ኦሮሜ ኣሳስ 16:18 - Geeshsha Maxaafa

¹⁸ Heytantta mala asati Yesus Kirstoosas ooththizayta gidontta ba qanththa kaththa gishshas ooththizayta; shugo qaalara haasayaninne wozina kiya asata baleththeettes.

ጋሞ ማጻፋ

¹⁸ ሄይታንታ ማላ ኣሳቲ ዬሱስ ኪርስቶሳስ ኦዛይታ ጊዶንታ ባ ቃን ካ ጊሻስ ኦዛይታ፤ ሹጎ ቃላራ ሃሳያኒኔ ዎዚና ኪያ ኣሳታ ባሌቴስ።

Gamo Geesha Maxxafa New Testamen

¹⁸ Heytantta mala asati Yesus kiristoosas oothizayta gidontta ba qanththa kaththa gishshi oothizaytakko. Shugo qaalara haasa7anine wozina kiya asata balethetes.

ኦሮሜ ኣሳስ 16:18 ပူးပေါင်းရင်းမြစ်များ

2ሳሜላ ማጻፋ 15:6

Kawozaakko suure pirda demmanaas yiza Isra7eele asa ubbaakko Abeseloomey hessaththo hani hani shiiqiza gishshas Isra7eele asaa wozina ekkides.

2ታሪኬ ማጻፋ 18:5

Hessa gishshas Isra7eele kawozi tinbite yootiza 400 nabeta shiishshidi, «Tani Gala7aaden diza Eramoote katamaa olanaas booyee booppoo?» giidi istta oychchides. Histtiin istti, «Xoossay he katamaza kawo kushen aaththi immana gishshas ba!» gida.

ዬ ማጻፋ 119:130

Ne qaala birsheththay poo7o immees; akeekay paccidaytas akeeka immees.

ዬ ማጻፋ 12:2

Issoy issaas wordo haasayees; issoy issaa doonan cimmeettes;

ዬ ማጻፋ 19:7

GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.

ሌሚሶ ማጻፋ 14:15

Eeya asi ubbaa miish ammanees; cinccay gidikko akeekidi tanggees.

ሌሚሶ ማጻፋ 22:3

Akeekanchcha asi iita be7idi attanaas baqatees; gido attiin akeekay paccida asi meton gelidi qohettees.

ሌሚሶ ማጻፋ 8:5

Intteno akeekay paccidaytoo! wozinama gidite; intteno eeyatoo akeeka demmite.

ኤርማሳ ቲንቢቴ 23:17

Tana kadhizayta isttas, ‹GODAY inttes saro gidana gides› geettes; bantta wozina muumeteththa kaallizayta ubbaa isttas, ‹Iita miishshi inttena gakkenna› geettes.

ሂዚቄላ ቲንቢቴ 13:16

Yerusalaames tinbite yootidaytinne saroy baynda dishin saroteththa ajjuuta izis be7ida Isra7eele nabeti dhayda› gays.

ሂዚቄላ ቲንቢቴ 13:19

Kuuchche gidontta banggassinne bars gidontta kaththas giidi wordo siyiza ta deraas intte wordotishe hayqqana bessonttayssa wodhishe, daanaas bessonttayta ashshishe ta sunth dere sinththan kawushshideta› gees.

ዳኔላ ቲንቢቴ 11:34

Ha deexo metozi istta bolla gakkida wode istti amarda maado demmana; daro asati istta bagga misatidi isttako shiiqana shin wozinappe gidenna.

ሚኪያሳ ቲንቢቴ 3:5

Xoossi, «Ta dere baleththiza nabeti asi istta mizikko, ‹Saroteththi dees› geettes. Muzontta aggiko qasse, ‹Olay yees› gi awajjanaas dendeteettes.

ሚልካሳ ቲንቢቴ 1:10

«Taas Yarsho yarshizason go7ay baynda tama intte eeththontta mala inttefe issaadeyka Xoossa Keeththa penge gordizaakko aazee dizay! Ta inttenan ufayettikenne intte kusheppe ay yarshoka ekkike» gees Ubbaafe Wolqqama GODAA Xoossay.

Maatosa 24:11

Daro wordo nabeti dendananne darota baleththana.

Maatosa 24:24

Wordo Kirstoosinne wordo nabeti buro dendidi isttas dandayettiko doorettidayta baleththanaas giidi wolqqama malaatatanne kase oosetti erontta miish ooththana.

Maatosa 6:24

«Issi asi nam7u godaas ooththana dandayenna. Issaa ixxidi nam7anththoza dosana; woykko issaa bonchchidi nam7anththoza leqqana; Xoossassinne miishshas nam7atas gaththi ooththanaas dandayettenna.

Maatosa 7:15

«Isttas giddo baggay Kana suyte mala gidi uttidinne dorsa ite may7i gelidi intte giddo giddon ooththiza wordo nabetappe naagettite.

ዮሃኒሳ ሚሺራቾ 12:26

Taas ooththana koyzaadey tana kaallo; Taas ooththizaadey ta dizason daana; taas ooththizaade ta Aaway iza bonchchana» gides.

