ኦሮሜ ኣሳስ 11:20 - Geeshsha Maxaafa

²⁰ Tumu gidetashin istti meqqiday ammano paceppe dendidayssanna. Intte qasse ammanon eqqideta; babbite attiin otorettofte.

ጋሞ ማጻፋ

²⁰ ቱሙ ጊዴታሺን ኢስቲ ሜቂዳይ ኣማኖ ፓጬፔ ዴንዲዳይሳና። ኢንቴ ቃሴ ኣማኖን ኤቂዴታ፤ ባቢቴ ኣቲን ኦቶሬቶፍቴ።

Gamo Geesha Maxxafa New Testamen

²⁰ Tumu gidista shin istti meqiday ammano paceppe denididayssankko. Inteka ammanon eqidista. Babbite attin otoretofite.

ኦሮሜ ኣሳስ 11:20 ပူးပေါင်းရင်းမြစ်များ

2ታሪኬ ማጻፋ 20:20

Istti maalado wonttara dendidi Tequhe bazzo baana kezida; istti oge kezida mala Iyoosaafixey dendi eqqidi, «Yuhudanne Yerusalaame asawu tani gizayssa ezgi siyite; GODAAN intte Xoossan ammanettite; intte minnana; qasse nabeta qaalan ammanettite; yo7o ubbay inttes injjetana» gides.

ዬ ማጻፋ 138:6

GODAY bolla dhoqqan diikkoka hiyeesata lo7o ayfen xeellees; gido attiin otoranchchata izi haahoppe erees.

ሌሚሶ ማጻፋ 28:14

GODAAS ubbato yayyiza asi anjjettidaade; gido attiin ba wozina dammasiza asi meton gelana.

ሌሚሶ ማጻፋ 28:26

Banan ammanettiza asi eeya; gido attiin aadho erateththan hemettizay saron de7ees.

ኢሳያሳ ቲንቢቴ 2:11

Otoranchcha ayfey gukkana; moodhettizayti kawuyana; he wode GODAY xalla dhoqqu dhoqqu gaana.

ኢሳያሳ ቲንቢቴ 2:17

Moodhettizaadey kawuyana; otoranchchay kundana; he gallas GODAY xalla dhoqqu dhoqqu gaana;

ኢሳያሳ ቲንቢቴ 66:2

Hayta ubbaa ta kushey ooththibeennee? Hayti beettana mala ooththiday tana gidikkinaa? Tani ashke; wozinay meqqidaadenne ta qaalaska kokkorizaadeko ta xeellays.

ኢሳያሳ ቲንቢቴ 7:9

Qasse Samaariyay Efreeme biittaas hu7e; Eromeliyo nay Samaariyas hu7e; intte intte ammanon minnidi eqqontta ixxiko mulekka eqqanaas dandayekketa» gees.

ኢምባቆ ቲንቢቴ 2:4

«Hekko izi otorettides; iza amoy suure gidenna; xillo asi gidikko ammanon dees.

ሶፎናሳ ቲንቢቴ 3:11

Intte ta bolla polida qoho ubbaafe dendidayssan; he gallas yeellatekketa; ba otoreteththan ufayettizayta, hanno ha katamayppe ta diggana. Hessafe guye ta geeshsha zuman, intte ta bolla otoretteketa.

ሉቃሳ ሚሺራቾ 18:14

«Ta inttes yootays; Xoossa sinththan Farsaawezi xilloteth demmibeenna; hayssi qaraxizayssi gidikko xillidi baso simmides; bana dhoqqisizay wuri ziqqi gaana; bana ziqqisizay gidikko dhoqqu gaana» gides.

ሃዋሬታ ኦሶ 18:6

Gido attiin istti izara eqettidi iza cayida gishshas Phawuloosi ba may7o qoqofidi, «Ta inttefe xillo; intte pirdettanay intte mooron gidida gishshas ta intte suuththa gomen oyshettike; hessa gishshas ta Ayzaabetakko bays» gides.

ኦሮሜ ኣሳስ 11:18

heyta he meqqi wodhdhida haggata bolla otorettofa; intte istta bolla otorettiko qasse hanno wozinan woththite; he miththaa tookkiday nena gidakka; miththay nena tookkides attiin.

ኦሮሜ ኣሳስ 11:21

Xoossi koyroppe diza haggatas mishettonttaade gidikko intteska mishettenna.

ኦሮሜ ኣሳስ 12:16

Intte intte garsan doseteththan diite; manqotara issifeteththan daanaas koyite attiin otorettoftenne ceeqettofte.

ኦሮሜ ኣሳስ 12:3

Inttes Xoossi immida ammano mala intterkka inttena paacci xeellite attiin ha7i dizayssafe bollara inttena dhoqqisi xeellontta mala tani taas imettida Xoossa kiyateththan inttena issaa issaa zorays.

