ኦሮሜ ኣሳስ 2:29 - Geeshsha Maxaafa

²⁹ Gidikkoka issi asi Ayhuda as gidanaas dandayzay izas gaaththa baggay Ayhuda as gidishinna. Qaxxaraykka qaxxara gidizay xaafettida woga xalala gidontta Ayanan wozinappe gidida qaxxara gidikkoko! Hessa mala asi galata asappe gidontta Xoossafe demmees.

ጋሞ ማጻፋ

²⁹ ጊዲኮካ ኢሲ ኣሲ ኣይሁዳ ኣስ ጊዳናስ ዳንዳይዛይ ኢዛስ ጋ ባጋይ ኣይሁዳ ኣስ ጊዲሺና። ቃጻራይካ ቃጻራ ጊዲዛይ ጻፌቲዳ ዎጋ ጻላላ ጊዶንታ ኣያናን ዎዚናፔ ጊዲዳ ቃጻራ ጊዲኮኮ! ሄሳ ማላ ኣሲ ጋላታ ኣሳፔ ጊዶንታ ጾሳፌ ዴሜስ።

Gamo Geesha Maxxafa New Testamen

²⁹ Gidikkokka issi uray Ayuda asa gidanaas danda7izay izas gaatha baggara Ayude asa gidishinkko. Qaxarayka qaxara gidizay xaafetida wogaa xalala gidontta ayanan wozinape gidida qaxxara gidikokka hessa mala assi galata asape gidontta Xoossafe demmees.

ኦሮሜ ኣሳስ 2:29 ပူးပေါင်းရင်းမြစ်များ

1ታሪኬ ማጻፋ 29:17

«Ta Xoossawu! Neni wozina pilgga xeellizayssanne suureteth dosizayssa tani erays; tani ta suure wozinaninne lo7o shenen hayssa ubbaa immadis; hayssan diza ne asaykka nees ba lo7o shenen immidi ufayettidayssa tani be7adis.

ዬ ማጻፋ 45:13

Kawaa naya kawo keeththa giddon ay mala lo7azee! Izi may7oyka worqqan alleqides.

ኤርማሳ ቲንቢቴ 4:14

Nenoo Yerusalaamee! Ne attana koykko ne wozina iitateththaa meecetta; Iita qofay ne wozinan ayde gakkanaas gam7anee?

ኤርማሳ ቲንቢቴ 4:4

Intteno Yuhuda asatoo, Yerusalaamen dizaytoo! GODAAS intte qaxxarettite; intte wozina iitateththaa diggite; histtontta aggiko intte ooththida iitateththaa gishshas ta hanqoy tama mala eexxi kezana; oonikka iza toyssanaas dandayenna» gees.

ኤርማሳ ቲንቢቴ 9:25

Qasseka GODAY, «Be7ite, bantta asho xalla qaxxarettida asaa tani qaxxayana wodey yees.

ሉቃሳ ሚሺራቾ 11:39

Goday izas, «Ha7i intte Farsaaweti xuu7assinne keres bolla bagga meecci geeshsheeta; inttes giddo baggazi uuzeteththaninne iitateththan kumides.

ሉቃሳ ሚሺራቾ 17:21

Asay Xoossa kawoteththi haan dawus woykko heen dawus gaanaas dandayettenna; Xoossa kawoteththi intte giddon dawus» giidi zaarides.

ዮሃኒሳ ሚሺራቾ 12:43

Istti hessaththo haniday isttas Xoossafe imettiza bonchchofe aaththidi asappe imettiza bonchcho dosida gishshassa.

ዮሃኒሳ ሚሺራቾ 4:23

Gido attiin tumu goynnizayti Xoossaa Aawaas Ayananinne tuman goynniza wodey buro yaana; haray attoshin ha7ikka yides. Xoossay aawaykka koyzay hessa mala goynnizayta.

ዮሃኒሳ ሚሺራቾ 5:44

Intte intte giddon issoy issaafe bonchcho koyzaytoo! Issi Xoossafe beettiza bonchcho koyonttayto intte waanidi tana ammanana dandayeetii?

ኦሮሜ ኣሳስ 14:17

Xoossa kawoteththi Xillo Ayanan beettida xilloteth, saroteththinne ufayssafe attiin muussa yo7onne ushsha yo7o gidenna.

ኦሮሜ ኣሳስ 2:27

Nees xaafettida wogaynne qaxxaray nees diikko diza wogaa ne naagonttaade gidikko hankko qaxxarettontta dishe wogaas azazettiday ne bolla pirdana.

ኦሮሜ ኣሳስ 3:1

Histtiko Ayhuda as gideththas aaza go7ay dizee? Qaxxaray ay go7izee?

ኦሮሜ ኣሳስ 7:6

Ha7i gidikko kase nuna waaxi qachchida wogaas hayqqida gishshas he wogaappe wozzettidos; hessika kase ceega wogaan xaafettidayssan gidontta dishe ooraththa Ayana ogen nuni ooththanaassa.

1ቆሮንቶሴ ኣሳስ 4:5

Hessa gishshas pirdana wodey gakkontta haara ay yo7okka pirdofte; Goday yaana gakkanaas naagite; izi dhuma giddon qotettidayssa buro qoncce kessana. Asa wozina giddon diza qofaakka qoncce kessana; he wode issi issi asi baas bessiza galata Xoossa achchafe ekkana.

1ቆሮንቶሴ ኣሳስ 7:19

Qaxxarettiin qaxxarettontta aggiin nam7aanka go7ay deenna; waanna ayfe yo7oy Xoossa azazo polo.

2ቆሮንቶሴ ኣሳስ 10:18

Asi galatettanaas dandayzay Goday galatikko attiin barkka bana galatiin gidenna.

2ቆሮንቶሴ ኣሳስ 3:6

Hessika pidalen xaafettida wogan gidontta Ayanan xaafida ooraththa caaqo qaala oosanchchata nu gidana mala ooththides; gaasoykka pidalen xaafettida wogay wodhees; Ayanay gidikko de7o immees.

ዛሬ ማጻፋ 10:16

Hessa gishshas ane hayssafe guye intte wozina muumisopitenne intte wozina iitateththaa diggidi GODAAS azazettite.

ዛሬ ማጻፋ 30:6

Intte de7on daana malanne GODAA intte Xoossaa intte kumeththa wozinappenne kumeththa shemppofe siiqana mala izi inttessinne intte naytas azazettiza wozina immana.

ፒሊጲሲዮሴ ኣሳስ 3:3

Tumu qaxxarettidayti, Xoos woossizayti, Yesus Kirstoosan ceeqqizayti, ashon ceeqettonttaytinne ashonkka ammanettonttayti nuna.

1ታሶሎንቄ ኣሳስ 2:4

Gido attiin nu Mishiraachcho qaalaa hadara ekkanaas dandayza asata mala Xoossi nuna qoodida gishshas nu haasayoos; hessaka nu ooththizay nu wozina paacci eriza Xoossaa ufayssanaas attiin as ufayssanaas giidi gidenna.

1ጴጽሮሳ ኪታ 3:4

Intte lo7eteththi Xoossa sinththan waagara diza keehi bonchchettidaazinne dhayontta geexen, ashketeththan, addateththaninne Ayanan geexettida wozina garsan qotetti diza giddo wozina lo7eteth gido.

1ሳሜላ ማጻፋ 16:7

Gido attiin GODAY Sameela, «Tani hayssa kadhida gishshas ne izas malaa woykko geesaa xeellofa; GODAY asi xeelliza mala xeellenna; asi kare bagga hanota be7ees; GODAY gidikko wozina xeellees» gides.