ኦሮሜ ኣሳስ 2:10 - Geeshsha Maxaafa

¹⁰ Gidikkoka lo7o ooththizaades oonaska Ayhuda asas gidiin Ayzaabetas sabay, saroteththinne bonchchoy gidana.

ጋሞ ማጻፋ

¹⁰ ጊዲኮካ ሎኦ ኦዛዴስ ኦናስካ ኣይሁዳ ኣሳስ ጊዲን ኣይዛቤታስ ሳባይ፥ ሳሮቴኔ ቦንቾይ ጊዳና።

Gamo Geesha Maxxafa New Testamen

¹⁰ Gidikkoka lo7o oothizades oonasika Ayhuda asas gidin hankko dere asas sabay, sarotethinne bonchoy gidana.

ኦሮሜ ኣሳስ 2:10 ပူးပေါင်းရင်းမြစ်များ

ኢዮቤ ማጻፋ 22:21

«Hessa gishshas Iyoobe nenateththaa Xoossas haarisa; izarakka ne saron da; ne hayssa ooththiko lo7o miish demmana.

ዬ ማጻፋ 15:2

Suure de7o de7izay, xillo ooththizay, ba wozinappe tuma haasayzay,

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ዬ ማጻፋ 37:37

Ane lo7o as akeeka; suure as be7a; saro asas wurseththi lo7o gidana.

ሌሚሶ ማጻፋ 11:18

Iita asi demmiza wodhey deenna; xilloteth zeriza asi gidikko suure woyto ekkana.

ሌሚሶ ማጻፋ 8:18

Dureteththinne bonchchoy ta matan deettes; wurontta aqotaynne injjey ta matanna.

ኢሳያሳ ቲንቢቴ 26:12

Abeet GODAWU! Neni nuus saroteth yoch ooththadasa; nu ooso ubbaa neni ooththadasa.

ኢሳያሳ ቲንቢቴ 32:17

Xilloteththa ayfey saroteth; xilloteththa oosoy woppanne mernaas ammaneteth gidana.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኢሳያሳ ቲንቢቴ 48:22

«Iitatas saroy baa» gees GODAY.

ኢሳያሳ ቲንቢቴ 55:12

Intte ufayssan kezana; saron moyzettana. Zumatinne zumbullati intte sinththan ililisara yexxana; demban diza miththati ubbayka bantta kushe baqqana.

ኢሳያሳ ቲንቢቴ 57:19

Isra7eele biittan yeekkizayta doonan ta galata woththana. Mataninne haahon dizaytas saroynne woppay gido. Tani istta paththana» gees.

ኤርማሳ ቲንቢቴ 33:6

«Gido attiin tani izis paxateththinne payyateth zaara immana; ta derezakka paththana; ta istta daro saroteththaninne woppateththan woththana.

ታይቦ ማጻፋ 6:26

GODAY nena ba maaroteththa ayfen xeello; ba saroteththka izi nees immo› gaada yoota.»

Maatosa 10:13

He keeththay sarotay bessiza keeththe gidikko intte sarotay he keeththaas gido; sarotay bessontta keeththe gidikko intte sarotay aggi inttes simmo.

ሉቃሳ ሚሺራቾ 1:79

Hessika dhuman dizaytassinne hayqo kuwa giddon dizaytaska poo7isana malanne nu tohotakka saroteththa oge kaaleththanaassa» gides.

ሉቃሳ ሚሺራቾ 12:37

Istta goday yiza wode dhiskontta naagi uttida ashkarati istti anjjettidayta; ta inttes tumu gays; istta goday baas qaanththan gixxi eqqidi istta maaddan utissidi mizana.

ሉቃሳ ሚሺራቾ 22:14

Wodey gakkida mala Yesusi Hawaaretara quma maaddan uttidi, «Tani waaye beyanaappe kasetada hayssa Paazigaa inttenara issife maanaas keeha amottadis.

ሉቃሳ ሚሺራቾ 9:48

«Ha guuththa naaza ta sunththan ekkizaadey oonikka diikko tana ekkees; tana ekkizaadeyka tana kiittidayssa ekkees; inttefe ubbatappe guuxxizaadey izi ubbaafe aadhdhees» gides.

ዮሃኒሳ ሚሺራቾ 12:26

Taas ooththana koyzaadey tana kaallo; Taas ooththizaadey ta dizason daana; taas ooththizaade ta Aaway iza bonchchana» gides.

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ሃዋሬታ ኦሶ 10:35

Gido attiin Xoossas babbizaytanne xillo ooththizayta ubbaa oona baggafe gidiinkka izi ekkees.

ኦሮሜ ኣሳስ 14:17

Xoossa kawoteththi Xillo Ayanan beettida xilloteth, saroteththinne ufayssafe attiin muussa yo7onne ushsha yo7o gidenna.

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

ኦሮሜ ኣሳስ 2:7

Lo7o ooso aggontta ooththidi bonchcho sabanne mernaa de7o koyzaytas mernaa de7o immana.

ኦሮሜ ኣሳስ 2:9

Iita ooththiza ay asa bollaka koyro Ayhuda asa bolla, kaallidi Ayzaabeta bolla waayeynne metoy gakkana.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ኦሮሜ ኣሳስ 8:6

Ashos xalla qofay hayqo gidishin Ayana yo7os qofay gidikko de7onne saroteththa.

ኦሮሜ ኣሳስ 9:21

Urqqa medhdhizaadey he urqqaafe baggaa bonchchos, baggaa qasse coo hiraysso oosos medhdhanaas iza shene gidennee?

ኦሮሜ ኣሳስ 9:23

Koyro bonchchos giigsida iza maaroteth bessizaytas iza bonchcho dureteththi erettana mala izi ooththanaassa.

ጋላቲያ ኣሳስ 5:22

Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth,

ጋላቲያ ኣሳስ 5:6

Asi Yesus Kirstoosan diikko qaxxarettiin woykko qaxxarettontta aggiin aykkoka go7enna; go7ay dizay siiqon qoncciza ammano xalla.

ፒሊጲሲዮሴ ኣሳስ 4:7

Asa qofappe bollara diza Xoossa saroteththi intte wozinanne intte qofaa wursi Yesus Kirstoosan naagees.

1ጺምቶሳስ 1:17

Hessa gishshas mernaas hayqqi erontta, ayfen beetti erontta barkka xalla Xoos gidida kawos mernaappe mernaa gakkanaas izas bonchchoynne galatay gido. Amiin.

Ibirawe 2:7

Ne iza kiitanchchatappe guuththara guuththadasa. Bonchcho zawudenne galata iza hu7en woththadasa. Neni iza ne kushe oosota bolla shuumadasa.

ያቆቤ ኪታ 2:22

Hessan ba ammanoza oosora gaththi ooththizayssa ne beyaasa; ammanoykka ooson polettides.

ያቆቤ ኪታ 3:13

Intte garsafe akeekara diza era asi oonee? Eray dizaa gidikko ane ba ooso ashketeththaninne aadho erateththara ba lo7o duussan besso.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

1ጴጽሮሳ ኪታ 5:4

Intte hessaththo ooththiko hankko waanna heemmizayssi qoncciza wode intte moorettontta bonchcho akilile ekkana.

1ሳሜላ ማጻፋ 2:30

«Hessa gishshas GODAA Isra7eele Xoossay, ‹Ne keeththinne ne aawa keeththa asay ta sinththan mernaas haggazana mala hidota qaala immadis; ha7i gidikko GODAY hannife guye ta hayssa ooththike;› tana bonchchizayta takka bonchchana; tana kadhizayti mulerakka kadhettana.