ኦሮሜ ኣሳስ 10:9 - Geeshsha Maxaafa

⁹ Neni ne doonara, «Yesusi Godaa» gaada markkattiko Xoossi iza hayqoppe denththidayssa ne wozinan ne ammanikko attana.

ጋሞ ማጻፋ

⁹ ኔኒ ኔ ዶናራ፥ «ዬሱሲ ጎዳ» ጋዳ ማርካቲኮ ጾሲ ኢዛ ሃይቆፔ ዴንዳይሳ ኔ ዎዚናን ኔ ኣማኒኮ ኣታና።

Gamo Geesha Maxxafa New Testamen

⁹ Neni ne dunara “Yesusay Goda” gaada marikatiko Xoossi iza hayqope denithidayssa ne wozinan ne ammanikko attana.

ኦሮሜ ኣሳስ 10:9 ပူးပေါင်းရင်းမြစ်များ

ሉቃሳ ሚሺራቾ 12:8

«Ta inttes yootays; ta gishshas asa sinththan markkattiza asa ubbaas Asa Nay qasseka Xoossa kiitanchcha sinththan iza gishshas markkattana.

ዮሃኒሳ ሚሺራቾ 9:22

Iza yelidayti hessaththo giday oonikka Yesusa izi Kirstoosa giidi markkattiday wuri Ayhudata woosa keeththafe goodettana mala Ayhudati kase seera ooththida gishshas Ayhudatas babbidi gida.

ሃዋሬታ ኦሶ 16:31

Isttika izas, «Godaa Yesusa ammana; nekka neso asaykka intte wuri attana» gida.

ሃዋሬታ ኦሶ 2:24

Gido attiin Xoossi iza bollafe hayqo wolqqa diggidi hayqoppe denththides; hayqoykka iza oykki ashshanaas dandaybeenna.

ሃዋሬታ ኦሶ 2:32

He Yesusa Xoossi hayqoppe denththides; nunikka wuri hayssas markkatta.

ሃዋሬታ ኦሶ 8:36

Istti issife bishe haaththi dizaso gakkida; addezikka, «Hekko haaththi hayssan dees; histtiin ta xammaqettontta mala tana diggizay aazee?» gides.

ኦሮሜ ኣሳስ 10:10

Neni xillanay wozinan ammanikko; ne attanay ne doonara markkattiina.

ኦሮሜ ኣሳስ 14:11

«Ta paxa days; gulbatey wurikka taas gulbatana. Inxarsi wuri Xoossas markkattana» geetetti kase Geeshsha Maxaafan xaafettides.

ኦሮሜ ኣሳስ 14:9

Hessa gishshas hayqqidaytassinne paxa dizaytas Godaa gidanaas Kirstoosi hayqqidi hayqoppe paxi dendides.

ኦሮሜ ኣሳስ 4:24

Gido attiin Xoossi nu xilloteththaa iza baggara taybiza nu Godaa Yesusa hayqoppe denththidayssan ammaniza nuussarakko.

ኦሮሜ ኣሳስ 8:34

Histtiin pirdizay oonee? Hayqqidi hayqoppe dendidi Xoossa ushachchan uttida Yesus Kirstoosi nu gishshas gaannatees.

1ቆሮንቶሴ ኣሳስ 12:3

Hessa gishshas oonikka Xoossa Ayanan haasayshe, «Yesusi qanggettidaade» geenna. Hessaththoka Xillo Ayanan gididi attiin oonikka, «Yesusi Godaa» gaana asi donttayssa ta inttes yootays.

ፒሊጲሲዮሴ ኣሳስ 2:11

Asa inxarsi wurikka Xoossaa Aawaa bonchchos Yesus Kirstoosi Godaa gididayssa markkattanaassa.

1ጴጽሮሳ ኪታ 1:21

Inttes ammanoynne intte hidotay Xoossan gidana mala Yesus Kirstoosa baggara iza hayqoppe denththidi izas bonchcho immida Xoossaan intte ammanetteeta.

1ዮሃኒሳ ኪታ 4:15

Yesusi Xoossa naa gididayssa ammanidi markkattiza ubbaan Xoossi deessinne izaadeyka Xoossan dees.

2ዮሃኒሳ ኪታ 1:7

Yesus Kirstoosi asa asho may7idi yibeenna giza ammanontta daro baleththizayti alame bolla laalettida; heyta malay ay asikka as baleththizaadenne Kirstoosara eqettizaade.