ኦሮሜ ኣሳስ 15:7 - Geeshsha Maxaafa

⁷ Hessa gishshas Xoossi inttena Xoossa bonchchon mokki ekkida mala intteka issoy issaa ufayssan mokki ekkite.

ጋሞ ማጻፋ

⁷ ሄሳ ጊሻስ ጾሲ ኢንቴና ጾሳ ቦንቾን ሞኪ ኤኪዳ ማላ ኢንቴካ ኢሶይ ኢሳ ኡፋይሳን ሞኪ ኤኪቴ።

Gamo Geesha Maxxafa New Testamen

⁷ Hessa gish Xoosu galatanasi inte Kiristossa ekidamala isi isaka ekite.

ኦሮሜ ኣሳስ 15:7 ပူးပေါင်းရင်းမြစ်များ

Maatosa 10:40

«Inttena mokki ekkizaadey tanakka mokki ekkees. Tana mokki ekkizaadey tana kiittidaadekka mokki ekkees.

ማርቆሳ ሚሺራቾ 9:37

«Hayta guuththa naytappe issaade ta sunththan mokki ekkizaadey tanakka mokki ekkees; tana mokki ekkizaadey wuri tana xalala gidontta tana kiittidayssaka mokki ekkees» gides.

ሉቃሳ ሚሺራቾ 15:2

Farsaawetinne Xaafeti, «Hayssi addezi nagaranchchata ixxenna; isttarakka mees» giidi ba giddon zuuzumettida.

ሉቃሳ ሚሺራቾ 9:48

«Ha guuththa naaza ta sunththan ekkizaadey oonikka diikko tana ekkees; tana ekkizaadeyka tana kiittidayssa ekkees; inttefe ubbatappe guuxxizaadey izi ubbaafe aadhdhees» gides.

ዮሃኒሳ ሚሺራቾ 13:34

Intte intte giddon issoy issaara siiqettana mala ta inttes ooraththa azazo immays. Ta inttena siiqida mala intte intte giddon issoy issaara siiqettite.

ዮሃኒሳ ሚሺራቾ 6:37

Ta Aaway taas immizay wurikka taakko yaana; taakko yizaade ta kare gooddike.

ኦሮሜ ኣሳስ 15:9

Hessaththoka Ayzaabeti iza maaroteththaa gishshas Xoos galatana mala; hessika, «Ta nena dere giddon galatana; ne sunththaaska galata mazamure yexxana» geetetti Geeshsha Maxaafan xaafettida mala.

ኦሮሜ ኣሳስ 5:2

Hayssa ha ammanozan minni diza kiyateththan nuni geliday iza baggara gidida gishshas ufayssan Xoossa bonchcho gishetti ekkizayta gidida gishshas nu ufayettoos.

ኤፌሶኔ ኣሳስ 1:12

Nuni kasetidi Kirstoosa baggara ekkana giidi ufayssan naagizayti Xoossa bonchcho galatan qonccisanaassa.

ኤፌሶኔ ኣሳስ 1:18

Hessaththoka intte izan xeygettida ufayssay hessika ammanizayta achchan diza iza dureteththi aazakkonne intte erana mala intte wozina ayfey poo7ana mala woossays.

ቆላሲያሴ ኣሳስ 3:13

Intte issoy issaa dandayte; inttefe issaadey issaade bolla mishettiko yo7oykka iza bolla diikko issoy issaas atto atto geetettite; Godaykka inttes atto gida mala intteka hara asas atto giite.