ኦሮሜ ኣሳስ 14:18

Hayssaththo Kirstoosas ooththizaadey Xoos ufaysseessinne asa achchanka galatettees.

ኦሮሜ ኣሳስ 16:19

Intte mishiraachcho qaalas azazettizayta gididayssa asi wuri siyides; hessika tana daro ufayssides; gidikkoka intte lo7o hanos cinccata qasse iita oosos eeyata gidana mala ta koyays.

2ቆሮንቶሴ ኣሳስ 11:3

Shooshshay ba genera Hewaano baleththidayssaththo oonee erizay intte qofaykka moorettiin Kirstoosas diza suurenne geesh gidida ammaneteththaa inttena aggaagandettoo gaada ta hirgays.

2ቆሮንቶሴ ኣሳስ 2:17

Nuni Wodhe demmanaas giidi Xoossa qaala shaqace mala walakereththidi bayziza daro asata mala gidokko; gido attiin Xoossafe kiitettida suure asa mala gididi Kirstoosan Xoossa sinththan suure yootoos.

2ቆሮንቶሴ ኣሳስ 4:2

Gido attiin geemara haniza yeellasiza yo7ota nu aggidos; as baleththoko; Xoossa qaalaa wordora walakkoko; hessa histtanaappe tumu yo7ota qonccera yootishe asi wurikka nu gizayssa ekkana mala nunateththaa Xoossa sinth shiishshoos.

ጋላቲያ ኣሳስ 1:10

Ha7i tani asi tana eroshsho! Hashshu gaana mala koyazinayee? Xoossi hashshu gaana mala koyazinaa? Woykko as ufayssana koyazinaa? Ta as ufayssana koyzaakko Kirstoosa oosanchcha gidikke.

ፒሊጲሲዮሴ ኣሳስ 2:21

Haray wurikka Yesus Kirstoosayssa gidontta ba go7as woxxizaade xalala.

ፒሊጲሲዮሴ ኣሳስ 3:19

Istta wurseththi dhayo; istta uloy istta Xoossa; isttas kawushshateththay isttas bonchcho; istta wozinay shempiday ha biittaa duussanna.

ቆላሲያሴ ኣሳስ 2:4

Oonikka inttena doona mal7eththon baleththontta mala ta inttes yootays.

ቆላሲያሴ ኣሳስ 3:24

Intte Godaa achchafe intte ooso mala ekkanaas laatay dizayssa intte ereeta; intte ooththizay Godaa Yesus Kirstoosassa.

2ታሶሎንቄ ኣሳስ 2:10

Hessaththoka ekki attontta mala tumaa ixxidi dhayza asata baleththanaas dumma dumma iita oosoy yaana.

1ጺምቶሳስ 6:5

Tumay isttafe eketti gidiin Ayana ooson wodhe demmana misatiza asatanne qofa pace asata giddon gooshettidi duuxxontta oosh eheettes.

ያቆቤ ኪታ 1:1

Xoossa oosanchchanne Yesus Kirstoosa oosanchcha gidida Yaaqoobeppe biitta bolla laalettida tammanne nam7u kochchatas saroteththi inttes gido.

2ጴጽሮሳ ኪታ 2:3

Heyti wordo astamaareti miishshas gaphigaphiza gishshas barkka medhdhi ekkida yo7o yooti yootidi inttes dizaaz baas bonqqi ekkeettes; beni beniisoppe pirday isttas giigetti uttides; addafe istta dhayoy naagees.

ዩሁዳ ኪታ 1:1

Yesus Kirstoosas ooththiza Yaaqoobe isha Yuhudappe, inttes xeygettidaytas, Xoossay Aaway siiqizaytassinne Yesus Kirstoosi naagidaytas ubbatas,

ዩሁዳ ኪታ 1:12

Hayti ha asati yeellay baynda layma hanora issi bolla intte diggisason beettiza wode inttes dhuphe gideettes; istti baas xalla qoppeettes; istti carkon biza iray baynda shaara mala; ayfey ayfiza woden ayfey baynda xaphoppe dhoqallettidi nam7uto melida miththa mala.

ዩሁዳ ኪታ 1:16

Heyti he asati ubba wode zuuzumettizaytanne ay miishshankka ufayetti eronttayta; istti ba iita amo kaallizayta; istta doonan otoreteththa qaalay kumides; baas ba go7a koyishe as aadasheettes.

ዮሃኒሳ ኣጁታ 1:1

Hayssi ajjuutazi mata wode biitta bolla hananayssa baas ooththizayta bessana mala Xoossi Yesus Kirstoosas immidayssa. Yesus Kirstoosikka ba kiitanchcha kiittidi ba oosanchchaza Yohannisas hayssa ajjuutaza qonccisides.

1ሳሜላ ማጻፋ 2:29

Ta aqiza keeththaan shiiqana mala ta azazida yarshozanne kaththaza ays kadhidetii? Neninne ne nayti ta dere Isra7eeley shiishshida yarsho ubbaafe muuruta muuruta doori miidi intte moollattideta; nekka taappe aaththada ne nayta ays bonchchadii?› gees.