maaroteththa kamaza bolla ba qefera kammiza bonchcho kirubeti deettes; ha7i qasse nu heytantta issaa issaa gishshas shaakki shaakki haasayanaas dandayokko.

1ዮሃኒሳ ኪታ 1:10

Nuni nagara ooththibeekko giikko iza nu wordanchcha kessoossinne iza qaalaykka nunan deenna.

1ዮሃኒሳ ኪታ 2:2

Izi nu nagaray atto geetettana mala oge giigsizaade; hessika nuna xalla gidontta kumeththa alame asassara attiin nuus xalla gidenna.

1ዮሃኒሳ ኪታ 4:10

Nuni Xoos siiqibeekko shin izi nuna siiqides; nu nagaraa dhayssana mala ba naaza yeddides; siiqo guussika hessa.

ዮሃኒሳ ኣጁታ 13:8

Alamey medhettoosoppe haa simmiin istta sunththi shukettida dorsaza de7o maxaafan xaafettontta alame bolla diza asay wurikka he do7azas hokki goynnana.

ዮሃኒሳ ኣጁታ 20:15

Iza sunththi de7o maxaafan xaafettonttaadey wurikka tama abbaan yegettides.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.