ኦሮሜ ኣሳስ 3:3

Isttafe issotas issotas ammanoy baynda aggiko Xoossan ammaneteth diggizee?

1ቆሮንቶሴ ኣሳስ 10:12

Hessa gishshas ta minna eqqa days gizaadey diikko kundontta mala baas naagetto.

1ቆሮንቶሴ ኣሳስ 15:1

Ha7ikka ta ishatoo! Ta inttena sabbakiin intte ekkidi izan minni eqqida Mishiraachcho qaalaa ha7i qofsana koyays.

1ቆሮንቶሴ ኣሳስ 16:13

Beeggite! Ammanon minni eqqite; minnite; goobite.

2ቆሮንቶሴ ኣሳስ 1:24

Intte ammanon eqqida gishshas inttena ufayssanaas nu inttenara ooththana attiin intte ammano bolla godatanaas gidenna.

2ቆሮንቶሴ ኣሳስ 10:5

Xoos erontta mala dhuphe gidi dendiza palamanne otoreteth nu laalloos; asa qofa ubbaa di7i ekkidi Kirstoosas azazettana mala ooththoos.

ፒሊጲሲዮሴ ኣሳስ 2:12

Hessa gishshas ta ishatoo! Intte kase ubba wode azazettizayta gidida mala ha7ikka tani matan dontta inttefe haahon diikkoka intte atoteththay kumeth gidana mala yashshateththaninne bonchchon polite.

ቆላሲያሴ ኣሳስ 2:7

Intte izan tokettidinne keexettidi intte tamaarda mala ammanon minnidi daro tirpa galata izas shiishshishe diite.

2ታሶሎንቄ ኣሳስ 2:4

Izikka Xoos geetetti goynnettiza eeqa xoossata ubbaafe bollara bana dhoqqu dhoqqu histtizaadenne Xoossara eqettizaade; izikka Xoossa Keeththan uttidi bana, «Tani Xoossa» giidi awajja awajjisana.

1ጺምቶሳስ 6:17

Hayssa ha alamezan duretidayti otorettontta mala azaza; nu ufayettana mala wursika darssi tirfisidi nuus immiza Xoossaan attiin ammanththontta miishshaan ammanettontta mala asaas yoota.

Ibirawe 3:12

Ta ishatoo! Inttefe oonikka de7o Xoossaafe haraso inttena haassiza iitanne ammanontta wozinay dontta mala naagettite.

Ibirawe 3:19

Hessa gishshas istti gelontta attiday ammanoy baynda gishshas gididayssa nu eroos.

Ibirawe 4:11

Hessa gishshas oonikka heytantta mala azazettontta ixxidayssa leemiso kaallidi kundontta mala he shemposoyo gelanaas ane minnoos.

Ibirawe 4:6

Iza shemposo buro gelana issi issi asati deettes; kase isttas mishiraachcho qaalay sabbakettidayti azazettontta ixxida gishshas iza shemposo istti gelibeettenna.

ያቆቤ ኪታ 2:19

ne, «Issi Xoossi dizayssa ammanaasa» hessika lo7o; daydanththatikka hessa mala ammaneettessinne keehi kokkoreettes.

ያቆቤ ኪታ 4:6

Gido attiin izi ba kiyateth nuus gujji immees; Maxaafaykka, «Xoossi otoranchchatara eqettees; ashketas gidikko ba kiyateth immees» giday hessassa.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.

1ጴጽሮሳ ኪታ 5:12

Tani izan ammanettida isha ga qoppiza Silwaanoosa baggara hayssa kiitaza qaanththara inttes xaafadis; ta hessa xaafiday inttena zoranaassinne hayssi tumu Xoossa kiyateth gididayssa inttes qonccisanaas gaadakko; hessa gishshas intte hayssan Xoossa kiyateththan minni eqqite.

1ጴጽሮሳ ኪታ 5:9

Alame kumeththaan diza intte ishati hessa mala meto ekkana dizayssa intte eridi ammanon minni eqqidi izara eqettite.

ዮሃኒሳ ኣጁታ 18:7

Iza baas, ba bonchchossinne baas giigana mala immoyssa gina waayenne muuzoteth izis immite; iza ba wozinara, ‹Tani kawo machchi mala uttadis attiin am7i mala gidikke; tana muuzoteththi mulekka gakkenna› gaada ceeqettawus.

ዮሃኒሳ ኣጁታ 3:17

‹Tani durekko; taas daro haaroy dees; taas aykkoyka paccibeenna› gaasa shin neni gilqa; aykkoy baynda hiyeesa; manqo; qooqenne kallo dizaade gididayssa erabeekka.