ኦሮሜ ኣሳስ 15:31 - Geeshsha Maxaafa

³¹ Tani Yuhudan diza ammanontta asaa kusheppe attana malanne Yerusalaamen diza ta oosoykka heen ammanizayta achchan ekettana mala taas woossite.

ጋሞ ማጻፋ

³¹ ታኒ ዩሁዳን ዲዛ ኣማኖንታ ኣሳ ኩሼፔ ኣታና ማላኔ ዬሩሳላሜን ዲዛ ታ ኦሶይካ ሄን ኣማኒዛይታ ኣቻን ኤኬታና ማላ ታስ ዎሲቴ።

Gamo Geesha Maxxafa New Testamen

³¹ Nuni Yhudan diza manonita asa kushepe nu atanamalane Yerusalame diza ta oothoyka heni amanizayta achan ekistanamalatas wosite.

ኦሮሜ ኣሳስ 15:31 ပူးပေါင်းရင်းမြစ်များ

2ታሶሎንቄ ኣሳስ 3:2

Qasseka asi wuri ammanizayssa gidontta gishshas makkallanchchatappenne iita asatappe nu attana mala nuus woossite.

2ቆሮንቶሴ ኣሳስ 8:4

Yuhudan diza ammanizaytas maado immanaas digettontta mala nuna keehi woossida.

2ቆሮንቶሴ ኣሳስ 9:1

Yuhudan diza ammanizaytas kessiza miishsha gishshas ta inttes xaafanaas koshshenna.

ኦሮሜ ኣሳስ 15:25

Ha7i qasse ammanizaytas imettiza maado miish ekkada Yerusalaame bays.

2ጺምቶሳስ 4:17

Gido attiin qaalaa kiitay ta baggara kumeth yootettana malanne dere asay wuri siyana mala Goday ta achchan eqqidi tana minththides; Gaammo doonappeka tana ashshides.

2ጺምቶሳስ 3:11

Ta goodeteththaanne ta waayeza Anxokiyan, Iqoniyooninne Listtirankka ta bolla gakkidayssa ubbaa tani dandayan ekkidayssa ne eraasa; gidikkoka Goday hessa ubbaafe tana ashshides.

1ታሶሎንቄ ኣሳስ 2:15

Istti Godaa Yesusanne kase nabetakka wodhida; nunakka gooddida; Xoossaaka ufayssibeettenna; as ubbaara eqettizayta gidida.

ሃዋሬታ ኦሶ 25:24

Fisxoosi, «Kawo Agirphaa! Nunara diza asatoo! Ayhuda asati wuri, ‹Hayssi addezi hayssafe guye paxa daana bessenna› giidi waassishe Yerusalaamenkka haankka iza bolla pirdettana mala istti tana oychchizay hayssa intte be7iza addeza gishshassa.

ሃዋሬታ ኦሶ 25:2

Heen diza qeeseta halaqatinne issi issi Ayhudata giddofe gita gita asati Phawuloosa bolla ba mooto shiishshida; «Phawuloosa haa Yerusalaame ehidi, ‹Nuus lo7o ooso ooththarkkii!› » giidi woossida; istti hessa giday Phawuloosa naagidi oge bolla wodhanaas koyida gishshassa.

ሃዋሬታ ኦሶ 22:24

Mato halaqazi hessa be7idi Phawuloosa wottadarati dizaso gelththana mala azazides; dereykka iza bolla aazas hessa mala waassizaakko erana mala iza garafidi paaxisana mala azazides.

ሃዋሬታ ኦሶ 9:13

Hanaaniyaykka zaaridi, «Godoo! Hayssaadey Yerusalaamen diza geeshshata bolla ay mala iita meto gaththidaakko ta daro asappe siyadis.

ሃዋሬታ ኦሶ 9:15

Godaykka izas, «Ne ba! Hayssi addezi Ayzaabeta sinththaninne kawota sinththan hessaththoka Isra7eele dere sinththan ta sunth tookkana mala izi taas doorettidayssa.

1ቆሮንቶሴ ኣሳስ 16:15

Ta ishatoo! Akaya biittan koyro ammaniday Isttifaanoseso asaa gididayssanne ammaniza asaa maaddanaas istti bana aaththi immidayssa intteka ereeta.

2ቆሮንቶሴ ኣሳስ 1:10

Izi nuna hessa mala qoppontta hayqoppe ashshides; ha7ikka wodeppeka izi nuna ashshanayssa nu ammanettoos.

2ቆሮንቶሴ ኣሳስ 9:13

Hayssi intte kiyateththa oosozi intte Kirstoosa Mishiraachcho qaalaan ammanidi ammanettidayta gididayssa, isttassinne harataska intte kiyateth immidayssa erisizaaz gidida gishshas istti wurikka Xoos galatana.