ኦሮሜ ኣሳስ 12:2 - Geeshsha Maxaafa

² Lo7o, ufayssizaazinne kumeth gidida Xoossa sheney aazakko intte paacci erana mala intte qofan ooraxidi laamettite attiin hayssa alame asaa misatopite.

ጋሞ ማጻፋ

² ሎኦ፥ ኡፋይሲዛዚኔ ኩሜ ጊዲዳ ጾሳ ሼኔይ ኣዛኮ ኢንቴ ፓጪ ኤራና ማላ ኢንቴ ቆፋን ኦራጺዲ ላሜቲቴ ኣቲን ሃይሳ ኣላሜ ኣሳ ሚሳቶፒቴ።

Gamo Geesha Maxxafa New Testamen

² Loo7o ufaysizazine kumeth gididazi Xoossa sheney azakone inte paaci erana mala inte qofan oraxidi lamettite attin hayssa alame asa milatopite.

ኦሮሜ ኣሳስ 12:2 ပူးပေါင်းရင်းမြစ်များ

ኢዝራ ማጻፋ 10:11

Ha7ippe doommidi kase intte aawata Xoossaa sinththan intte nagara paaxite; izi ufayettiza miish ubbaa ooththite; nu deren diza Ayzaabe asatappe shaakettite; intte ekkida he maccassata anjji yeddite» gides.

ዬ ማጻፋ 119:103

Ne qaalay ay mala mal7izee! Eessa ililoppeka aadhdhidi doonan mal7ees.

ዬ ማጻፋ 119:128

Ne wogati ubbay tumu gididayssa ammanadis; hessa gishshas geella oge ubbaa ixxadis.

ዬ ማጻፋ 119:174

Abeet GODAWU! Ne atoteththa ta laamotays; ne wogay tana ufayssees.

ዬ ማጻፋ 119:72

Daro shii birappenne worqqafe ne doonappe ke7ida wogay taas aadhdhees.

ዬ ማጻፋ 119:97

Tani ne woga ay keena siiqazinaa! Gallas kumeth tani iza yuushsha qoppays.

ዬ ማጻፋ 34:8

GODAY kiya gididayssa yuushshi qopite; izakko shiiqiday anjjettidaade.

ዬ ማጻፋ 51:10

Abeet Xoossawu! Ne taas geeshsha wozina medhdha; mino ayana ta giddon woththa.

ኬሳ ማጻፋ 23:2

«Iita miish ooththanaas daro asa kaallofa; pirda mirqqanaas daro asaara gidada markkattofa.

ሂዚቄላ ቲንቢቴ 18:31

Intte ta bolla ooththida qoho ubbaa wora olite; inttes ooraththa wozinaynne ooraththa ayanay de7o; intteno Isra7eele asatoo ays hayqqeetii?

ሂዚቄላ ቲንቢቴ 36:26

Tani inttes ooraththa wozina immana; ooraththa ayanakka intte ta giddon ayssana; qasse shuchcha wozina intte giddofe kessada asho wozina immana.

Maatosa 13:22

Agunththa giddon zerettida zereththay qaala siyidi hayssa ha alamezas daro metoteththaninne dureteththa qofan balettidinne cuulettidi ayfe immontta asa mala.

ማርቆሳ ሚሺራቾ 4:19

Gido attiin ha biitta metoy, miishsha siiqoynne hara amoy istti siyida qaala cuullidi ayfe ayfontta mala diggees.

ዮሃኒሳ ሚሺራቾ 14:30

Hayssa alameza haariza Xala7ey yiza wodey gakkida gishshas ha7i ta inttenara daro haasaykke; izi ta bolla aykkoka ooththanaas izas wolqqay deenna.

ዮሃኒሳ ሚሺራቾ 15:19

Intte ammanontta alame asaa gidikko alame asay ba bagga gididaade dosees. Gido attiin intte alame bagga gidontta gishshas ta inttena alameppe shaakkada doorida gishshas derey inttena ixxees.

ዮሃኒሳ ሚሺራቾ 17:14

Tani ne qaalaa isttas immadis; tani hayssa alameza as gidonttayssa mala isttika ha alame as gidettenna; hessa gishshas ha alame asay istta ixxides.

ዮሃኒሳ ሚሺራቾ 7:7

Derey inttena ixxana dandayenna; tana gidikko ixxees; gaasoykka tani alame oosoy iita gididayssa izas markkattiza gishshassa.

ኦሮሜ ኣሳስ 12:1

Hessa gishshas ta ishatoo! Intte asateththaa geeshshinne Xoos ufayssiza de7o yarsho ooththidi intte shiishshana mala ta inttena Xoossa qadhetan woossays; hessika wozinama asa mala intte Xoossas ooththiza ooso.

ኦሮሜ ኣሳስ 13:14

Hessa aggidi Yesus Kirstoosa may7ite; asho amo polanaas qoppofte.

ኦሮሜ ኣሳስ 7:12

Hessa gishshas wogay ba baggara geeshsha; azazoykka geeshsha; xillonne lo7o.

ኦሮሜ ኣሳስ 7:14

Wogay Ayana yo7o gididayssa nu eroos; ta qasse nagaras aylle mala bayzettida asa.

ኦሮሜ ኣሳስ 7:22

Tani ta gaaththara Xoossa wogaan ufayettays.

1ቆሮንቶሴ ኣሳስ 3:19

Hayssa ha dereza erateththi Xoossa achchan eeyateththa; kase Geeshsha Maxaafan, «Izi eranchchata istta gene ooso gaason zaaridi oykkana» geetetti xaafettides.

2ቆሮንቶሴ ኣሳስ 4:4

Xoossa leemiso gidida Kirstoosa bonchcho Mishiraachcho qaalaa poo7oza ha alame asay be7ontta mala hayssa ha alameza xoossi ammanontta asaa wozina muumisides.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

ጋላቲያ ኣሳስ 1:4

Nu Aawaa Xoossaa shene gidiin iita alamezappe nuna ashshanaas bana aaththi immidayssas,

ኤፌሶኔ ኣሳስ 1:18

Hessaththoka intte izan xeygettida ufayssay hessika ammanizayta achchan diza iza dureteththi aazakkonne intte erana mala intte wozina ayfey poo7ana mala woossays.

ኤፌሶኔ ኣሳስ 2:2

hessa intte hayssa alameza iita oge kaallideta; bolla carko bolla diidi haariza wolqqama ayanatas ha7ikka Xoossas azazettontta asaa bolla ooththiza iita ayanas intte azazettishe gam7ideta.

ኤፌሶኔ ኣሳስ 5:17

Hessa gishshas eeyata gidopite; Godaa sheney aazakko yuushshi qopite.

ቆላሲያሴ ኣሳስ 1:9

Nu qasse hessa siyoosoppe haa simmiin intte Xoossa shene erateththaninne akeekan inttena kunththana mala intte gishshas woosa qanxxibeekko.

ቆላሲያሴ ኣሳስ 3:10

Bana medhdhidayssa misatana mala eran ooraxida ooraththa asateth may7ideta.

ቆላሲያሴ ኣሳስ 4:12

Intte baggafe gidida Yesus Kirstoosa oosanchcha Ephafiray inttena saro gees; izikka inttena Ayana duussan lo7eththi minnidi mulera woppu giidi Xoossa shenen minni eqqana mala ubba wode intte gishshas woosan baaxetees.

1ታሶሎንቄ ኣሳስ 4:3

Xoossa sheney intte laymappe haakkidi dummatanaassa.

ያቆቤ ኪታ 1:27

Xoossaa Aawaa sinththan iitateththi baynda lo7o ammanoy aayanne aaway hayqqida nayta, istta azinati hayqqida maccassata metotettishin maadonne hayssa alameza tunateththaafe bana naago.

ያቆቤ ኪታ 4:4

Intteno laymatizaytoo! Alamera siiqeteththi Xoossara morkketeth gididayssa erekketii? Hessa gishshas hayssa alamezara siiqeteth koyzay wurikka Xoossas morkke.

1ጴጽሮሳ ኪታ 1:14

Intte azazettiza nayta gididi erontta dishe intte kase izan diza iita qofaa kaallofte.

1ጴጽሮሳ ኪታ 1:18

Intte kase intte aawatappe laattida hada duussaafe wozzettiday dhayza biran woykko worqqan gidonttayssa intte ereeta.

1ጴጽሮሳ ኪታ 2:3

Intte laamotanaas bessizay Goday kiya gididayssa shaakki erikko.

1ጴጽሮሳ ኪታ 4:2

Hessafe guye ba diza wode ubbaan izi daanay iita asho amoteth ooson gidontta dishe Xoossa shene polonna.

2ጴጽሮሳ ኪታ 1:4

Ba bonchchoninne ba kiyateththan bonchcho wogay dizayssanne keehi gita gidida iza hidotaa nuni demmidos; heytantta baggara intte iita amo gaason hayssa ha alamezan diza dhayoppe kessi ekkidi Xoossateththa hanozappe izara gishettizaadentta gidideta.

2ጴጽሮሳ ኪታ 2:20

Nu Godaanne nuna ashshida Yesus Kirstoosa eridi ha alameza tunateththaafe kessi ekkidaappe guye qasseka guye simmidi he kase tunateththaan xoonettidi gelikko isttas kaseyssafe guyeyssi aadho iita gidana.

1ዮሃኒሳ ኪታ 3:13

Ta ishatoo! Inttena alame asay ixxiko malalettofte.

1ዮሃኒሳ ኪታ 5:19

Nuni Xoossafe gididayssanne alamey kumeth iita asa kushen dizayssa nu eroos.

ዮሃኒሳ ኣጁታ 12:9

He gita dawezi duge yegettides; izikka kumeththa alameza baleththiza daabulosa woykko Xala7e geetetti xeygettiza beni wode shooshshaza; izi duge biitta bolla yegettides; iza kiitanchchatikka izara issife yegettida.

ዮሃኒሳ ኣጁታ 13:8

Alamey medhettoosoppe haa simmiin istta sunththi shukettida dorsaza de7o maxaafan xaafettontta alame bolla diza asay wurikka he do7azas hokki goynnana.